Efɛzɛ̀n anmàn-bɔ̀ 2:8 - Ɛmɛẅi ankà ankrànkràn 2003

⁸ Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Efɛzɛ̀n anmàn-bɔ̀ 2:8 Iomraidhean Croise

Matie 16:17

Zɛtɛn Zhezü kɛ dɔ́ nɛ̀n le: “È dú ɛnbɔrɛbruemɛ̀n, Simɔn, Zhan ẅì, ɔmuhi kè sɩ̀ dù ɔwrɔnẅì de kɛ̀ wà mɛ́n ankà annànwɔrɛ ndɔ lɔ anmùan mɛ̀n nɔn, tɛ́n Dade léyi dú ɛwú nɔn.

Matie 20:9

Anwrɔn hɔ̀n léyi ye bi ɔkɔ̀hɔ́n mɛ̀n ɔwɔɛmɛ̀n wacɛ̀n ɛnrì nɔn, nvà kɩ yɛ tán ɔwrɔn zrizri dɔlà kɔ̀prɛ̀ zri.

Markɛ̀n 16:16

Ɔwrɔn léyi ke bùtan ankàẅì, hɩ yɛ wá ɛnshi ɛnkru nɔn nɛ lɛ cɔ́ ebɩdie. Tɛ́n, ɔwrɔn léyi ke sɩ̀ ẅɛ̀n ankàẅì-bùtan nɔn nɛ́n sɩ̀ cɔ́ ebɩdie.

Lükɛ̀n 7:50

Kɩ Zhezü kɛ dɔ́ ɛnnyɔnwrɔn lɔ le: “V'ankàẅì-bùtan lɔ bɩ́ mɛ́n die: ɛ̀ hɔ́n anwɔwɔ mɛ̀n.”

Zhan 3:36

Ɔwrɔn léyi ke bú Ɛnẅì lɔ ankà kɛ tán ankaẅì nɔn, nɛ cɔ́ ɛwúvà léyi ke sɩ́ trɔa nɔn. Ɔwrɔn léyi ke sɩ̀ die Ɛnẅì lɔ nukùɛ nɔn, ke sɩ̀ cɔ́ ɛwúvà ndɔ lɔ, tɛ́n ne le dú Ɔwɔ mɛ̀nhyì krugbɛ̀n.”

Zhan 4:10

Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhan 5:24

“Annanwɔrɛ mɛ̀n mɛ dɔ́ nyɛ̀n le: Ɔwrɔn léyi ke die m'ankà-dɔ̀ nukùɛ, hɩ ke bú ɔwrɔn léyi wá mɛ̀n ɔkɔ̀hɔ̀n, n'ankà kɛ tán ankaẅì nɔn, ɛwúvà léyi ke sɩ́ trɔa nɔn dú nɛ tɛn. Ye sɩ̀ bɔ́ nɛ̀n nwù, tɛ́n ne le dú owú-bɔ̀ mɛ̀n, nɛ̀n wrɔ̀ vá ɔkɔrɛ-bɔ̀ mɛ̀n.

Zhan 6:35

Zhezü kɛ dɔ́ yɔ le: “Mɛ̀n dú ɛwúvà ci-zî. Ɔwrɔn léyi kɛ vá m'eyri nɔn, ɔmùanwù kè sɩ̀ vru ẅɛn nɛ̀n mrìmrì, kɩ ɔwrɔn léyi ke bú m'ankà kɛ tán ankaẅì nɔn ɛnshi mùanwù mán kè sɩ̀ vru ẅɛn nɛ̀n mrìmrì.

Zhan 6:37

Anwrɔn hɔ̀n léyi Dade kɛ tán mɛ̀n nɔn, ɔwrɔnwrɔn kɛ lɛ vá m'eyri, kɩ mɛ́n sɩ̀ wrɔ́ ɔwrɔn léyi kɛ vá m'eyri nɔn mrìmrì;

Zhan 6:40

Hɛ̀ɛ̀, nyàn eci léyi Dade ke ji nɔn: ke ji le anwrɔn hɔ̀n léyi kɛ kán ɔwrɔnẅì Ẅì, kɩ ke bú n'ankà kɛ tán ankaẅì nɔn, kɛ̀ cɔ́ ɛwúvà léyi ke sɩ́ trɔa, ô mɛ̀n bɩ́ yɔ lɔ fɛn owú-bɔ̀ mɛ̀n mɛ́n sɩ́ ɔkɔrɛ-bɔ̀ mɛ̀n ɛmɛẅi trɔ bì lɔ.”

Zhan 6:44

Ɔwrɔn zriɛmɛ̀n ke sɩ̀ vá m'eyri ke dú kɛ Dade léyi wá mɛ̀n ɔkɔhɔ̀n nɔn ke sɩ̀ yé nɛ̀n ɛnlevri, kɩ mɛ tɛn, me le bɩ́ nɛ̀n mɛ̀n sɔhɔ́ owú-bɔ̀ mɛ̀n, ô mɛ̀n sɩ́ nɛ̀n ɔkɔrɛ-bɔ̀ mɛ̀n ɛmɛẅi trɔ bì lɔ.

Zhan 6:65

Zhezü kɛ dɔ̀ le: “Nyàn eci le kruhú léyi mɛ̀n dɔ́ nyɛ̀n le ɔwrɔn zriɛmɛ́n ke sɩ̀ vá m'eyri ke dú kɛ Ɔwɔ kè sɩ̀ tán nɛ̀n ɛkɔrɛ̀-levri.”

