Efɛzɛ̀n anmàn-bɔ̀ 2:10 - Ɛmɛẅi ankà ankrànkràn 2003

¹⁰ Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 2:10 Iomraidhean Croise

Matie 5:16

Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Zhan 3:21

Tɛ́n ɔwrɔn léyi kɛ hán eci léyi dú annanwɔrɛ nɔn, nɛ vá ɛyri-kán mɛ̀n, ô yɛ kán anvrɛnvrɛn mɛ̀n le, n'eci-hán-ci hɔ̀n lɔ fɛn ke dú Ɔwɔ wá mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:36

Zhafa anmàn lɔ, ankaẅì-bùtan nyɔnwrɔn tɔ̀n ndù ye bi Tabita. Ebi ndɔ lɔ grɛkɛ̀n brɛ̀ mɛ̀n lɔ, ye bi “Dorkasɛ̀n”, hɩ mɛ̀n kɛ dɔ̀ le ovú nɔ̀n léyi ye bi “esè” nɔn. Nɛ̀n dú ɛnvra lɔ fɛn anvrɛn hán mɛ̀n kɩ nɛ wá ɛmian-bɔ̀ ɛkɔrɛ̀.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

Rɔmɛ̀n-anmàn-bɔ̀ 8:29

Ɔmuhi Ɔwɔ gɔ́ mrɛ́n yɔ nbɩ; nɛ̀n vru nɛ̀n wá, ô yɔ dù yɔ cá n'ɛnẅì hɔ́, ô n'ɛnẅì ndɔ lɔ kè dú ɛnvrakpà ẅì, nɛ́n muan-ẅì hɔ̀n bobrebe hɔ̀n lɔ mɛ̀n.

1 Korɛntɛ̀n anmàn-bɔ̀ 3:9

Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

2 Korɛntɛ̀n anmàn-bɔ̀ 5:5

Ɔwɔ dùku de wá ndɔ lɔ tán bɔ̀ nɔn, kɩ nɛ̀n tán bɔ̀ n'Ɛnhɛ́n kè dú anhoba ci kɛ̀ vrá anvrɛn hɔ̀n léyi nɛ wá nɛ̀n hɛ́n bɔ̀a nɔn.

2 Korɛntɛ̀n anmàn-bɔ̀ 9:8

Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn.

Galasi anmàn-bɔ̀ 6:15

Hɩ le kruhú de, ke dú kɛ ye wi mɛ́n wúcɔ̀-domɛ̀n hô, kɩ ye sɩ̀ wì mɛ́n wúcɔ̀-domɛ̀n hô, vɔ̀nshɛ́ zriɛmɛ́n bàda nɛ̀n ɛmɛ̀n: hɩ le ẅɛn vɔ̀nshɛ́ nɔn, dú hɩ le ɛ lɛ srɔ ɔwrɔn wrù.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Efɛzɛ̀n anmàn-bɔ̀ 2:13

Tɛ́n zɛtɛ̀ lɔ, nyɛ́n mán Zhezü Krisì mɛhi ny'ɔbɔ̀sɔ̀ lɔ mɛ̀n, nyɛ́n léyi zɛtɛn nyɛ́n dú esù she nɔn, nyɛ́n bá nɛ̀n ɛtɛ̀sɛ̀n n'ecice-ci lɔ mɛ̀n.

Efɛzɛ̀n anmàn-bɔ̀ 2:15

Nɛ̀n jrɛ́ Zhüifɛ̀n-bɔ̀ nyànmàn mán yɔ eci-hán-ci hɔ̀n, ô nɛ̀n hán ɔwrɔnwrɔn mán yɔ nyran hɔ̀n kɛ̀ srɔ fɛcüè wrù zri, nɛ́n mán yɔ mɛhi y'ɔbɔ̀sɔ̀ lɔ mɛ̀n; ɔmu lɔ de nɛ̀n wá anwɔwɔ nɔn.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 2:6

Bɔ́ mán Krisì mɛhi b'ɔbɔ̀sɔ̀ lɔ mɛ̀n, Ɔwɔ hán nɛ́n mán bɔ́ mɛhi bɔ̀ vá ɔkɔrɛ-bɔ̀ mɛ̀n, ô nɛ́n mán bɔ́ mɛhi bɔ̀ ẅɛn ɛyri anhobɩ́ anmàn.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 4:24

Nyɛ́n cɔ́ ɛwúvà wrù ceci léyi yɛ hán cá Ɔwɔ picɛ̀, hɩ ke yé n'edomɛ̀n ɛnyrɔnnan mán prɔnprɔn wúvà mɛ̀n, ɛwúvà léyi dú annanwɔrɛ ci nɔn.

