Efɛzɛ̀n anmàn-bɔ̀ 2:12 - Ɛmɛẅi ankà ankrànkràn 2003

¹² Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Efɛzɛ̀n anmàn-bɔ̀ 2:12 Iomraidhean Croise

Lükɛ̀n 1:72

Nɛ̀n yé bɔ̀ n'ɛcüɛ̀n bɔ́ nancüì hɔ̀n tɛsɛ̀n, kɩ nɛ̀n kore sɩ́ n'edomɛ̀n nɛ́n mìrɛ̀n prɔnprɔn mùan-wá lɔ.

Zhan 10:16

Mɛ̀n vru mɛ̀n ẅɛn kɔ̀kɔ̀sɛ̀ ndɔ hɔ̀n ndù, ke sɩ̀ dù ɔkɔ̀ ndɔ lɔ mɛ̀n. Ke ji le yɔ mán mɛ̀n kùa yɔ; yɔ lɛ die mɛ̀n nukùɛ, kɩ yɔ lɛ srɔ kɔ̀kɔ̀sɛ̀-kà zri kɩ yɔ lɛ ẅɛn ɔnɔ̀n-kua-wrɔn zri.

Zhan 15:5

Mɛ̀n dú ɛtɛ̀, nyɛ́n dú antɛ̀da. Ɔwrɔn léyi kɛ cɔ́ mɛ̀n mɛhi bɔ́ bɔ́sɔ̀, hɩ mɛ̀n mán mɛ̀n dú nɛ̀n ɛmɛ̀n ɔbɔ̀sɔ mɛ̀n nɔn, ne shi ɛẅì bobrebe, ɔmuhi nyɛ́n sɩ̀ hán eci zriɛmɛ́n rɔ́ ke dú kɛ mɛ̀n sɩ̀ dù nyɛ̀n ɛmɛ̀n.

Zhan 4:22

Nyɛ́n Samari-bɔ̀, nyɛ́n sɩ̀ nyrì eci léyi nyɛ sɛ̀n nɔn; bɔ́, Zhüifɛ̀n-bɔ̀, bɔ̀ nyri eci léyi bɔ́ sɛ̀n nɔn, ɔmuhi ɛnkrukɔrɛ̀ dú Zhüifɛ̀n-bɔ̀ yri và nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:39

Ɔmuhi Ɔwɔ-mùan-wá lɔ dú tán nyɛ́n mán ny'ɛẅì hɔ̀n mɛhi, ɔmu zri lɔ de dú tán anwrɔn hɔ̀n léyi dú esù she nɔn, anwrɔn hɔ̀n léyi Ɛẅɛnwrɔn b'Ɔwɔ ke le bi nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 28:20

Nyàn eci le kruhú me ji mɛ̀n kán nyɛ̀n, ô mɛ̀n dɔ́ nyɛ̀n ankà nɔn. Annanwɔrɛ mɛ̀n lɔ gbràka dú mɛ̀n ankɔrɛ̀, nɛ́n léyi Izraɛlɛ̀n fɛcüè ẅɛn esɛ́ n'ɛwú nɔn n'ɛkruhú.”

Ɔkɔ̀hɔ̀n-wá-bɔ̀ kɔ̀hɔ̀n hán 3:25

Ɔmùan-wá léyi Ɔwɔ tán Ɔwɔ-mùanwú-ankà-dɔ́-bɔ̀ nɔn, dú nyɛ tɛn, kɩ nyɛ́n mán nyɛ́n dú mìrɛ̀n wrù léyi Ɔwɔ mán nyɛ́n nancüì hɔ̀n wá ɔmùan nɔn n'ɛmɛ̀n, ɛnvra léyi nɛ̀n dɔ́ Abrahamɛ̀n le: ‘Ɛmɛ̀n hɔ̀n lɔ fɛn léyi dú ɛnhibù wú nɔn, kɛ lɛ cɔ́ m'ɛnshifù ke le dú v'ɛmɛẅi-bɔ̀ yri kɛ̀ và.’

Rɔmɛ̀n-anmàn-bɔ̀ 9:8

Hɩ mɛ̀n kɛ dɔ̀ le: kè sɩ̀ dù ɛẅì hɔ̀n léyi ye bî anwrɔnẅìemɛ̀n nɔn de dú Ɔwɔ ẅì hɔ̀n nɔn; tɛ́n ɛẅì hɔ̀n léyi ye bî Ɔwɔ mùan-wá mɛ̀n nɔn, yɔ zri kɩ yɔ dú ɛmɛẅi-bɔ̀ annànwɔrɛ nɔn.

