Efɛzɛ̀n anmàn-bɔ̀ 2:3 - Ɛmɛẅi ankà ankrànkràn 2003

³ Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

Efɛzɛ̀n anmàn-bɔ̀ 2:3 Iomraidhean Croise

Markɛ̀n 4:19

Tɛ́n ɛnhibù wú ankà-tro mán n'ɛfrɛ́n nɛ̀ncüì-dì mán n'ɛci gbàngbàn lɔ fɛn ke bru y'ɛnbɔrɛmɛ̀n kɩ ke wri ankà-dɔ̀ lɔ, kɩ nɛ́n sɩ́ shi ɛẅì zriɛmɛ́n.

Zhan 1:13

Yɔ sɩ̀ srɔ Ɔwɔ ẅì hɔ̀n kɛ̀ hán ɔmu le ye bî ɛnẅì kɛ ẅɛn nɛ́n zi mán nɛ́n muan kɩ ɛnẅì kɛ ẅɛn nɛ́n Zi ke dú ɛnhibù wú; Ɔwɔ de tán yɔ ɛwúvà wrù nɔn.

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 14:16

Ɛnbìɛhɛ́n vra lɔ, Ɔwɔ teze ɛnhi wú anmàn hɔ̀n lɔ fɛn bɩ́ yɔ dùku y'ɛnlevri.

Rɔmɛ̀n-anmàn-bɔ̀ 1:24

Hɩ le kruhú de Ɔwɔ teze yɔ ɛnbrá-ci-hán mɛ̀n, hán ɔmu le y'ɛnbɔrɛ ke ji, ô yɔ dú anvɛvrà-ci-hán mɛ̀n yɔ mán yɔ nyran hɔ̀n mɛhi.

Rɔmɛ̀n-anmàn-bɔ̀ 11:30

Ɛnbiɛhɛ́n vra lɔ nyɛ́n kɔ́n Ɔwɔ mùan-ankà nyɛ́n cüe; tɛ́n zɛtɛ̀ lɔ, nyɛ́n cɔ́ Ɔwɔ yɔ̀bɔ̀-nyrì, ɔmuhi Zhüifɛ̀n-bɔ̀ kè sɩ̀ wà Ɔwɔ nɔn.

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

Rɔmɛ̀n-anmàn-bɔ̀ 2:14

Ɛnvra léyi nɛ̀nnyàn-bɔ̀ léyi kè sɩ̀ nyrì Ɔwɔ nyànmàn, kɩ yɔ dùku yɔ ẅɛn nɛ̀n yɔ hɛ́n, ndù hán ɔmu le yɔ bɩ́ nɛ̀n, dú y'ɛnbɔrɛ mɛ̀n, tɛ́n annanwɔrɛ mɛ̀n lɔ, yɔ sɩ̀ nyrì ɛnyànmàn lɔ.

Rɔmɛ̀n-anmàn-bɔ̀ 5:10

Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn.

Rɔmɛ̀n-anmàn-bɔ̀ 5:9

N'owù gbànkàn cice lɔ mɛ̀n, zɛtɛ̀ lɔ bɔ̀ srɔ ɛnyrɔnnan-bɔ̀ Ɔwɔ zìwú; annànwɔrɛ mɛ̀n lɔ, ke dú kɛ Ɔwɔ ke bɩ́ ɛmɛ̀nhyì mán, ne le bɩ́ bɔ̀ tɛ̀ nɛ̀n die.

Rɔmɛ̀n-anmàn-bɔ̀ 6:12

Ke sɩ́ ji le ɛgbàn kè vru ke dú ny'owù dùwrú lɔ ɛwú, ô kɛ̀ hán nyɛ̀n nyɛ́n hán edùwrú ndɔ lɔ ci léyi ke ji nɔn.

Rɔmɛ̀n-anmàn-bɔ̀ 7:18

Ɔmuhi mɛ̀n nyri ɔmu le eci ankrànkràn bàdá mɛ̀n ɛmɛ̀n, mɛ̀n léyi edùwrú ẅɛn mɛ̀n ɛjɛ̀ nɔn. Annanwɔrɛ mɛ̀n lɔ, eci-anvrɛnvrɛn-hán dú mɛ̀n ɛnbɔrɛ mɛ̀n, tɛ́n mɛ̀n sɩ̀ ẅɛ̀n nɛ hán dùyì.

Rɔmɛ̀n-anmàn-bɔ̀ 9:22

Zɛtɛn, Ɔwɔ ke ji kè yé n'ɛmɛ̀nhyì-bɩ, ô kɛ̀ hán ye nyri n'ɛkɔrɛ̀-srɔn lɔ. Anwrɔn hɔ̀n léyi y'eci-gbàngbàn-hán srɔ y'edù-ci, hɩ Ɔwɔ mɛ̀nhyì-bɩ vɛ́n yɔ, ô yɛ jrɛ́ yɔ, ɔmu tɛ̀kɩ Ɔwɔ ẅɛn ɛnbɔrɛ hɛ́n y'ɛtɛ̀sɛ̀n.