Filipɛ̀n anmàn-bɔ̀ 1:6

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 3:10

kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

2 Tesalonikɛ̀n anmàn-bɔ̀ 2:17

kɛ̀ hán edùyì kè yɩ́ ny'ɛnbɔrɛ hɔ̀n lɔ, ô kɛ̀ tán nyɛ̀n ecüì nyɛ́n hán anvrɛn ɛnvra lɔ fɛn, eci-hán mɛ̀n mán ankà-dɔ́ mɛ̀n.

Kpàkpà timote 2:10

tɛ́n y'eci-hán kè dú anvrɛnvrɛn, kɛ̀ cá wúyɔ̀ hɔ̀n léyi ẅɛn Ɔwɔ wá nɔn.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Kpàkpà timote 5:25

Ɛci ankrankran hán lɔ mán, yɔ mán yɛ kán yɔ kpetee, kɩ yɔ hɔ̀n léyi ye sɩ̀ gɔ̀ kàn mán nɔn, ke sɩ́ dú ɛban mɛ̀n.

Kpàkpà timote 6:18

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀.

Anhyrɛmɛ̀n timote 2:21

Ke dú kɛ ɔwrɔn tɔ̀n ke fi n'edomɛ̀n ɛgbàn hɔ̀n lɔ fɛn léyi mɛ́n krɛ̀ nɔn hɩ wú, nɛ lɛ krɔn kpehɛ́n nɛ̀n hán ɔkɔ̀hɔ̀n wrù nyàntɛn hɔ̀n: nɛ̀n dú nɛ́n mumù lɔ fɛn n'ankà-yé-wrɔn tamɛ̀n, nɛ̀n dú yi kɔrɛ̀-wá-wrɔn, nɛ̀n krɔn kpehɛ́n ô nɛ̀n hán eci anvrɛnvrɛn.

Anhyrɛmɛ̀n timote 3:17

ô Ɔwɔ wrɔn kɛ̀ krɔn kpehɛ́n n'eci ankrankran hán mɛ̀n.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Titɛ̀n 2:7

Vɛ́n dùku mán ke ji le è dú sɛnpò v'eci-ankrànkràn-hán mɛ̀n. V'eci-yé kè dú ɔmùan-zri mán anvrɛnvrɛn.

Titɛ̀n 3:1

È kro ɔmùan-zri-di-bɔ̀ le, ke ji le yɔ die ɛcüìcüì-bɔ̀ mán ɛkɔrɛ̀levri-bɔ̀ nukùɛ, ô yɔ krɔn kpehɛ́n yɔ hán eci ankrànkràn.

Titɛ̀n 3:14

Ke ji le bɔ́ fɛcüè lɔ mán kè nyrì wá y'edomɛ̀n kokroho eci ankrànkràn hán mɛ̀n ô kè dú ɛkɔrɛ̀-wá anvrɛnvrɛn; kɩ ke sɩ́ ji le yɔ ẅɛn ɛwúvà woro.

Titɛ̀n 3:8

Ndɔ lɔ dú ankà-dɔ̀ léyi dú annànwɔrɛ nɔn. Me ji le ankà ndɔ hɔ̀n lɔ wú, ɛ̀ wá kpánkpán ɛ̀ tán fɛcüè hɔ̀n léyi ke bú Ɔwɔ ankà tán ankaẅì nɔn le, ke ji le yɔ wá y'edomɛ̀n kokroho eci-ankrankran-hán mɛ̀n. Nyàn eci léyi zrɔ tán anwrɔnẅì lɔ fɛn nɔn.

Ebre-bɔ̀ 10:24

Bɔ̀ wá bɔ́ edòmɛ̀n esùva, bɔ̀ hán ɛcüɛn-ci anvrɛnvrɛn, ô bɔ́ eci-hán kè dú ankrankran.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 2:6

ɔwrɔn léyi kɛ dɔ̀ le, nɛ́n mán Ɔwɔ mɛhi ye dú eci zri nɔn, ke ji le nɛ̀n ẅɛn ɛwúvà kɛ̀ hán Zhezü hɔ́.