Efɛzɛ̀n anmàn-bɔ̀ 1:7 - Ɛmɛẅi ankà ankrànkràn 2003

⁷ Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 1:7 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Matie 26:28

ɔmuhi ndɔ lɔ dú m'ɛnkrɛ̀, ɛnkrɛ̀ léyi ke di Ɔwɔ mìrɛ̀n lɔ dalɛfuɛ, hɩ cüe anwrɔn bobrebe gbàn-wɔɛ̀n-dì kruhú nɔn.

Matie 6:12

Ɛgbàn léyi bɔ̀ hán nɔn, è bɩ ce bɔ̀, kɛ̀ hán ɔmu le bo bɩ́ ce anwrɔn hɔ̀n léyi kɛ hán bɔ̀ ɛgbàn nɔn.

Markɛ̀n 14:24

Zhezü kɛ dɔ́ yɔ le: “Ndɔ lɔ dú m'ɛnkrɛ̀, ɛnkrɛ̀ léyi dú mìrɛ̀n wrù krɛ̀, hɩ ke le cüe anwrɔn bobrebe kruhú nɔn.

Lükɛ̀n 1:77

ô ɛ̀ hán tán nɛ́n fɛcüè ke nyrì le, ne le bɩ́ yi nɛ̀n die, ô nɛ̀n bɩ́ ɛgbàn nɛ̀n ce yi nɔn.

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Zhan 20:23

Anwrɔn hɔ̀n léyi nye le bɩ́ ɛgbàn nyɛ́n ce nɔn, kɛ lɛ cɔ́ ɛgbàn-bɩ-ce; Yɔ hɔ̀n léyi nyɛ lɛ krɔ ɛgbàn-bɩ-ce nɔn, yɔ sɩ̀ cɔ́ ɛgbàn-bɩ-ce.”

Ɔkɔ̀hɔ̀n-wá-bɔ̀ kɔ̀hɔ̀n hán 10:43

Ɔwɔ-mùanwú-ankà-dɔ́-bɔ̀ lɔ fɛn dɔ́ n'ankà le, ɔwrɔn totɔtɔ̀n léyi ke bú n'ankà kɛ tán ankaẅì nɔn, kɛ lɛ cɔ́ ɛgbàn-bɩce n'ebɩ́ kɔrɛ̀srɔn lɔ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 2:38

Piɛrɛ̀n mrɛ́n yɔ ɔmùan le: “Nyɛ́n crɔn ny'eci-hán-ci, ô ɔwrɔnwrɔn kɛ̀ hán yɛ wá nɛ̀n ɛnshi ɛnkru Zhezü Krisì bɩmɛ̀n, ô ny'ɛgbàn hɔ̀n lɔ kè bɩ ce nyɛ̀n. Zɛtɛn nyɛ lɛ cɔ́ Ɔwɔ cice-ci lɔ, Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 3:19

Nyɛ́n crɔn ny'ɛci-hán-ci, ô nyɛ́n crɛ ezì nyɛ́n kɛ́n Ɔwɔ, ô nɛ̀n jru ny'ɛgbàn hɔ̀n lɔ.

Rɔmɛ̀n-anmàn-bɔ̀ 2:4

Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n?

Rɔmɛ̀n-anmàn-bɔ̀ 3:24

Tɛ́n Ɔwɔ, n'ɛzrɔ lɔ mɛ̀n, kɛ hán yɔ, yɔ srɔ ɛnyrɔnnan-bɔ̀ n'ezìwú, ankora, Zhezü Krisì léyi kɛ mrɛ́n yɔ ɛgbàn mɛ̀n sɔhɔ́ nɔn n'ɛkruhú.

Rɔmɛ̀n-anmàn-bɔ̀ 3:25

Ɔwɔ bɩ́ nɛ̀n ce eci, ô n'owù lɔ mɛ̀n, Krisì kɛ̀ cɔ́ ɛgbàn-bɩ̀-ce kè dú anwrɔn hɔ̀n léyi ẅɛn ankaẅì-bùtan n'ɛwú nɔn tɛn. Ɔmu lɔ de Ɔwɔ yé ɛnvra lɔ fɛn le, nɛ̀n dú ɛnyrɔnnan-wrɔn: nɛ́n gɔ̀ dú ɛnyrɔnnan-wrɔn ɛnbìɛhɛ́n, ɛnvra léyi anwrɔnẅì dú ɛgbàn mɛ̀n, hɩ nɛ̀n sɩ̀ bɩ̀ ɛmɛ̀nhyì nɛ̀n teze yɔ, yɔ dú ɛgbàn-hán mɛ̀n; nɛ̀n dú ɔmu zri lɔ zɛtɛ̀ lɔ, ɔmuhi ne ji ɛnvra zri lɔ mɛ̀n nɛ̀n dú ɛnyrɔnnan-wrɔn, ô anwrɔn hɔ̀n léyi ẅɛn ankaẅì-bùtan Zhezü mɛ̀n nɔn, nɛ̀n srɔ yɔ ɛnyrɔnnan-bɔ̀.

