Efɛzɛ̀n anmàn-bɔ̀ 2:5 - Ɛmɛẅi ankà ankrànkràn 2003

⁵ kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Efɛzɛ̀n anmàn-bɔ̀ 2:5 Iomraidhean Croise

Lükɛ̀n 15:24

ɔmuhi, m'ɛnẅì léyi nyɛ kàn nɔn nwù, kɩ nɛ̀n vru nɛ̀n vá ɔkɔrɛ-bɔ̀ mɛ̀n, nɛ̀n zrɛ́n kɩ mɛ̀n cɔ́ nɛ̀n.’ Kɩ ɔkoran bukru.

Zhan 5:21

Ɔmuhi, ɔmu zri léyi Ɛnẅì-nɛ́n-zi kɛ hán owú-bɔ̀ kɛ vá ɔkɔrɛ-bɔ̀ mɛ̀n nɔn, hɩ zri lɔ Ɛnẅì mán kɛ tán ɔkɔrɛ̀ anwrɔn hɔ̀n léyi ne ji nɛ̀n tán nɔn.

Zhan 6:63

Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 15:11

Tɛ́n bɔ́ nyri ɔmu le, Ɛẅɛnwrɔn Zhezü boafɔ̀n mɛ̀n de bɔ̀ cɔ́ ebɩdie zri lɔ hán yɔ hɔ́ nɔn.”

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

Rɔmɛ̀n-anmàn-bɔ̀ 3:24

Tɛ́n Ɔwɔ, n'ɛzrɔ lɔ mɛ̀n, kɛ hán yɔ, yɔ srɔ ɛnyrɔnnan-bɔ̀ n'ezìwú, ankora, Zhezü Krisì léyi kɛ mrɛ́n yɔ ɛgbàn mɛ̀n sɔhɔ́ nɔn n'ɛkruhú.

Rɔmɛ̀n-anmàn-bɔ̀ 4:16

Ɔmu lɔ de yɛ hán ɔmùanwá ci ankaẅì-bùtan kruhú, ô nɛ̀n dú Ɔwɔ-cice-ci tɔ̀n, kɛ̀ ẅɛn vɔ̀nshɛ́ kɛ̀ tán Abrahamɛ̀n mɛẅi-bɔ̀, kè sɩ̀ dù yɔ hɔ̀n léyi kɛ wá ɛnyànmàn nɔn zri kɩ, tɛ́n yɔ hɔ̀n léyi ẅɛn ankaẅì-bùtan hán Abrahamɛ̀n hɔ́ nɔn. Abrahamɛ̀n dú bɔ́ lɔ fɛn bo zi,

Rɔmɛ̀n-anmàn-bɔ̀ 5:10

Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn.

Rɔmɛ̀n-anmàn-bɔ̀ 5:6

Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn.

Rɔmɛ̀n-anmàn-bɔ̀ 5:8

Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Rɔmɛ̀n-anmàn-bɔ̀ 8:2

Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.

Efɛzɛ̀n anmàn-bɔ̀ 2:1

Ɛnbiɛhɛ́n lɔ, nyɛ́n wú ɛnhɛ́n mɛ̀n, ny'ɛfɔ̀ndɔ̀n mán ny'ɛgbàn hɔ̀n lɔ kruhú.

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Efɛzɛ̀n anmàn-bɔ̀ 5:14

n'ɛwú lɔ, eci lɔ fɛn léyi ye sɩ́ ɛyri-kán mɛ̀n kokroho nɔn, nɛ́n mán nɛ srɔ ɛyri-kàn. Hɩ le kruhú de yɛ dɔ̀ le: “Gbɛ́ ɛvɛ̀, vɛ́n léyi ɛ di ɛndà nɔn, dú owú-bɔ̀ mɛ̀n tɔhú, kɩ Krisì kɛ lɛ tán mɛ́n ɛyri-kàn.”

Kɔlɔsèn anmàn-bɔ̀ 2:13

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀.

Titɛ̀n 2:11

Ɔmuhi Ɔwɔ yé nɛ́n nboafɔ̀n léyi dú ɛnkrukɔrɛ shi-bɛ́ tán anwrɔnẅì lɔ fɛn nɔn.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.

Ɔwɔ-mɛ̀n-yrikàn 22:21

Ɛẅɛnwrɔn Zhezü boafɔ̀n ke dú nyɛ lɛ fɛn ɛmɛ̀n.