Efɛzɛ̀n anmàn-bɔ̀ 2:2 - Ɛmɛẅi ankà ankrànkràn 2003

² Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 2:2 Iomraidhean Croise

Matie 11:19

Ɔwrɔnẅì Ẅì nvà, ne zî ɛci, ne mi ɛntàn kɩ yɛ dɔ̀ le: ‘Nyɛ́n nyan ɔwrɔn ndɔ léyi, ɛci-zî mán ɛntàn-mí-ankà kɩ ke tro, nɛ̀n dú anmàn-wɔɛ̀n-yrɛ-bɔ̀ mán anwrɔn hɔ̀n léyi yɛ krɛ́ ɛci-gbàngbàn-hán-bɔ̀ nɔn yɔ nyran hɔ̀n!’ Tɛ́n ankà-nyrì léyi dú Ɔwɔ mɛ̀n nɔn ke yé n'edomɛ̀n ɛnyrɔnnan ci-hán mɛ̀n.”

Matie 13:22

Ndɔ hɔ̀n kɛ cɔ́ ɛci-ẅì lɔ ɔwi-tɛ̀ granmɛ̀n: yɔ yá ankà-dɔ̀ lɔ, tɛ́n ɛnhibù wú ankà-tro mán n'ɛfrɛ́n nɛ̀ncüì-dì kɛ kɛ́n ankà-dɔ̀ lɔ ɛndɔ̀nwrɔ̀n hɛ́n, kɩ nɛ́n sɩ́ shi ɛnẅì zriɛmɛ́n.

Matie 13:38

ɛkɛ̀tɛ̀ lɔ, dú ɛnhibù; ɛci-ẅì ankrànkràn dú anwrɔn hɔ̀n léyi ke bɩ́ Anhobɩ́ nɛ̀ncüì-dúyri ankà nɔn, ɛfi gbàngbàn dú anwrɔn hɔ̀n léyi dú Anwa-wrɔn mɛ̀n-bɔ̀;

Markɛ̀n 4:19

Tɛ́n ɛnhibù wú ankà-tro mán n'ɛfrɛ́n nɛ̀ncüì-dì mán n'ɛci gbàngbàn lɔ fɛn ke bru y'ɛnbɔrɛmɛ̀n kɩ ke wri ankà-dɔ̀ lɔ, kɩ nɛ́n sɩ́ shi ɛẅì zriɛmɛ́n.

Lükɛ̀n 16:8

Ankà-yé-wrɔn lɔ kɛ mrɛ́n ɛci-krɛ́-wrɔn gbàngbàn lɔ, ɔmuhi nɛ̀n ẅɛn anvɛmɛ̀n nɔn. Ɔmuhi anwrɔn hɔ̀n léyi dú ɛnu ɛnhi nɔn, ẅɛn anvɛmɛ̀n anhàn-zhrɛ́ mɛ̀n yɔ mán yɔ nyrán hɔ̀n mɛhi vrán yɔ hɔ̀n léyi dú ɛyri-kán mɛ̀n nɔn.”

Lükɛ̀n 22:31

“Simɔn, Simɔn! E die nukùɛ: anwa-wrɔn sán, ô yɛ jɔ̀kɔ nyɛ̀n kɛ hán ɔmu le yɛ kua saka-ẅì yɛ jrɔ́ ɛci ɛmɛ̀n nɔn.

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 13:2

Zhezü mán n'ɛsɛnkɛn-bɔ̀ mɛhi ke zî ɔwɔɛ ci. Anwa-wrɔn gɔ́ ci Zhüda, Simɔn Iskariɔtɛ̀n ẅì, ɛnbɔrɛmɛ̀n ô kɛ̀ hɛ́ Zhezü.

