Efɛzɛ̀n anmàn-bɔ̀ 1:22 - Ɛmɛẅi ankà ankrànkràn 2003

²² Ɔwɔ hɛ́n eci lɔ fɛn Krisì nán krùgbɛ̀n kɩ bɩ́ nɛ̀n tán Ɔwɔ-fɛcüe-bɔ̀ ô nɛ̀n dú y'ɛfra-wrɔn cüìcüì.

Efɛzɛ̀n anmàn-bɔ̀ 1:22 Iomraidhean Croise

Matie 16:18

Kɩ mɛ̀n, mɛ dɔ́ mɛ́n annànwɔrɛ mɛ̀n le, è dú obù kɩ obù, ndɔ lɔ wú, me le ku mɛ́n fɛcüè wɔn lɔ. Owù dùku mán kè sɩ̀ ẅɛ̀n ɛkɔrɛ̀srɔn n'ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

1 Korɛntɛ̀n anmàn-bɔ̀ 11:3

Tɛ́n, me ji le nyɛ́n nyri ankà ndɔ lɔ: Krisì dú Ɔwrɔn totɔtɔ̀n lɔ fɛn n'ɛfra-wrɔn, ɛnnyɔnwrɔn-nɛ́n-cüì dú ɛnnyɔnwrɔn fra-wrɔn, kɩ Ɔwɔ dú Krisì fra-wrɔn.

Efɛzɛ̀n anmàn-bɔ̀ 3:21

eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.

Efɛzɛ̀n anmàn-bɔ̀ 5:23

Ɔmuhi ɛncɔnwrɔn dú nɛ́n hi fra-wrɔn, hán ɔmu le Krisì dú Ɔwɔ-fɛcüe-bɔ̀ fra-wrɔn hɔ́ nɔn. Krisì dú annanwɔrɛ mɛ̀n lɔ, Ɔwɔ-fɛcüè léyi dú n'edùwrú nɔn, n'ebɩ̀die-wrɔn.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

Kɔlɔsèn anmàn-bɔ̀ 1:8

Nɛ̀n hán tán bɔ̀, bɔ̀ nyri ɛcüɛ̀n léyi Ɛnhɛ́n Prɔnprɔn tán nyɛ̀n nɔn.

Kɔlɔsèn anmàn-bɔ̀ 2:10

kɩ n'ɛmɛ̀n de nyɛ́n cɔ́ eci lɔ fɛn kokroho nɔn, nɛ́n léyi nɛ́n kà shɛ́n ɛkɔrɛ̀-levri lɔ fɛn mán ɛnhɛ́n kɔrɛ̀-srɔn lɔ fɛn wú nɔn.

Kɔlɔsèn anmàn-bɔ̀ 2:19

yɔ sɩ́ cɔ́ Krisì mɛhi yɔ yɛ́a, nɛ́n léyi nɛ̀n dú ɛnkru nɔn. Kɩ ndɔ lɔ mán Krisì kɔrɛ̀levriemɛ̀n de antà-dùwrú mumù lɔ fɛn kɛ cɔ́ ɛci-zî, kɩ ke dú ɔbɔ̀sɔ mɛ̀n nɛ́n mán esruyri hɔ̀n léyi dú anẅia mɛ̀n nɔn, kɩ nɛ sɔ́ kɛ hán ɔmu le Ɔwɔ ke ji nɔn.

Kpàkpà timote 3:15

Tɛ́n, ke dú kɛ m'ɛvà lɔ kɛ mɔ̀ɛn hô, ɛwrú-ẅì ndɔ hɔ̀n lɔ ke le yé mɛ́n esù léyi ke ji le ɛ̀ nán Ɔwɔ mɛ̀n lɔ mɛ̀n nɔn, hɩ mɛ̀n kɛ dɔ̀ le Wɔ Fɛcüè kɔrɛkɔrɛ léyi dú ɔwɔn-hi-nan-bù, hɩ kɛ ẅɛn ankaẅì annanwɔrɛ hɛ́n nɔn.

Ebre-bɔ̀ 2:8

è cüe nɛ̀n eci lɔ fɛn annantrɛ̀ mɛ̀n hán.” Ke dú kɛ Ɔwɔ bɩ́ eci lɔ fɛn wá ɔwrɔnẅì kɔrɛ̀levri wú, ndɔ lɔ n'ɛmɛ̀n kɛ dɔ̀ le, nɛ̀n sɩ̀ tezè eci ẅì zriɛmɛ́n léyi ke sɩ̀ dú ɔwrɔnẅì kɔrɛ̀levri wú nɔn. Ɔmu tɛ̀kɩ, bɔ́ sɩ́ kán ɔmu le zɛtɛ̀ lɔ eci lɔ fɛn ke dú ɔwrɔnẅì kɔrɛ̀levri wú nɔn.