Efɛzɛ̀n anmàn-bɔ̀ 2:20 - Ɛmɛẅi ankà ankrànkràn 2003

²⁰ Nyɛ́n dú ɔwɔn léyi ye kù, kɩ ɔkɔhɔ̀n-wá-bɔ̀ mán Ɔwɔ-mùanwú-ankà-dɔ́-bɔ̀ dú ɛnhi-nan-bù, kɩ Zhezü Krisì dùku dú Ɔwɔn-kàvà-mɛ̀n-bù.

Efɛzɛ̀n anmàn-bɔ̀ 2:20 Iomraidhean Croise

Matie 16:18

Kɩ mɛ̀n, mɛ dɔ́ mɛ́n annànwɔrɛ mɛ̀n le, è dú obù kɩ obù, ndɔ lɔ wú, me le ku mɛ́n fɛcüè wɔn lɔ. Owù dùku mán kè sɩ̀ ẅɛ̀n ɛkɔrɛ̀srɔn n'ɛwú.

Matie 21:42

Zɛtɛn Zhezü kɛ dɔ́ yɔ le: “Nyɛ vá krɛ́ mrìmrì, ankà léyi Owrú Prɔnprɔn kɛ dɔ̀ nɛ́n? ‘Obù léyi ɔwɔn-ku-bɔ̀ kɔ́n ze nɔn hɩ de srɔ ɔwɔn kavà-mɛ̀n-bù. Ndɔ lɔ dú Ɛẅɛnwrɔn yri và, bɔ́ tɛn, dú eci anvrɛnvrɛn bɔ́ zìwú!’

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Efɛzɛ̀n anmàn-bɔ̀ 3:5

Ɛnbiɛhɛ́n vra lɔ, ankà-bán-ankà ndɔ lɔ kè sɩ̀ hàn tán anwrɔnẅì kè nyriɛn, tɛ́n zɛtɛ̀ lɔ, Ɔwɔ hán tán n'ɔkɔ̀hɔ̀n-wá-bɔ̀ prɔnprɔn hɔ̀n mán n'ɔmùanwú-ankà-dɔ́-bɔ̀ ncɔ́ nyri n'Ɛnhɛ́n cüìemɛ̀n.

Kɔlɔsèn anmàn-bɔ̀ 2:7

Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

1 Piɛrɛ̀n 2:6

Ɔmuhi nyàn ankà léyi yɛ dɔ́ Owrú Prɔnprɔn lɔ mɛ̀n nɔn: “Mɛ̀n mrɛ́n vɔ̀nshɛ́ bù tɔ̀n mɛ́n bɩ, kɩ me le bɩ́ nɛ̀n mɛ̀n hɛ́n kɛ̀ hán ɔwɔn kavà-mɛ̀n-bù Siɔn anmàn; kɩ ɔwrɔn léyi kɛ ẅɛn n'esɛ́ nɔn, nɛ́n sɩ̀ cɔ́ anvɛvrà mrìmrì.”

Ɔwɔ-mɛ̀n-yrikàn 21:14

Anmàn drɛ́n lɔ yɛ́ ɛbù-hi-nan ɛvà-anhyrɛ̀ wú, y'ɛwú lɔ ye merɛ́n Ɔwɔ-Kɔ̀kɔ̀sɛ̀-ẅì kɔ̀hɔ̀n-wá-bɔ̀ ɛvà-anhyrɛ̀ lɔ y'ebi.