Zhan 13:27

Ɛnvra lɔ tɛ̀ léyi, Zhüda bɩ́ abùtùkumɛ́n buri lɔ nɔn, anwa-wrɔn bru nɛ̀n ɛnborɛmɛ̀n. Zhezü kɛ dɔ́ nɛ̀n le: “Eci léyi ke ji le ɛ̀ hán nɔn, ɛ̀ hán nɛ̀n kprakpra!”

Zhan 14:30

Nyɛ́n mɛhi bɔ́ sɩ̀ vru dɔ́ ankà bobrebe, ɔmuhi ɛhibù wú nɛncüì lɔ kɛ và nɔn. Nɛ̀n sɩ̀ ẅɛn ɛkɔrɛ̀srɔn zriɛmɛ́n m'ɛwú,

Zhan 15:19

Ke dú kɛ nyɛ́n dú ɛnhibù wú bɔ̀ hô, ɛnhibù kɛ lɛ cüɛn nyɛ̀n ɔmuhi nye le dú nɛ tɛn nɔn. Tɛ́n, mɛ̀n mrɛ́n nyɛ̀n mɛ̀n bɩ́ ɛnhibù tamɛ̀n, kɩ nyɛ́n sɩ̀ dù ɛnhibù tɛ́n: hɩ le kruhú de ɛnhibù ke gbri nyɛ̀n nɔn.

Zhan 16:11

yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

Zhan 7:7

Ɛnhibù kè sɩ̀ ẅɛ̀n ny'egbrì, tɛ́n ɛnhibù ke gbri mɛ̀n, ɔmuhi mɛ dɔ̀ le n'ɛci-hán-ci hɔ̀n lɔ krɛ-gbàn nɔn.

Zhan 8:23

Zhezü mrɛ́n yɔ ɔmùan le: “Nyɛ́n dú ɛnu ɛnhi bɔ̀, tɛ́n mɛ tɛn, mɛ̀n dú ɛwú-wrɔn. Nyɛ́n dú ɛnhibù ndɔ lɔ n'anwrɔn, tɛ́n mɛ tɛn mɛ̀n sɩ̀ dù ɛnhibù ndɔ lɔ n'ɔwrɔn.

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:35

Ɔtrɔ mɛ̀n lɔ, anmàn-nɛ́n-zi zìwú-wrɔn cɔ́ ɛyri sɩ́ fɛcüe ɛnhi kɩ nɛ dɔ̀ le: “Efɛzɛ̀n-anmàn-bɔ̀, anwrɔn lɔ fɛn nyri ɔmu le Efɛzɛ̀n de kɛ nán Artemisɛ̀n vri lɔ n'ecice-wɔn mán nɛ́n picɛ̀ léyi dú anhobɩ́ kakɛ ɛnhi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:3

Zɛtɛn Piɛrɛ̀n kɛ dɔ́ nɛ̀n le: “Ananiasɛ̀n, cɛci kruhú kɛ anwa-wrɔn cɔ́ ɛyri di v'ɛnbɔrɛ lɔ ɛkɔrɛ̀ ɛwúɛ? Ɛ̀ ẅɛn ɔyɔ̀n ɛ̀ tán Ɛhɛ́n Prɔnprɔn kɩ ɛkɛ̀tɛ̀ kùa lɔ è bɩ́ ɛcá ɛ̀ hɛ́n.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

1 Korɛntɛ̀n anmàn-bɔ̀ 5:10

Mɛ́n sɩ́ dɔ́ anwrɔn lɔ fɛn ankà, yɔ hɔ̀n léyi ɛnhibù ndɔ lɔ wú ẅɛn esùnàn gbàngbàn, ẅɛn nɛ́n nyran ci ɛvɛ̀-ɛwú-wá, dú ɛci-yerɛ-bɔ̀, antɛ̀-buri-sɛ́n-bɔ̀ nɔn. Kè sɩ̀ dù ɔmu lɔ hô, ke ji le nyɛ́n cɔhɔ́ ɛnhibù wú!