1 Korɛntɛ̀n anmàn-bɔ̀ 4:7

Ɔmuhi, ecitan mɛ̀n de e tro le è sevri ɛ̀ vrán ɛnyran hɔ̀n nɛ́n? Eci lɔ fɛn léyi ɛ ẅɛ̀n nɔn, kè sɩ̀ dù Ɔwɔ yri kɛ̀ và? Ɔmuhi dú ɔmu lɔ nɔn, cɛci kruhú kɛ e gbú ɔmùan eci léyi ɛ cɔ̀ nɔn hɩ wú, hán le ye sɩ̀ tán mɛ́n eci lɔ nɛ́n?

2 Korɛntɛ̀n anmàn-bɔ̀ 7:1

Ɔmùan-wá ndɔ hɔ̀n lɔ fɛn zrɔ tán bɔ̀, annyran-anvrɛn hɔ̀n. Hɩ le kruhú de, ke ji le bɔ́ fi edomɛ̀n bɔ̀ tán edùwrú mán wàwúyɛ, ô bɔ̀ cɔhɔ́ ɛnbrá-ci hɔ̀n lɔ fɛn tɛ̀sɛ̀n, ô bɔ̀ hán kèkrèmɛ̀n bɔ̀ srɔ prɔnprɔn kokroho, Ɔwɔ wá mɛ̀n, bɔ́ ɛwúvà ẅɛn mɛ̀n.

Galasi anmàn-bɔ̀ 3:22

Tɛ́n Owrú Prɔnprɔn ndɔ̀ le ɛnhibù mumù lɔ fɛn dú ɛgbàn kɔrɛ̀-srɔn wú, ô ecice léyi Ɔwɔ wá ɔmùan nɔn kè dú ankaẅì-bùtan-ẅɛn-bɔ̀ tɛn, y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 5:6

Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a.

Kpàkpà timote 6:9

Tɛ́n anwrɔn hɔ̀n léyi ke ji kè di ɛnnɛ̀ncüì nɔn, ke bru ɔwɔɛ̀n-nyan mɛ̀n, kɩ kɛ hán tán, yɔ bru ɔbrɔ̀sà ankà-tro gbàngbàn brobebe tanwrɔn mɛ̀n, kɩ ke sɩ́ anwrɔnẅì ɛmian mɛ̀n mán ɛzrɛ́n mɛ̀n.

Titɛ̀n 3:3

Ɔmuhi bɔ́ mán, ɛnkrubɔmɛ̀n lɔ bɔ̀ dú ɔbɔ̀rɛsà-bɔ̀, bɔ́ sɩ́ die ankà nukùɛ, kɩ bɔ̀ dú ɛzɛ́n mɛ̀n nɔn. Bɔ́ gɔ̀ dú ankà-tro mɛ̀ntɛ mɛ̀ntɛ mán pɔpüɛ̀-brà wɔ̀n-bɔ̀; bɔ̀ ẅɛn anbɔrɛ wúvà kɩ ɔwrɔn ci kɛ cüɛn bɔ̀ ɛvɛ̀; bɔ́ hán ye gbri bɔ̀ kɩ yɔ mán bɔ́ gbri bɔ́ edòmɛ̀n.

1 Piɛrɛ̀n 1:14

Nyɛ́n wá Ɔwɔ, ô nyɛ́n bɩ́ hán ɛnbiɛhɛ́n ny'ɛnbɔrɛ mɛ̀n cí-hɔ̀n lɔ ɛnvra léyi nyɛ́n dú ɔbrɔsa mɛ̀n nɔn.

2 Piɛrɛ̀n 2:14

Ɛncɔnwrɔn-hi-bi-gbàn yɩ́ y'anvɛ̀ lɔ mɛ̀n; ɛgbàn hán ke sɩ́ fɔ́n yɔ. Ɛjɛ-bɔ̀ ke bru y'antanwrɔn lɔ mɛ̀n. Ɔkùa cɔ́ ankà, wá ɛnhyà y'ɛnbɔrɛ lɔ mɛ̀n. Ɔwɔ ẅiɛ̀-dà dú yɔ ɛwú!

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.

1 Zhan 2:16

Eci lɔ fɛn léyi dú ɛnhibù tɛn nɔn, ɔwrɔnẅì ankà-tro gbàngbàn hɔ̀n, eci ɛvɛ̀ cüɛ̀n mán ɛnhibù-ci wú tùtre-dì, ndɔ lɔ fɛn kè sɩ̀ dù Ɔwɔ Zi yri kɛ̀ và, tɛ́n ɛnhibù wú de dù nvà nɔn.

1 Zhan 2:8

Ɔmu tɛ́kɩ nɛ̀n dú ɛnyanmàn wrù tɔ̀n léyi me merɛ́n tan nyɛ̀n kɩ n'annanwɔrɛ ke yé n'edomɛ̀n Krisì mɛ̀n, kɩ nyɛ́n mán ny'ɛmɛ̀n. Annanwɔrɛ mɛ̀n lɔ, ɛyri-yɔwɔ kɛ hɔ̀n, kɩ ɛyrikàn annanwɔrɛ bukru kɛ gbrɛ́n.