Galasi anmàn-bɔ̀ 4:8

Ɛnbiɛhɛ́n vra lɔ, nyɛ́n sɩ̀ nyrì Ɔwɔ kɩ nyɛ́n dú anwɔ̀n-bɔ̀ nyɛ́n tán anwɔ hɔ̀n léyi kè sɩ̀ dù Ɔwɔ annanwɔrɛ nɔn.

Efɛzɛ̀n anmàn-bɔ̀ 2:19

Hɩ le kruhú, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn, nyɛ́n sɩ̀ vrù dù ɛmɛ̀n-nyàntɛn-mɛ̀n-bɔ̀, anwrɔn hɔ̀n léyi dú ɛyri nyàntɛn nvà nɔn; tɛ́n nyɛ́n dú zɛtɛ̀ lɔ Ɔwɔ-fɛcüè-mɛ̀n-bɔ̀, nyɛ́n dú Ɔwɔ mɛ̀n mɛ̀n-bɔ̀.

Efɛzɛ̀n anmàn-bɔ̀ 4:18

Y'ɛnkruemɛ̀n-ẅɛ̀n dú ɛyri-yɔwɔ mɛ̀n; yɔ sɩ̀ ẅɛ̀n ɛwúvà léyi dú Ɔwɔ yri kɛ và nɔn ɛnzri mán, ɔmuhi y'ɔbrɔ̀sà lɔ sɛ́n nmù, kɩ ɛbɔrɛ sɔ́ yɔ hán obù hɔ́ nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 1:5

Ɛnvra léyi annanwɔrɛ Mɛẅi ankà Ankrankran lɔ vá cɔ́ nyɛ̀n kpàkpà bì lɔ nɔn, nyɛ́n cɔ̀ nyɛ́n nyri eci léyi Ɔwɔ wá hɛ́n nyɛ̀n anhobɩ́ nɔn: ny'ankaẅì-bùtan mán ny'ɛcüɛn-bɔrɛ dú esɛ́ ndɔ lɔ mɛ̀n srɔ.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

1 Tesalonikɛ̀n anmàn-bɔ̀ 4:5

nɛ́n bɩ́ teze n'edomɛ̀n nɛ́n hɔ́n ankà-tro gbàngbàn wú, kɛ hán anwrɔn hɔ̀n léyi kè sɩ̀ nyrì Ɔwɔ nɔn.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Kpàkpà timote 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì sɛnkɛn-wrɔn, Ɔwɔ, bɔ́ ebɩdie-wrɔn mán Zhezü Krisi, bɔ́ esɛ́-wrɔn kɔrɛ̀levriemɛ̀n nɔn.

Ebre-bɔ̀ 11:34

yɔ zɛ́n ɛnhyà shishi hɔ̀n, kɩ yɔ srɛ́ di owù anta anhà-kɔ́n-nyan mɛ̀n. Yɔ dú ɛjɛ-bɔ̀, kɩ yɔ srɔ ecüì-ẅɛn-bɔ̀; yɔ dú bìakpa-bɔ̀ anhà-kɔ́n mɛ̀n, kɩ yɔ kɛ́n ɛmɛ̀n nyantɛn anhà-kɔ́n-bɔ̀, sɩ́ ɛmɛẅi.

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

Ebre-bɔ̀ 8:6

Tɛ́n zɛtɛ̀ lɔ, Zhezü dú ɔkɔhɔ̀n vri tɔ̀n hán mɛ̀n, ɔmuhi nɛ̀n dú Ɔwɔ mán anwrɔnẅì granmɛ̀n nyɔn wrɔn mìrɛ̀n tɔ̀n anvrɛnvrɛn annanwɔrɛ léyi kɛ tán ɔmùan-wá ankrankran nɔn mɛ̀n.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Piɛrɛ̀n 3:15

Tɛ́n nyɛ́n ẅɛn Krisì wá kè dú ny'ɛnbɔrɛ hɔ̀n lɔ mɛ̀n, kɛ hán ny'Ɛẅɛnwrɔn hɔ́. Ɛnbì lɔ fɛn nyɛ́n krɔn kpehɛ́n, ô nyɛ́n dɔ́ ankà nyɛ́n tán ny'edomɛ̀n ɛnvra léyi ye le yrɛ nyɛ̀n ny'esɛ́ léyi nyɛ́n ẅɛn Ɔwɔ mɛ̀n nɔn n'ɛwú ankà.

1 Zhan 3:3

Ɔwrɔn totɔtɔ̀n léyi kɛ ẅɛn esɛ́ ndɔ lɔ Krisì mɛ̀n nɔn, nɛ srɔ ɛfifi, hán ɔmu le Krisì dú ɛfifiemɛ̀n nɔn hɔ́.