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Efɛzɛ̀n anmàn-bɔ̀ 1:21

Anhobɩ́ anmàn lɔ, Krisì dú ɛkɔrɛ̀-levri lɔ fɛn wú, ecüì lɔ fɛn wú, ɛkɔrɛ̀-srɔn lɔ fɛn wú, ɛyri-ẅɛ̀n lɔ fɛn wú mán ɛkɔrɛ̀-wú-ci lɔ fɛn léyi yɛ lɛ cɔ́ ɛnhi ndɔ lɔ wú mán hɩ le yɛ lɛ cɔ́ ɛnhi anmàn léyi dú ezì kɛ và nɔn wú.

Efɛzɛ̀n anmàn-bɔ̀ 2:11

Kè bru nyɛ̀n eci léyi dú nyɛ̀n ɛnbiɛhɛ́n vra lɔ nɔn! Ebîemɛ̀n lɔ nyɛ́n sɩ̀ dù Zhüifɛ̀n-bɔ̀; Zhüifɛ̀n-bɔ̀ ke bú nyɛ̀n kɛ hán anwrɔn hɔ̀n léyi kè sɩ̀ nyrì Ɔwɔ, ɔmuhi ye sɩ̀ wi nyɛ̀n wúcɔ̀-dòmɛ̀n, kɩ zɛtɛn yɔ bi y'edomɛ̀n Ɔwɔ-ẅì hɔ̀n, ɔmuhi ye wi yɔ wúcɔ̀-domɛ̀n edùwrú-ẅia mɛ̀n nɔn.

Efɛzɛ̀n anmàn-bɔ̀ 2:13

Tɛ́n zɛtɛ̀ lɔ, nyɛ́n mán Zhezü Krisì mɛhi ny'ɔbɔ̀sɔ̀ lɔ mɛ̀n, nyɛ́n léyi zɛtɛn nyɛ́n dú esù she nɔn, nyɛ́n bá nɛ̀n ɛtɛ̀sɛ̀n n'ecice-ci lɔ mɛ̀n.

Efɛzɛ̀n anmàn-bɔ̀ 2:3

Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 5:6

Ɔwrɔn zriɛmɛ́n, ke bɩ́ hán nyɛ̀n nyɛ́n bore ankà-dɔ́ mɛ̀n, ô kɛ hán nyɛ̀n nyɛ́n zɛ́n hán: ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

Anhyrɛmɛ̀n timote 4:10

Ɔmuhi Demasɛ̀n teze mɛ̀n, kɩ nɛ̀n zeze nɛ̀n ẅɛn ɛnhibù ndɔ lɔ ci hɔ̀n cüɛ̀n; nɛ́n hɔ́n Tɛsalonikɛ̀n anmàn. Krɛsàn hɔ́n Galasi kpɔsɔ wú kɩ Titɛ̀n tɛn hɔ́n Dalmasi kpɔsɔ wú.

Zhakɛ̀n 1:27

Nyàn eci léyi Ɔwɔ Zí ke bɩ ke wotro ɔkɔ̀hɔ̀n fifi mán annanwɔrɛ nɔn: Yɔ wá ɛzhe-ẅì hɔ̀n mán ɛngrɔn-wúyɔ̀ hɔ̀n ɛkɔrɛ̀ y'ɛgbànkàn lɔ mɛ̀n, ô nyɛ́n wá ny'edomɛ̀n esùva ɛnu ɛnhibù wú ci-gbàngbàn lɔ fɛn tɛ̀sɛ̀n.

Zhakɛ̀n 1:7

Ɔwrɔn ɔmu lɔ nɛ́n bɩ́ tro le, nɛ lɛ cɔ́ eci-sán Ɛẅɛnwrɔn yri,

Zhakɛ̀n 4:4

Anmùan-anhyrɛ̀-bɔ̀ léyi de dú nyɛ̀n nɔn! Nyɛ́n sɩ̀ nyrì ɔmu le, e dú ɛnhibù nɛ́n nyran hô, è dú Ɔwɔ gbri-wrɔn hàn? Ɔwrɔn léyi ke ji ke dú ɛnhibù nɛ́n nyran nɔn, nɛ srɔ Ɔwɔ gbri-wrɔn.

