Efɛzɛ̀n anmàn-bɔ̀ 1:6 - Ɛmɛẅi ankà ankrànkràn 2003

⁶ Bɔ̀ mrɛ́n Ɔwɔ ecice vri léyi nɛ̀n tán bɔ̀ ankora, hɩ dú n'ɛcüɛn Ẅì lɔ nɔn.

Efɛzɛ̀n anmàn-bɔ̀ 1:6 Iomraidhean Croise

Matie 17:5

Yɔ dú ankà dɔ́ mɛ̀n, ɛnvra léyi ɛnwì-gbú tɔ̀n gbrɛ́n, kɩ vá murɛn yɔ ɛwú, kɩ ɛnwì-gbú lɔ mɛ̀n esùva tɔ̀n kɛ dɔ̀ le: “Ɔwrɔn ndɔ lɔ dú m'ɛcüɛn Ẅì léyi mɛ̀n bɩ́ mɛ́n pɔ̀püɛ̀ lɔ fɛn mɛ̀n wá ɛwú nɔn. Nyɛ́n die nɛ̀n nukùɛ!”

Matie 20:9

Anwrɔn hɔ̀n léyi ye bi ɔkɔ̀hɔ́n mɛ̀n ɔwɔɛmɛ̀n wacɛ̀n ɛnrì nɔn, nvà kɩ yɛ tán ɔwrɔn zrizri dɔlà kɔ̀prɛ̀ zri.

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Zhan 10:17

Dade Ɔwɔ kɛ cüɛn mɛ̀n, ɔmuhi mɛ tán m'ɛwúvà lɔ, ô mɛ̀n sàn cɔ́ ɛwúvà wrù nɔn.

Zhan 3:35

Ɛnẅì nɛ́n zi kɛ cüɛ́n Ɛnẅì, kɩ tán nɛ̀n ɛkɔrɛ̀srɔn eci lɔ fɛn mɛ̀n.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

2 Korɛntɛ̀n anmàn-bɔ̀ 4:15

Bɔ́ ɛgbànkàn lɔ fɛn, dú nyɛ tɛn; ɔmu lɔ de Ɔwɔ boafɔ̀n kɛ cɔ́ anwrɔn bobrebe, kɩ kɛ hán tán enyri-kùɛn-tán Wɔ-sɛ̀n léyi yɛ hán Ɔwɔ-ci-zrɔ mɛ̀n nɔn, kɛ sán cüɛn.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Efɛzɛ̀n anmàn-bɔ̀ 1:12

Bɔ̀ mrɛ́n Ɔwɔ vrisì lɔ, bɔ́ léyi bɔ̀ dú ɛnvrakpà-bɔ̀, bɔ̀ bɩ́ bɔ́ esɛ́ bɔ̀ wá Krisì mɛ̀n nɔn!

Efɛzɛ̀n anmàn-bɔ̀ 1:14

Ɛnhɛ́n Prɔnprɔn ke di anvrɛn hɔ̀n léyi Ɔwɔ hɛ́n nɛ́n fɛcüè nɔn dalɛfuɛ; nɛ tán bɔ̀ esɛ́ le bɔ́ lɛ cɔ́ anvrɛn hɔ̀n lɔ ɛnvra léyi bɔ́ ebɩ̀die lɔ kɛ lɛ sɛ́n nmù nɔn. Zɛtɛn bɔ̀ mrɛ́n Ɔwɔ vrisì lɔ!

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Filipɛ̀n anmàn-bɔ̀ 4:19

M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.