Efɛzɛ̀n anmàn-bɔ̀ 2:11 - Ɛmɛẅi ankà ankrànkràn 2003

¹¹ Kè bru nyɛ̀n eci léyi dú nyɛ̀n ɛnbiɛhɛ́n vra lɔ nɔn! Ebîemɛ̀n lɔ nyɛ́n sɩ̀ dù Zhüifɛ̀n-bɔ̀; Zhüifɛ̀n-bɔ̀ ke bú nyɛ̀n kɛ hán anwrɔn hɔ̀n léyi kè sɩ̀ nyrì Ɔwɔ, ɔmuhi ye sɩ̀ wi nyɛ̀n wúcɔ̀-dòmɛ̀n, kɩ zɛtɛn yɔ bi y'edomɛ̀n Ɔwɔ-ẅì hɔ̀n, ɔmuhi ye wi yɔ wúcɔ̀-domɛ̀n edùwrú-ẅia mɛ̀n nɔn.

Efɛzɛ̀n anmàn-bɔ̀ 2:11 Iomraidhean Croise

Matie 20:7

Yɔ mrɛ́n ɔmùan le: ‘Ɔmuhi ɔwrɔn zriɛmɛ́n ke sɩ̀ bɩ́ bɔ̀ ɔkɔ̀hɔ́n hán mɛ̀n nɔn.’ Nɛ dɔ́ yɔ le: ‘Kɛ zrɔ, nyɛ́n mán nyɛ́n hɔ̀n nyɛ́n hán ɔkɔ̀hɔ́n m'ɛkɛ̀tɛ̀ lɔ mɛ̀n.’

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 2:26

Kɩ ke dú kɛ ɔwrɔn léyi ye sɩ̀ wì wúcɔ̀-domɛ̀n nɔn, kɛ hán ɛnyànmàn-ci, Ɔwɔ ke sɩ̀ bɩ́ nɛ̀n kɛ̀ srɔ ɔwrɔn léyi ye wi wúcɔ̀-domɛ̀n nɛ́n?

Rɔmɛ̀n-anmàn-bɔ̀ 2:27

Ɔwrɔn léyi ye sɩ̀ wì wúcɔ̀-domɛ̀n n'anẅia lɔ mɛ̀n, tɛ́n kɛ hán ɛnyànmàn-ci nɔn, ke le ci mɛ́n ɛmrɛ̀n, vɛ́n léyi e sɩ́ hán ɛnyànmàn ci, kɩ ɛnyànmàn merɛ́n dú mɛ́n ɛmɛ̀n, kɩ ye wi mɛ́n wúcɔ̀-domɛ̀n mán nɔn.

1 Korɛntɛ̀n anmàn-bɔ̀ 12:2

Nyɛ́n nyrì le ɛnvra léyi nyɛ vá nyri Ɔwɔ ankà nɔn, ecüì tɔ̀n kɛ kɛ́n nyɛ̀n sɩ́ ɔmùan-kɛ́n-tɛ̀-buri-Wɔ tɛ̀sɛ̀n.

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

Galasi anmàn-bɔ̀ 2:15

Bɔ́, bɔ̀ dú, Zhüifɛ̀n-bɔ̀ ebîemɛ̀n, kɩ bɔ̀ sɩ̀ dù ɛnhi wú anmàn nyàntɛn bɔ̀ léyi kè sɩ̀ nyrì Ɔwɔ nyànmàn nɔn.

Galasi anmàn-bɔ̀ 6:12

Anwrɔn hɔ̀n léyi ke ji kɛ̀ hán nyɛ̀n kèkrèmɛ̀n ye wi nyɛ̀n wúcɔ̀-domɛ̀n nɔn, yɔ dú anwrɔn hɔ̀n léyi ke ji kè yé y'edomɛ̀n anwrɔnẅì ci-hán tɛ̀sɛ̀n nɔn. Yɔ sɩ́ ji le ye di yɔ ejüe Krisì gbàn-hán-tɛ̀ kruhú.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

Kɔlɔsèn anmàn-bɔ̀ 2:11

Nɛ́n mán nyɛ́n mɛhi ny'ɔbɔ̀sɔ̀ lɔ mɛ̀n, ye wi nyɛ̀n wúcɔ̀-domɛ̀n, kè sɩ̀ dù wùcɔ́-domɛ̀n-wì léyi anwrɔnẅì kɛ hán nɔn, tɛ́n wúcɔ̀-domɛ̀n-wì léyi dú Krisì yri và hɩ kɛ mrɛ́n bɔ́ edomɛ̀n gbàn lɔ sɔhɔ́ nɔn.

Kɔlɔsèn anmàn-bɔ̀ 2:13

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀.

Kɔlɔsèn anmàn-bɔ̀ 3:11

Ke sɩ̀ vrù dù vɔ̀nshɛ́ ci ke dú kɛ ye dú Zhüifɛ̀n-wrɔn, kɩ ye sɩ̀ dù Zhüifɛ̀n-wrɔn, kɩ ye wi mɛ́n wúcɔ̀-domɛ̀n, kɩ ye sɩ̀ wì mɛ́n wúcɔ̀-domɛ̀n, kɩ è dú owrú-kán-wrɔn, kɩ è sɩ̀ dù owrú-kán-wrɔn, kɩ è dú ɔwɔ̀n-wrɔn, kɩ è dú ɔwrɔn kora, tɛ́n ndɔ lɔ fɛn, hɩ le ẅɛn vɔ̀nshɛ́ nɔn, dú Krisì léyi dú bɔ̀ ɛmɛ̀n eci lɔ fɛn mɛ̀n nɔn.