Efɛzɛ̀n anmàn-bɔ̀ 3:1 - Ɛmɛẅi ankà ankrànkràn 2003

¹ Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 3:1 Iomraidhean Croise

Lükɛ̀n 21:12

Tɛ́n eci ndɔ lɔ n'ɛmɛẅi lɔ, yɛ lɛ gɔ̀ ẅɛn nyɛ̀n, yɛ hán nyɛ̀n ɛgbàn, ye le sɩ́ nyɛ̀n ɛcüìcüì-bɔ̀ zìwú, ô ye ci nyɛ̀n ɛmrɛ̀n Ɔwɔ-sɛ́n-wɔn hɔ̀n lɔ mɛ̀n, kɩ yɛ lɛ wá nyɛ̀n anwɔn-mɛ̀n-wá-wɔn mɛ̀n; yɛ lɛ hán nyɛ̀n nyɛ́n srɔ ɛnnɛ̀ncüì hɔ̀n mán anmàn cüìcüì-bɔ̀ ziwú m'ɛkruhú.

Ɔkɔ̀hɔ̀n-wá-bɔ̀ kɔ̀hɔ̀n hán 21:33

Zɛtɛn ɔwrɔn cüìcüì lɔ sɔnba nɛ̀n ɛtɛ̀sɛ̀n, hán yɔ ẅɛn nɛ̀n kɩ wá tán le yɔ bɩ́ gbràka anhyrɛ̀ yɔ kora nɛ̀n; zɛtɛn ne yrɛ ɔwrɔn léyi dú yi mán eci léyi nɛ̀n hàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 23:18

Gɔliɛ-wrɔn lɔ bɩ́ nɛ̀n hɔ̀n, kɩ hɔ́n sɩ́ nɛ̀n gɔliɛ-bɔ̀ wrɔn cüìcüì lɔ, kɩ nɛ dɔ̀ le: “Anwɔn-mɛ̀n-wá-wrɔn Pɔlɛ̀n bi mɛ̀n, kɩ dɔ́ mɛ̀n, mɛ̀n bɩ́ Sùgban-ẅì ndɔ lɔ, hɩ ẅɛn ankà ke ji kɛ̀ dɔ̀ nɔn, mɛ̀n và sɩ́ mɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 26:29

Pɔlɛ̀n mrɛ́n ɔmùan le: “Ɛnvra bruemɛ̀n hô, ɛnvra sheshe mɛ̀n hô, mɛ sɛ́n Ɔwɔ le ke bɩ́ dú vɛ́n zri, tɛ́n nyɛ́n lɔ fɛn léyi nye die mɛ̀n nukù ɛnyɔncì lɔ nɔn, nyɛ́n dù kɛ̀ hán mɛ̀n hɔ́, gbràka ndɔ léyi dú mɛ̀n ankɔrɛ̀ nɔn, kɩ bàdà ɛmɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

2 Korɛntɛ̀n anmàn-bɔ̀ 1:6

Ke dú kɛ bɔ́ dú ɛgbànkán mɛ̀n hô, ny'ɛnbɔrɛ-bi-wá mán ɛnkrukɔrɛ̀ léyi nyɛ lɛ cɔ̀ nɔn hɩ kruhú; ke dú kɛ bɔ́ cɔ́ ɛnbɔrɛ-bi-wá hô, ɛnbɔrɛ-bi-wá ndɔ léyi nyɛ lɛ cɔ̀ nɔn, kɛ lɛ tán nyɛ̀n ɛgbànkàn dùsɔ́ ɛnbɔrɛ-ẅɛ̀n-hɛ́n mɛ̀n, ɛgbànkàn zri léyi bɔ́ mán bɔ́ kàn nɔn.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

Galasi anmàn-bɔ̀ 5:11

Mɛ tɛn tɛ́n, anwrɔn-nɛ́n-muan-ẅì hɔ̀n, ke dú kɛ, ke dú annanwɔrɛ le mɛ̀n vru mɛ dɔ́ wúcɔ̀-dɔmɛ̀n-wi ankà, cɛci kruhú kɛ ye vru yɛ kɔ́n mɛ̀n anhàa? Ndɔ lɔ wú, ke dú kɛ yɛ dɔ́ Krisì gbàn-hán-tɛ̀ domɛ̀n gɔ̀n brɛ́ ankà hô, ke sɩ̀ vru dù ɛnkruemɛ̀n-jrɛ́ ankà kɛ̀ tán ɔwrɔn zriɛmɛ́n.