Rɔmɛ̀n-anmàn-bɔ̀ 9:23

Tɛ́n ne ji nɛ̀n yé ɔmu lɔ le n'eci-zrɔ ẅɛn vɔ̀nshɛ́ anwrɔn nyantɛn hɔ̀n wú, anwrɔn hɔ̀n léyi nɛ̀n ẅɛn yɔ ɛnhyɔ̀bɔ̀-nyrì, anwrɔn hɔ̀n léyi nɛ́n gɔ̀ wá esùva nɛ̀n hɛ́n ô kè dú n'eci-zrɔ lɔ mɛ̀n nɔn.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Efɛzɛ̀n anmàn-bɔ̀ 1:14

Ɛnhɛ́n Prɔnprɔn ke di anvrɛn hɔ̀n léyi Ɔwɔ hɛ́n nɛ́n fɛcüè nɔn dalɛfuɛ; nɛ tán bɔ̀ esɛ́ le bɔ́ lɛ cɔ́ anvrɛn hɔ̀n lɔ ɛnvra léyi bɔ́ ebɩ̀die lɔ kɛ lɛ sɛ́n nmù nɔn. Zɛtɛn bɔ̀ mrɛ́n Ɔwɔ vrisì lɔ!

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 1:6

Bɔ̀ mrɛ́n Ɔwɔ ecice vri léyi nɛ̀n tán bɔ̀ ankora, hɩ dú n'ɛcüɛn Ẅì lɔ nɔn.

Efɛzɛ̀n anmàn-bɔ̀ 1:8

ɛnshifù léyi nɛ̀n tán bɔ̀ bobrebe ɛnvra léyi nɛ̀n tán bɔ̀ ankà-nyrì mán ɛnkruemɛ̀n-ẅɛ̀n léyi sɛ́n nmù nɔn:

Efɛzɛ̀n anmàn-bɔ̀ 2:4

Tɛ́n Ɔwɔ yɔ̀bɔ̀-nyrì lɔ sevri, ecüɛ̀n léyi nɛ̀n ẅɛn bɔ́ ɛwú nɔn, hán tán,

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Filipɛ̀n anmàn-bɔ̀ 4:19

M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.

Kɔlɔsèn anmàn-bɔ̀ 1:14

N'ɛmɛ̀n de nɛ̀n mrɛ́n bɔ̀ eci-gbàngbàn tamɛ̀n nɛ̀n sɔhɔ́ kɩ bɔ̀ cɔ́ ɛgbàn-bɩ̀-ce nɔn.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 2:13

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kpàkpà timote 2:6

léyi srɔ n'edomɛ̀n anwɔba-ci, ô nɛ̀n srú bɔ́ lɛ fɛn nɛ̀n die. Ɔmu lɔ de ɛnvra léyi yɛ wá nɔn, nɛ̀n yé tán le, Ɔwɔ ke ji le anwrɔnẅì lɔ fɛn kɛ̀ cɔ́ ebɩdie nɔn.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Titɛ̀n 3:6

Ɔmuhi Ɔwɔ wá bɔ̀ Ɛnhɛ́n Prɔnprɔn cüì bobrebe edomɛ̀n bɔ́ Ebɩ̀die-wrɔn Zhezü Krisì bɩ́mɛ̀n,

Ebre-bɔ̀ 9:22

Ɛnyànmàn wú lɔ, ɛnkrɛ̀ de ye bɩ ye fi eci lɔ fɛn, kɩ yɛ cɔ́ ɛgbàn-bɩce ɛnvra léyi ɛnkrɛ̀ ke cüe nɔn.

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

1 Zhan 2:12

Me merɛ́n nyɛ̀n owrú m'ɛwì hɔ̀n, ɔmuhi ny'ɛgbàn hɔ̀n lɔ bɩ́ ce nyɛ̀n Zhezü Krisì bɩmɛ̀n nɔn.

1 Zhan 2:2

Ɔmuhi Zhezü Krisì bɩ́ n'edomɛ̀n ce eci, kè dú bɔ́ ɛgbàn wɔ̀ɛndì, kɩ kè sɩ̀ dù bɔ́ ɛgbàn zri kɩ, tɛ́n anwrɔn hɔ̀n léyi dú ɛnhibù mumù lɔ fɛn wú nɔn yɔ mán y'ɛgbàn kruhú.

1 Zhan 4:10

Kɩ ɛcüɛ̀n dú eci ndɔ lɔ: ke sɩ̀ dù hɩ le bɔ̀ cüɛn Ɔwɔ nɔn, tɛ́n hɩ le nɛ̀n cüɛn bɔ̀ kɩ nɛ̀n wá n'Ɛnẅì ɔkɔ̀hɔ̀n, ô n'ecice lɔ mɛ̀n, bɔ̀ cɔ́ ɛgbàn-bɩ̀ce.

Ɔwɔ-mɛ̀n-yrikàn 14:4

Anwrɔn ndɔ hɔ̀n lɔ, kè sɩ̀ wá nbrá edomɛ̀n yɔ mán wúyɔ̀ mɛhi, yɔ dú ɛfifiemɛ̀n. Yɔ dú Ɔwɔ Kɔ̀kɔ̀sɛ̀-ẅì ɛmɛẅi ɛyri lɔ fɛn léyi nɛ hɔ̀n nɔn; yɛ mrɛ́n yɔ anwɔ̀nẅìemɛ̀n yɛ sɔhɔ́ anwrɔnẅiemɛ̀n, ô yɔ dú Ɔwɔ mán Ɔwɔ Kɔ̀kɔ̀sɛ̀-ẅì kpàkpà cice.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.