1 Piɛrɛ̀n 1:14

Nyɛ́n wá Ɔwɔ, ô nyɛ́n bɩ́ hán ɛnbiɛhɛ́n ny'ɛnbɔrɛ mɛ̀n cí-hɔ̀n lɔ ɛnvra léyi nyɛ́n dú ɔbrɔsa mɛ̀n nɔn.

1 Piɛrɛ̀n 4:3

Annanwɔrɛ mɛ̀n lɔ, ɛnbiɛhɛ́n vra lɔ, nyɛ́n bɩ́ ɛnvra bobrebe nyɛ́n hán ɛci hɔ̀n léyi kɛ cüɛn anwrɔn hɔ̀n léyi kè sɩ̀ nyrì Ɔwɔ nɔn ɛvɛ̀. Ny'ɛwúvà dú eci-gbàngbàn-hán mɛ̀n, ankàtro gbàngbàn hɔ̀n mɛ̀n, ɛntàn-mí-kɔ̀hɔ̀n-hán mɛ̀n, wowie-kɔ̀hɔ̀n-hán mɛ̀n, ɛci-cüì-dì-kɔ̀hɔ̀n-hán mán eci fɔ́n ci-hán léyi dú antɛ̀buri-sɛ̀n nɔn kɔhɔ̀n-hán mɛ̀n.

2 Piɛrɛ̀n 2:14

Ɛncɔnwrɔn-hi-bi-gbàn yɩ́ y'anvɛ̀ lɔ mɛ̀n; ɛgbàn hán ke sɩ́ fɔ́n yɔ. Ɛjɛ-bɔ̀ ke bru y'antanwrɔn lɔ mɛ̀n. Ɔkùa cɔ́ ankà, wá ɛnhyà y'ɛnbɔrɛ lɔ mɛ̀n. Ɔwɔ ẅiɛ̀-dà dú yɔ ɛwú!

1 Zhan 3:10

Nyàn eci léyi kɛ hán ye nyri Ɔwɔ ẅì hɔ̀n mán anwawrɔn ẅì hɔ̀n nɔn: ɔwrɔn totɔtɔ̀n léyi ke sɩ́ hán eci léyi nyrɔn nɔn, hɩ ke sɩ́ cüɛn nɛ́n muan-ẅì nɔn, nɛ̀n sɩ̀ dù Ɔwɔ ẅì.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.

1 Zhan 4:4

Tɛ́n nyɛ́n, m'ɛẅì hɔ̀n, nyɛ́n dú Ɔwɔ tɛn kɩ nyɛ́n kɔ̀nká ɛyɔ̀n wɔ-mùan-wú-ankà-dɔ́-bɔ̀; ɔmuhi ɛnhɛ́n léyi dú nyɛ̀n ɛmɛ̀n nɔn, ɛkɔrɛ̀ srɔn vrán ɛnhɛ́n léyi dú anwrɔn hɔ̀n léyi dú ɛnhibù wú nɔn mɛ̀n.

1 Zhan 5:19

Bɔ̀ nyri ɔmu le bɔ̀ dú Ɔwɔ tɛn, kɩ ɛnhibù mumù dú eci gbangbàn-hán-wrɔn kɔrɛ̀srɔn wú.

1 Zhan 5:4

ɔmuhi Ɔwɔ ẅì totɔtɔ̀n kɛ lɛ kɔ̀nká ɛnhibù tɛ̀. Nyàn ɔmu le bɔ́ kɔ́nká ɛnhibù nɔn: b'ankaẅìbùtan ẅɛn mɛ̀n.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 16:17

Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 20:2

Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.