Efɛzɛ̀n anmàn-bɔ̀ 1:18 - Ɛmɛẅi ankà ankrànkràn 2003

¹⁸ Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 1:18 Iomraidhean Croise

Matie 13:15

Ɔmuhi fɛcüè ndɔ lɔ ankà ke sɩ́ ku edù; yɔ sɛ́n yɔ nukù hɔ̀n lɔ, yɔ nyi y'anvɛ̀ hɔ̀n lɔ, ô y'anvɛ̀ hɔ̀n lɔ ke bɩ́ kán, yɔ nukù ke bɩ́ yá, ô yɔ bɩ́ cɔ́ ankà yɔ nyriɛn kɩ ɔmu lɔ, yɔ sɩ̀ ji mɛ̀n yɔ và ô mɛ̀n kɔrɛ yɔ, ɔmu de Ɔwɔ kɛ dɔ̀ nɔn.’

Markɛ̀n 10:17

Ɛnvra léyi Zhezü bru ɛnlevri kɛ hɔ̀n nɔn, ɔwrɔn tɔ̀n srɛ́ hɔ́n shɛ́n nɛ̀n ezìwú annankruemɛ̀n kɩ ke yrɛ nɛ̀n le: “Ankà-yé-wrɔn anvrɛnvrɛn, eci tán de ke ji le mɛ̀n hán ô mɛ̀n cɔ́ ɛwúvà léyi ke sