Efɛzɛ̀n anmàn-bɔ̀ 2:18 - Ɛmɛẅi ankà ankrànkràn 2003

¹⁸ Annanwɔrɛ mɛ̀n lɔ, Krisì mɛ̀n de bɔ lɛ fɛn, Zhüifɛ̀n-bɔ̀ mán yɔ hɔ̀n léyi kè sɩ̀ dù Zhüifɛ̀n-bɔ̀ nɔn, bɔ́ lɛ srɔ Ɔwɔ Zi ziwú tɛ̀, Ɛnhɛ́n Prɔnprɔn zri lɔ n'ecüìemɛ̀n.

Efɛzɛ̀n anmàn-bɔ̀ 2:18 Iomraidhean Croise

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Zhan 10:7

Zhezü vru kɛ dɔ̀ le: “Hɛ̀ɛ̀, mɛ dɔ́ nyɛ̀n annanwɔrɛ mɛ̀n le: mɛ̀n dú kɔ̀kɔ̀sɛ̀-kɔ̀ gbàtà.

Zhan 10:9

Mɛ̀n dú esù-gbàtà. Ɔwrɔn léyi ke ci m'ɛnlevri lɔ nɔn kɛ lɛ cɔ́ ebɩ̀die; ne le bru anwɔn mɛ̀n kɩ nɛ lɛ srɔ ɛntrɛ, kɩ nɛ lɛ cɔ́ n'ɛci-zî.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Rɔmɛ̀n-anmàn-bɔ̀ 5:2

Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Efɛzɛ̀n anmàn-bɔ̀ 3:12

Bɔ́ mán Krisì mɛhi b'ɔbɔ̀sɔ̀ lɔ mɛ̀n mán bɔ́ ankaẅì-bùtan-ẅɛ̀n n'ɛwú, bɔ̀ ẅɛn ɛkɔrɛ̀-levri bɔ́ lɛ srɔ Ɔwɔ zìwú esɛ́ vriemɛ̀n.

Efɛzɛ̀n anmàn-bɔ̀ 3:14

Hɩ le kruhú de mɛ shɛ́n annankruemɛ̀n Ɔwɔ Zi zìwú,

Efɛzɛ̀n anmàn-bɔ̀ 4:4

Edùwrú-ẅia zri mán Ɛnhɛ́n Prɔnprɔn zri kɩ ndù, ɔmu zri lɔ de esɛ́ léyi Ɔwɔ bi nyɛ̀n n'ɛmɛ̀n nɔn, nɛ́n zri kɩ nɛ́n dù.

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

Ebre-bɔ̀ 7:19

Annanwɔrɛ mɛ̀n lɔ Mohizì nyanmàn kè sɩ̀ sɩ̀ eci wrù zriɛmɛ́n ɛzrɔmɛ̀n. Tɛ́n yɛ tán bɔ̀ esɛ́ ankrànkràn tɔ̀n kɩ, esɛ́ ndɔ lɔ, n'ɛkruhú bɔ́ lɛ sɔ̀nba Ɔwɔ ɛtɛ̀sɛ̀n tɛ̀.

Zhakɛ̀n 3:9

Bɔ́ bɩ́ nɛ̀n bɔ́ mrɛ́n Ɛẅɛnwrɔn bɔ́ Zi, tɛ́n bɔ́ vru bɔ́ bɩ́ nɛ̀n bɔ́ dá anwrɔnẅì léyi Ɔwɔ hán dú cá nɛ̀n nɔn, ɛẅiɛ̀.

1 Piɛrɛ̀n 1:17

Ny'ɔwɔ-sɛ̀n hɔ̀n lɔ mɛ̀n, nyɛ tán Ɔwɔ ebi, Ezi, nɛ́n léyi nɛ́n sɩ̀ ẅɛ̀n anmùan anhyrɛ̀, kɩ ne ci anwrɔnẅì lɔ fɛn ɛmrɛ̀n, ɔwrɔnwrɔn v'eci léyi ɛ̀ hán nɔn, hɩ wú; hɩ le kruhú de ɛnvra léyi wɔrɔ, hɩ nye le dú ɛnu hi-wúvà lɔ mɛ̀n nɔn, ke ji le ny'esùnan kè yé ɔwá léyi nyɛ tán Ɔwɔ nɔn.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

Zhüdɛ̀n 1:20

Tɛ́n nyɛ́n, annyran anvrɛn hɔ̀n, ny'ɛwúvà kè dú ɛnvra lɔ fɛn ny'ankaẅìbùtan prɔnprɔn mɛ̀n. Nyɛ́n sɛ́n Ɔwɔ Ɛnhɛ́n Prɔnprɔn korɛ̀srɔn mɛ̀n.