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Ɔkɔ̀hɔ̀n-wá-bɔ̀ kɔ̀hɔ̀n hán 15:11

Tɛ́n bɔ́ nyri ɔmu le, Ɛẅɛnwrɔn Zhezü boafɔ̀n mɛ̀n de bɔ̀ cɔ́ ebɩdie zri lɔ hán yɔ hɔ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:31

Yɔ mrɛ́n ɔmùan le: “È bú Ɛẅɛnwrɔn Zhezü ankà ɛ̀ tán ankaẅì kɩ ɛ lɛ cɔ́ ebɩ̀die, vɛ́n mán v'ɛmɛ̀n-bɔ̀ mɛhi.”

Rɔmɛ̀n-anmàn-bɔ̀ 10:14

Tɛ́n anwɔntan de yɔ lɛ hán yɔ bi nɛ̀n ke dú kɛ yɔ sɩ̀ ẅɛ̀n ankaẅì-bùtan n'ɛwú nɛ́n? Kɩ anwɔntan de yɔ le bú n'ankà yɔ tán ankaẅì ke dú kɛ yɔ sɩ̀ yà yɛ dɔ̀ n'ankà nɛ́n? Kɩ anwɔntan de yɔ lɛ hán yɔ yá ke dú kɛ ɔwrɔn zriɛmɛ́n kè sɩ̀ dɔ́ n'ankà nɛ́n?

Rɔmɛ̀n-anmàn-bɔ̀ 10:17

Ɔmu lɔ de, ankaẅì-bùtan kɛ và ɛnvra léyi ye die ɛmɛẅi ankà-dɔ̀ nukùɛ, kɩ ɛmɛẅi ankà ndɔ lɔ dú Krisì ankà-dɔ̀.

Rɔmɛ̀n-anmàn-bɔ̀ 4:16

Ɔmu lɔ de yɛ hán ɔmùanwá ci ankaẅì-bùtan kruhú, ô nɛ̀n dú Ɔwɔ-cice-ci tɔ̀n, kɛ̀ ẅɛn vɔ̀nshɛ́ kɛ̀ tán Abrahamɛ̀n mɛẅi-bɔ̀, kè sɩ̀ dù yɔ hɔ̀n léyi kɛ wá ɛnyànmàn nɔn zri kɩ, tɛ́n yɔ hɔ̀n léyi ẅɛn ankaẅì-bùtan hán Abrahamɛ̀n hɔ́ nɔn. Abrahamɛ̀n dú bɔ́ lɔ fɛn bo zi,

Rɔmɛ̀n-anmàn-bɔ̀ 4:5

Tɛ́n ɛnvra léyi ɔwrɔn tɔ̀n ke sɩ́ hán Ɔwɔ kɔhɔ̀n, kɩ ke bú tán le Ɔwɔ ke nyri ɛgbàn-hán-wrɔn ɛnhyɔ̀bɔ̀, Ɔwɔ kɛ srɔ nɛ̀n ɛnyrɔnnan-wrɔn n'ankaẅì-bùtan-ẅɛ̀n kruhú.

Rɔmɛ̀n-anmàn-bɔ̀ 9:16

Ndɔ lɔ ke sɩ́ crɛnyan ɔwrɔnẅì ci léyi ke ji nɔn mán n'edùyì-ci-hán, tɛ́n kɛ crɛnyan Ɔwɔ zri leyi ẅɛn ɛnhyɔ̀bɔ̀-nyrì nɔn.

Galasi anmàn-bɔ̀ 3:14

Ɔmu lɔ de ɛnshi-fù léyi yɛ wá Abrahamɛ̀n ɔmùan nɔn, yɛ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán, Zhezü Krisì kɔrɛ̀-levri mɛ̀n, ɛnshi-fù ndɔ lɔ de bɔ́ lɔ fɛn bɔ́ cɔ́ ankaẅì-bùtan mɛ̀n, Ɛnhɛ́n léyi Ɔwɔ wá ɔmùan nɔn n'ɛmɛ̀n.

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Efɛzɛ̀n anmàn-bɔ̀ 1:19

ô, nyɛ́n nyri ɛkɔrɛ̀-srɔn vri léyi nɛ́n ẅɛ̀n hɩ dú bɔ́ tɛ́n bɔ́ ankàẅì-bùtan-ẅɛn-bɔ̀ lɔ nɔn. Ɛkɔrɛ̀-srɔn ndɔ lɔ, dú ɛkɔrɛ̀-srɔn léyi Ɔwɔ yé n'ecüì kɔrɛ̀levriemɛ̀n nɔn,

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 2:5

kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Filipɛ̀n anmàn-bɔ̀ 1:29

Ɔmuhi Ɔwɔ tán bɔ̀ ɛcüɛ̀n léyi kɛ srɔ bɔ̀ Krisì ci-bɩ̀tan-bɔ̀, kè sɩ̀ dù hɩ le bɔ́ bú n'ankà bɔ́ tán ankaẅì nɔn kɩ, tɛ́n hɩ le bɔ́ vru bɔ́ kán ɛgbàn n'ɛkruhú nɔn.

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

2 Tesalonikɛ̀n anmàn-bɔ̀ 1:9

Y'ɛjrɛ́ gòdòò, ke le dú y'ɛgbàn-wɔɛ̀n-dì, yɔ le dú esù she Ɛẅɛnwrɔn kɔrɛ̀-srɔn ci-zrɔ lɔ tɛ̀sɛ̀n,

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

1 Piɛrɛ̀n 1:5

nyɛ́n léyi n'ɛkɔrɛ̀srɔn kɛ nán nyɛ̀n ankaẅìbùtan mɛ̀n, ô nyɛ́n cɔ́ ɛnkrukɔrɛ̀ léyi krɔn kpehɛ́n ke le yé n'edomɛ̀n ɛnvra trɔ mùan mɛ̀n nɔn.