Efɛzɛ̀n anmàn-bɔ̀ 3:16 - Ɛmɛẅi ankà ankrànkràn 2003

¹⁶ Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:16 Iomraidhean Croise

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Rɔmɛ̀n-anmàn-bɔ̀ 2:29

Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.

Rɔmɛ̀n-anmàn-bɔ̀ 7:22

M'ɛnbɔrɛ mɛ̀n lɔ mɛ ẅɛn Ɔwɔ nyànmàn cüɛ̀n.

Rɔmɛ̀n-anmàn-bɔ̀ 9:23

Tɛ́n ne ji nɛ̀n yé ɔmu lɔ le n'eci-zrɔ ẅɛn vɔ̀nshɛ́ anwrɔn nyantɛn hɔ̀n wú, anwrɔn hɔ̀n léyi nɛ̀n ẅɛn yɔ ɛnhyɔ̀bɔ̀-nyrì, anwrɔn hɔ̀n léyi nɛ́n gɔ̀ wá esùva nɛ̀n hɛ́n ô kè dú n'eci-zrɔ lɔ mɛ̀n nɔn.

1 Korɛntɛ̀n anmàn-bɔ̀ 16:13

Nyɛ́n yɛ́ ɛshishiemɛ̀n ankaẅì-bùtan-ẅɛn mɛ̀n, nyɛ́n ẅɛn edùyì, nyɛ́n ẅɛn ecüì.

2 Korɛntɛ̀n anmàn-bɔ̀ 12:9

Nɛ̀n mrɛ́n mɛ̀n ɔmùan le: “Mɛ́n boafɔ̀n krɔn mɛ́n. M'ɛkɔrɛ̀-srɔn ke yé n'edomɛ̀n ɛnvra léyi e dú ɛjɛ mɛ̀n nɔn.” Mɛ cüɛn ɔmu le mɛ̀n gbú ɔmùan m'ɛjɛ̀ hɔ̀n lɔ wú, ô Krisì kɔrɛ̀-srɔn lɔ, n'esùva-wá kɛ vá mɛ̀n ɛwú.

2 Korɛntɛ̀n anmàn-bɔ̀ 4:16

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:15

nɛ́n léyi ɛmɛ̀n lɔ fɛn, ɛwú mán ɛnhi dú nɛ̀n antamɛ̀n nɔn.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 6:10

Ɔtrɔmɛ̀n lɔ, nyɛ́n bɩ́ ecüì nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, n'ɛkɔrɛ̀srɔn vri lɔ mɛ̀n.

Filipɛ̀n anmàn-bɔ̀ 4:13

Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.

Filipɛ̀n anmàn-bɔ̀ 4:19

M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.

Kɔlɔsèn anmàn-bɔ̀ 1:11

Bɔ́ sán nɛ̀n, nɛ̀n tán nyɛ̀n ecüì eci lɔ fɛn mɛ̀n n'eci-zrɔ kɔrɛ̀-srɔn lɔ mɛ̀n, ô nyɛ́n ẅɛn ɛnbɔrɛ nyɛ́n hɛ́n eci lɔ fɛn mɛ̀n.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.

Ebre-bɔ̀ 11:34

yɔ zɛ́n ɛnhyà shishi hɔ̀n, kɩ yɔ srɛ́ di owù anta anhà-kɔ́n-nyan mɛ̀n. Yɔ dú ɛjɛ-bɔ̀, kɩ yɔ srɔ ecüì-ẅɛn-bɔ̀; yɔ dú bìakpa-bɔ̀ anhà-kɔ́n mɛ̀n, kɩ yɔ kɛ́n ɛmɛ̀n nyantɛn anhà-kɔ́n-bɔ̀, sɩ́ ɛmɛẅi.

1 Piɛrɛ̀n 3:4

Nyɛ́n ji ɛnhɛ́n mɛ̀n fì nyɛ́n wá edomɛ̀n, ɛnhɛ́n-mɛ̀n-fi-ci léyi ke sɩ́ wúɛ, dú sɔ̀hɔ̀ mán anwɔwɔ, kɩ ẅɛn vɔ̀nshɛ́ vri Ɔwɔ zìwú nɔn.