Galasi anmàn-bɔ̀ 5:2

Nyɛ́n die nukùɛ! Mɛ̀n, Pɔlɛ̀n, mɛ dɔ́ nyɛ̀n annanwɔrɛ mɛ̀n le: ke dú kɛ nyɛ hán ye wi nyɛ̀n wúcɔ̀-domɛ̀n hô, zɛtɛn Krisì srɔ ny'eci woro.

Galasi anmàn-bɔ̀ 5:24

Anwrɔn hɔ̀n léyi dú Zhezü Krisì tɛn nɔn, yɔ hán yɔ mumù y'ɛwúvà ankà-tro mán y'ɛci-gbangbàn-hán lɔ fɛn wú Zhezü gban-hán-tɛ̀ wú.

Efɛzɛ̀n anmàn-bɔ̀ 3:11

Eci ndɔ lɔ fɛn dú n'ezì, Ɔwɔ-ci-hán-ci léyi kè sɩ̀ ẅɛ̀n ɛnkrutrɔ, hɩ nɛ̀n hán bɔ́ Ɛẅɛnwrɔn Zhezü Krisì bɩmɛ̀n nɔn.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 6:20

Zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n nɔn, mɛ̀n dú Ɛmɛẅi ankà Ankrankran ndɔ lɔ, n'ankà-nyrì-dɔ́-wrɔn. Zɛtɛn, nyɛ́n sɛ̀n, ô mɛ̀n dɔ́ n'ankà annanwɔrɛ mɛ̀n hán ɔmu le ke ji le mɛ̀n dɔ̀ nɔn hɔ́.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

Kɔlɔsèn anmàn-bɔ̀ 4:18

Mɛ́n dùku de mɛ̀n merɛ́n ankà ndɔ hɔ̀n lɔ nɔn: Pɔlɛ̀n binyan. (Kè bru nyɛ̀n le mɛ̀n dú anwɔn-mɛ̀n-wá-wɔn mɛ̀n.) Ɔwɔ shifù kè dú nyɛ̀n ɛmɛ̀n.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Anhyrɛmɛ̀n timote 1:16

Ɛẅɛnwrɔn yɔ̀bɔ̀-nyrì lɔ, kɛ̀ wá Onesifɔrɛ̀n mɛ̀n mɛ̀n-bɔ̀ ɛkɔrɛ̀, ɔmuhi ne bi ɛnbɔrɛ nɛ wá mɛ̀n frɛfrɛ nɔn. Anvɛvrà kè sɩ̀ ẅɛn nɛ̀n m'ɛkruhú, mɛ̀n léyi mɛ̀n dú anwɔn-mɛ̀n-wá-wɔn mɛ̀n nɔn;

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

Filemɔn 1:1

Ebinyan ndɔ lɔ dú Pɔlɛ̀n yri và, nɛ́n léyi yɛ wá nɛ̀n anwɔn-mɛ̀n, ɔmuhi nɛ̀n srɔ Zhezü Krisì ci-bɩ̀tan-wrɔn nɔn, ebinyan zri lɔ dú bɔ́ muanẅì Timote yri và. Vɛ́n Filemɔn, bɔ́ nyran anvrɛn mán b'ɔkɔ̀hɔ̀n hán kɔrɛ̀-wá-wrɔn,

Filemɔn 1:23

Epafrasɛ̀n léyi nɛ́n mɛhi bo dú anwɔn-mɛ̀n-wá-wɔn mɛ̀n Zhezü Krisì kruhú nɔn, ke bi nyɛ̀n nyan,

Filemɔn 1:9

mɛ cüɛ̀n le mɛ̀n sán mɛ́n eci ɛcüɛ̀n bɩ́mɛ̀n. Ɔmu léyi mɛ́n dù, mɛ̀n Pɔlɛ̀n, nɛ̀ngbanvri-wrɔn, kɩ zɛtɛ̀ lɔ yɛ hɛ́n mɛ̀n anwɔn-mɛ̀n-wá-wɔn mɛ̀n Zhezü Krisì kruhú,

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.