Efɛzɛ̀n anmàn-bɔ̀ 1:21 - Ɛmɛẅi ankà ankrànkràn 2003

²¹ Anhobɩ́ anmàn lɔ, Krisì dú ɛkɔrɛ̀-levri lɔ fɛn wú, ecüì lɔ fɛn wú, ɛkɔrɛ̀-srɔn lɔ fɛn wú, ɛyri-ẅɛ̀n lɔ fɛn wú mán ɛkɔrɛ̀-wú-ci lɔ fɛn léyi yɛ lɛ cɔ́ ɛnhi ndɔ lɔ wú mán hɩ le yɛ lɛ cɔ́ ɛnhi anmàn léyi dú ezì kɛ và nɔn wú.

Efɛzɛ̀n anmàn-bɔ̀ 1:21 Iomraidhean Croise

Matie 12:32

Ɔwrɔn léyi kɛ dɔ́ ankà gbàngbàn tɔ̀n ku ɔwrɔnẅì Ẅì wú nɔn, nɛ lɛ cɔ́ ɛgbàn-bɩ-ce, tɛ́n ɔwrɔn léyi kɛ dɔ́ ankà gbàngbàn ku Ɛnhɛ́n Prɔnprɔn ɛwú nɔn, nɛ́n sɩ̀ cɔ́ ɛgbàn-bɩ-ce ɛnvra ndɔ lɔ mɛ̀n mán ɛnvra léyi dú ezì kɛ và nɔn mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 3:10

ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Kɔlɔsèn anmàn-bɔ̀ 2:10

kɩ n'ɛmɛ̀n de nyɛ́n cɔ́ eci lɔ fɛn kokroho nɔn, nɛ́n léyi nɛ́n kà shɛ́n ɛkɔrɛ̀-levri lɔ fɛn mán ɛnhɛ́n kɔrɛ̀-srɔn lɔ fɛn wú nɔn.

Kɔlɔsèn anmàn-bɔ̀ 2:15

Ɔmu lɔ de Ɔwɔ mrɛ́n ɛnhɛ́nmɛ̀n-kɔrɛ̀-levri-bɔ̀ mán ɛkɔrɛ̀-srɔn-bɔ̀ anhà-kɔ́n-ci edomɛ̀n sɔhɔ́; nɛ̀n bɩ́ yɔ nɛ̀n yé anwrɔn lɔ fɛn kɩ nɛ̀n srɔ yɔ anwɔn-mɛ̀n-wá-bɔ̀ kɩ yɔ dú n'Ɛnẅì ci-zrɔ sùnàn lɔ ɛmɛẅi.

Ebre-bɔ̀ 1:4

Ɛnẅì lɔ sevri ká Ɔwɔ kuyüre bɔ̀ kɩ Ɔwɔ tán nɛ̀n ebi tɔ̀n léyi sevri vrán yɔ tɛ́n lɔ nɔn.

Ebre-bɔ̀ 2:5

Annanwɔrɛ mɛ̀n lɔ, kè sɩ̀ dù Ɔwɔ kùyüre-bɔ̀ tamɛ̀n de Ɔwɔ kɛ̀ wà ɛnhibù wrù léyi kɛ lɛ và, hɩ bɔ́ dɔ́ n'ankà nɔn.

Ebre-bɔ̀ 4:14

Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.