Efɛzɛ̀n anmàn-bɔ̀ 1:8 - Ɛmɛẅi ankà ankrànkràn 2003

⁸ ɛnshifù léyi nɛ̀n tán bɔ̀ bobrebe ɛnvra léyi nɛ̀n tán bɔ̀ ankà-nyrì mán ɛnkruemɛ̀n-ẅɛ̀n léyi sɛ́n nmù nɔn:

Efɛzɛ̀n anmàn-bɔ̀ 1:8 Iomraidhean Croise

Matie 11:19

Ɔwrɔnẅì Ẅì nvà, ne zî ɛci, ne mi ɛntàn kɩ yɛ dɔ̀ le: ‘Nyɛ́n nyan ɔwrɔn ndɔ léyi, ɛci-zî mán ɛntàn-mí-ankà kɩ ke tro, nɛ̀n dú anmàn-wɔɛ̀n-yrɛ-bɔ̀ mán anwrɔn hɔ̀n léyi yɛ krɛ́ ɛci-gbàngbàn-hán-bɔ̀ nɔn yɔ nyran hɔ̀n!’ Tɛ́n ankà-nyrì léyi dú Ɔwɔ mɛ̀n nɔn ke yé n'edomɛ̀n ɛnyrɔnnan ci-hán mɛ̀n.”

Rɔmɛ̀n-anmàn-bɔ̀ 11:33

Nyàn ɔmuhi Ɔwɔ nɛ̀ncüì-dì lɔ sevri nɔn! Nyàn ɔmuhi n'ankà-nyrì mán n'eci-nyrì vrɛn nɔn! Antɔnwrɔn de kɛ lɛ dɔ́ n'eci-hán ankà nɛ́n? Antɔnwrɔn de ke le nyri n'ankɔnda-ci-hán ankà nɛ́n?

Rɔmɛ̀n-anmàn-bɔ̀ 5:15

Tɛ́n ye sɩ̀ bɩ́ Adamɛ̀n gbàn lɔ yɛ krɔn Ɔwɔ cice-ci kora lɔ nɛ́n vɔ̀nshɛ́. Annanwɔrɛ mɛ̀n lɔ, bobrebe hɔ̀n wú ɔwrɔn zri ndɔ lɔ n'ɛgbàn lɔ kruhú; tɛ́n Ɔwɔ-boafɔ̀n lɔ sevri kɩ n'ecice-ci léyi nɛ̀n tán anwrɔn bobrebe hɔ̀n ankora, ɔwrɔn zri, Zhezü Krisì bɩmɛ̀n nɔn, vru ẅɛn vɔ̀nshɛ́ sevri.

1 Korɛntɛ̀n anmàn-bɔ̀ 2:7

Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 1:9

nɛ̀n hán tán bɔ̀, bɔ́ nyri n'ankɔ́nda ankà-bán-ankà, léyi n'ɛnyhɔ̀bɔ̀-nyrì lɔ mɛ̀n, nɛ́n gɔ̀ wá tán le nɛ lɛ hán Krisì bɩ́mɛ̀n nɔn.

Efɛzɛ̀n anmàn-bɔ̀ 3:10

ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn.

Kɔlɔsèn anmàn-bɔ̀ 2:3

n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

Zhüdɛ̀n 1:25

Ɔwɔ zri, bɔ́ bɩdie-wrɔn, Zhezü-Krisì bɔ́ Ẅɛnwrɔn bɩmɛ̀n, eci-zrɔ, evrisì, ɛkɔrɛ̀srɔn mán ɛkɔrɛ̀levri dú nɛ tɛn, ɛnkrubɔmɛ̀n, zɛtɛ̀ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”