Efɛzɛ̀n anmàn-bɔ̀ 3:13 - Ɛmɛẅi ankà ankrànkràn 2003

¹³ Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Efɛzɛ̀n anmàn-bɔ̀ 3:13 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

2 Korɛntɛ̀n anmàn-bɔ̀ 1:6

Ke dú kɛ bɔ́ dú ɛgbànkán mɛ̀n hô, ny'ɛnbɔrɛ-bi-wá mán ɛnkrukɔrɛ̀ léyi nyɛ lɛ cɔ̀ nɔn hɩ kruhú; ke dú kɛ bɔ́ cɔ́ ɛnbɔrɛ-bi-wá hô, ɛnbɔrɛ-bi-wá ndɔ léyi nyɛ lɛ cɔ̀ nɔn, kɛ lɛ tán nyɛ̀n ɛgbànkàn dùsɔ́ ɛnbɔrɛ-ẅɛ̀n-hɛ́n mɛ̀n, ɛgbànkàn zri léyi bɔ́ mán bɔ́ kàn nɔn.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Filipɛ̀n anmàn-bɔ̀ 2:18

Ɔmu zri lɔ, nyɛ́n mán nyɛ́n dú ɛnbɔrɛ-bruemɛ̀n, ô nyɛ́n hán mɛ̀n mɛ̀n dú nyɛ́n pɔpüɛ̀-brà lɔ mɛ̀n.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

2 Tesalonikɛ̀n anmàn-bɔ̀ 3:13

Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.