Efɛzɛ̀n anmàn-bɔ̀ 3:11 - Ɛmɛẅi ankà ankrànkràn 2003

¹¹ Eci ndɔ lɔ fɛn dú n'ezì, Ɔwɔ-ci-hán-ci léyi kè sɩ̀ ẅɛ̀n ɛnkrutrɔ, hɩ nɛ̀n hán bɔ́ Ɛẅɛnwrɔn Zhezü Krisì bɩmɛ̀n nɔn.

Efɛzɛ̀n anmàn-bɔ̀ 3:11 Iomraidhean Croise

Rɔmɛ̀n-anmàn-bɔ̀ 9:11

Tɛ́n Ɔwɔ ẅɛn n'ankɔndá ci-hán ɛnvra léyi nɛ mrɛ́n anwrɔn ne bɩ: n'eci-mrɛ́n-bɩ lɔ, kɛ crɛnyan ɔmu le nɛ hán ne bi yɔ nɔn, kɩ kè sɩ̀ dù y'eci-hán-mɛ̀n. Ô nɛ̀n yé le ne di ɔmùan zri n'ɔmùan-wá ci-hán lɔ mɛ̀n nɔn, zɛtɛn Ɔwɔ dɔ́ Rebeka ankà kɩ hɩ vra lɔ mán, Rebeka kɛ vá bî n'ɛẅì hɔ̀n lɔ, kɩ yɔ vá hán anvrɛn mán ɛgbàn: kɩ nɛ̀n dɔ́ yi le: “V'ɛnẅì cüìcüì lɔ, ke le dú ɛcɛ lɔ, n'eci-bɩtan-wrɔn.”

Galasi anmàn-bɔ̀ 5:24

Anwrɔn hɔ̀n léyi dú Zhezü Krisì tɛn nɔn, yɔ hán yɔ mumù y'ɛwúvà ankà-tro mán y'ɛci-gbangbàn-hán lɔ fɛn wú Zhezü gban-hán-tɛ̀ wú.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Efɛzɛ̀n anmàn-bɔ̀ 1:9

nɛ̀n hán tán bɔ̀, bɔ́ nyri n'ankɔ́nda ankà-bán-ankà, léyi n'ɛnyhɔ̀bɔ̀-nyrì lɔ mɛ̀n, nɛ́n gɔ̀ wá tán le nɛ lɛ hán Krisì bɩ́mɛ̀n nɔn.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,