Efɛzɛ̀n anmàn-bɔ̀ 1:3 - Ɛmɛẅi ankà ankrànkràn 2003

³ Bɔ̀ mrɛ́n Ɔwɔ léyi dú bɔ́ Ɛẅɛnwrɔn Zhezü Krisì nɛ́n Zi nɔn! Nɛ̀n fú bɔ̀ ɛnshi bɔ́ mán Krisì mɛhi b'ɔbɔ̀sɔ̀ lɔ mɛ̀n, ɛnvra léyi nɛ̀n tán bɔ̀ ɛnhɛ́n mɛ̀n shifù lɔ fɛn léyi dú anhobɩ́ nɔn.

Efɛzɛ̀n anmàn-bɔ̀ 1:3 Iomraidhean Croise

Lükɛ̀n 2:28

Simeɔn ẅɛn ɛnẅì lɔ antamɛ̀n kɩ kɛ tán Ɔwɔ ɔkùɛn, kɩ nɛ dɔ̀ le:

Zhan 14:20

Ɛnvra léyi ɛnbì ndɔ lɔ kɛ lɛ cɔ̀ nɔn, nye le nyri ɔmu le mɛ̀n dú Dade mɛ̀n, kɩ nyɛ́n dú mɛ̀n ɛmɛ̀n, kɩ mɛ̀n dú nyɛ̀n ɛmɛ̀n.”

Zhan 17:21

Mɛ sɛ̀n, ô yɔ lɔ fɛn yɔ dú nzri. Dade, yɔ cɔ́ bɔ̀ mɛhi bɔ̀ bɔ̀sɔ̀, kɛ hán ɔmu le è dú mɛ̀n ɛmɛ̀n, kɩ mɛ̀n mán mɛ̀n dú mɛ́n ɛmɛ̀n nɔn hɔ́. Yɔ dú eci zri, ô ɛnhibù kè bùtan le vɛ́n de ɛ̀ wá mɛ̀n ɔkɔhɔ̀n nɔn.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Rɔmɛ̀n-anmàn-bɔ̀ 12:5

Ɔmu zri léyi bɔ̀ cüɛ́n nɔn, bɔ̀ ẅɛn edùwrú zri, bɔ mán Krisì mɛhi b'ɔbɔ̀sɔ̀ lɔ mɛ̀n, kɩ bɔ̀ dú ɔbɔ̀sɔmɛ̀n hán edùwrú ẅia léyi grɔ anmɛ̀ntɛ mɛ̀ntɛ nɔn hɔ́!

Rɔmɛ̀n-anmàn-bɔ̀ 15:6

Zɛtɛn, nyɛ lɛ fɛn lɔ, esùva zriemɛ̀n, nyɛ lɛ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ̀n Zi.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 12:12

Annànwɔrɛ mɛ̀n lɔ, Krisì dú cá edùwrú tɔ̀n léyi ẅɛn ɛyri bobrebe nɔn. N'ɛyri bobrebe hɔ̀n lɔ, dú edùwrú zri kɩ.

2 Korɛntɛ̀n anmàn-bɔ̀ 1:3

Bɔ̀ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ́n Zi, ɔwrɔn nɛ́n Zi léyi di ɛnnɛ̀ncüì ɛzrɔ mɛ̀n nɔn, Ɔwɔ léyi kɛ tán ɛnbɔrɛ-bi-wá eci lɔ fɛn mɛ̀n nɔn!

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

2 Korɛntɛ̀n anmàn-bɔ̀ 5:21

Krisì dú prɔnprɔn mɛ̀n, tɛ́n Ɔwɔ bɩ́ bɔ́ ɛgbàn hɔ̀n lɔ worɔ nɛ̀n, ô n'ɛmɛ̀n lɔ, bɔ̀ cɔ́ ɛwúvà-kɔrɛ̀ léyi Ɔwɔ tán n'ɔkɔ̀hɔ̀n lɔ mɛ̀n nɔn.

Galasi anmàn-bɔ̀ 3:9

Abrahamɛ̀n bú tán ankaẅì kɩ ye fú nɛ̀n ɛnshi; ɔmu lɔ de, anwrɔn hɔ̀n lɔ fɛn léyi ke bú tán ankaẅì nɔn, cɔ́ ɛnshi-fù hán nɛ́n hɔ́.

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Efɛzɛ̀n anmàn-bɔ̀ 1:17

kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Efɛzɛ̀n anmàn-bɔ̀ 1:20

Ɛnvra léyi nɛ̀n bɩ́ Krisì owú-bɔ̀ mɛ̀n nɛ̀n sɩ́ ɔkɔrɛ-bɔ̀ mɛ̀n kɩ nɛ̀n hán yi yɛ́ nɛ̀n ezì-kɔrɛ̀a anhobɩ́ anmàn nɔn.

Efɛzɛ̀n anmàn-bɔ̀ 2:6

Bɔ́ mán Krisì mɛhi b'ɔbɔ̀sɔ̀ lɔ mɛ̀n, Ɔwɔ hán nɛ́n mán bɔ́ mɛhi bɔ̀ vá ɔkɔrɛ-bɔ̀ mɛ̀n, ô nɛ́n mán bɔ́ mɛhi bɔ̀ ẅɛn ɛyri anhobɩ́ anmàn.

Efɛzɛ̀n anmàn-bɔ̀ 3:10

ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Filipɛ̀n anmàn-bɔ̀ 2:11

ô yɔ lɔ fɛn yɔ dɔ́ Ɔwɔ Zi ci-zrɔ lɔ mɛ̀n le: “Zhezü dú Ɛẅɛnwrɔn!”

Ebre-bɔ̀ 8:5

Ɔkɔ̀hɔ̀n léyi ecice-bɔ̀ ndɔ hɔ̀n lɔ kɛ hán nɔn, ndù cá pícɛ̀ tɔ̀n, anhobɩ́ annanwɔrɛ ci-hán lɔ n'ɔwɔ̀n. Ndɔ lɔ ndù hán Mohizì ci-hán lɔ: ɛnvra léyi ne le ku ɛcàsa-wɔn prɔnprɔn lɔ nɔn, Ɔwɔ wá eci-hán tán nɛ̀n: “Ɛ wá esùva, ô v'ɔkɔ̀hɔ̀n lɔ kè dù kɛ̀ hán ndɔ léyi mɛ̀n yé mɛ́n ɛnkpò wú nɔn hɔ́.”

Ebre-bɔ̀ 9:23

Anhobɩ́ picɛ̀ annanwɔrɛ ndɔ hɔ̀n lɔ, ɔmu lɔ de ke ji le ye fi yɔ edòmɛ̀n nɔn. Tɛ́n anhobɩ́ annànwɔrɛ-ci hɔ̀n lɔ mán ke ji ecice ci-hán anvrɛnvrɛn.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,