Efɛzɛ̀n anmàn-bɔ̀ 1:5 - Ɛmɛẅi ankà ankrànkràn 2003

⁵ Ɔwɔ gɔ́ wá tán le nɛ lɛ srɔ bɔ̀ n'ɛẅì hɔ̀n Zhezü Krisì bɩmɛ̀n; n'ɛnhyɔ̀bɔ-nyrì lɔ mɛ̀n, nyàn eci léyi nɛ̀n ji nɔn.

Efɛzɛ̀n anmàn-bɔ̀ 1:5 Iomraidhean Croise

Matie 1:25

Nɛ̀n sɩ̀ cì yi ɛtɛ̀sɛ̀n hàn kɩ cɔ́ ɛnvra léyi Mari bî ɛncɔnwrɔn-ẅì tɔ̀n, hɩ Zhozɛfɛ̀n wá ebi Zhezü nɔn.

Matie 11:26

Hɛ̀ɛ̀, Dade, ɔmu lɔ de ndù nɔn, ɔmuhi nzrɔ tán mɛ́n le, kè dú ɔmu lɔ nɔn.

Lükɛ̀n 10:21

Ɛnvra zri lɔ mɛ̀n, Ɛnhɛ́n Prɔnprɔn hán Zhezü pɔpüɛ̀ yɩ́ ɛnbɔrɛ mɛ̀n, kɩ Zhezü kɛ dɔ̀ le: “Ô Dade, ɛẅɛnwrɔn léyi hán anhobɩ́ mán ɛnhi nɔn, mɛ tán mɛ́n ɔkùɛn, ɔmuhi ɛ̀ hán tán ɛẅì hɔ̀n cɔ́ v'ankà-bán-ankà lɔ nyrì, ankà-bán-ankà léyi, è sɩ̀ tàn ankà-nyri-bɔ̀ mán owrú-kán-bɔ̀ nɔn. Hɛ̀ɛ̀, Dade, ɔmu lɔ de e ji le kè dù nɔn.

Lükɛ̀n 11:32

Ɛmrɛ̀n-ci bì lɔ, Ninivɛ̀n anmàn-bɔ̀ kɛ lɛ nyɔn ɛnvra ndɔ lɔ mɛ̀n bɔ̀ zìwú, kɩ kɛ lɛ vra anẅìɛ tán yɔ, ɔmuhi Ninivɛ̀n-bɔ̀ crɔn ɛnkru ɛnvra léyi yɔ yá Zhonasɛ̀n Wɔ-ankà-dɔ̀ lɔ nɔn! Kɩ ɛnu lɔ, ɔwrɔn dù vrán Zhonasɛ̀n!”

Lükɛ̀n 12:32

“Ɛnjansù ke bɩ́ ẅɛn nyɛ̀n kɔ̀kɔ̀sɛ̀-kà cɛ! Ɔmuhi nyɛ́n Zi cüɛ̀n nɔn, de tán nyɛ̀n Anhobɩ́ Nɛ̀ncüì-dúyri nɔn.

Zhan 1:12

Ɔmu tɛ̀kɩ, anwrɔn janbɔ̀ shri bɩ́ nɛ̀n kɩ yɔ bú n'ankà yɔ tán ankaẅì; nɛ̀n tán yɔ ɛkɔrɛ̀-levri yɔ srɔ Ɔwɔ ẅì hɔ̀n.

Zhan 11:52

kɩ kè sɩ̀ dù ɛnhi wú anmàn ndɔ lɔ zri kruhú, tɛ́n ke ji le yɛ bɔrɛ Ɔwɔ ẅì hɔ̀n lɔ fɛ̀n léyi bonyi ɛnhibù wú nɔn ɛkru edùwrú zriemɛ̀n.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:48

Ɛnvra léyi anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn yá ankà ndɔ lɔ nɔn, yɔ dú pɔpüɛ̀ mɛ̀n kɩ yɔ mrɛ́n Ɛẅɛnwrɔn ankà-dɔ̀ lɔ. Anwrɔn lɔ fɛn léyi, yɛ wá ɛwúvà léyi ke sɩ́ trɔa ɔmùan nɔn, srɔ ankaẅì-bùtan-ẅɛn-bɔ̀.

Rɔmɛ̀n-anmàn-bɔ̀ 8:23

Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.

1 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

2 Korɛntɛ̀n anmàn-bɔ̀ 6:18

Me le dú nyɛ́n Zi tɔ̀n kɩ nye le dú m'ɛẅì hɔ̀n wúcɔ̀ mán wúyɔ̀, ɔmu lɔ de Ɛẅɛnwrɔn, ɛkɔrɛ̀-srɔn-wrɔn kɛ dɔ̀ nɔn.”

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:9

nɛ̀n hán tán bɔ̀, bɔ́ nyri n'ankɔ́nda ankà-bán-ankà, léyi n'ɛnyhɔ̀bɔ̀-nyrì lɔ mɛ̀n, nɛ́n gɔ̀ wá tán le nɛ lɛ hán Krisì bɩ́mɛ̀n nɔn.

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

Ebre-bɔ̀ 2:4

Ɛnvra zri lɔ, Ɔwɔ tán yɔ dalɛfuɛ-dì lɔ ecüì, kɩ hán eci woroanci mán anvɛmɛ̀n-frɛ́nci mɛ̀ntɛ mɛ̀ntɛ, ɔmu zri lɔ nɛ̀n dɛ́ Ɛnhɛ́n Prɔnprɔn cice lɔ, hán ɔmu le nɛ́n cüɛ̀n nɔn hɔ́.

1 Zhan 3:1

Nyɛ́n nyan ɔmu le Ɔwɔ Zi cüɛn bɔ̀ nɔn! N'ɛcüɛ̀n hán tán kɩ ye bí bɔ̀ Ɔwɔ ẅì hɔ̀n kɩ annanwɔrɛ mɛ̀n lɔ, bò dú n'ɛẅì hɔ̀n. Nyàn eci le kruhú léyi ɛnhibù kè sɩ̀ nyri bɔ̀ nɔn: ɛnhibù kè sɩ̀ nyrì Ɔwɔ.

Ɔwɔ-mɛ̀n-yrikàn 21:7

Ɔwrɔn totɔtɔ̀n léyi kɛ lɛ kɔ̀nkà nɔn, nɛ lɛ cɔ́ m'antamɛ̀n ecice ndɔ lɔ; me le dú n'Ɔwɔ, kɩ ne le dú m'ɛnẅì.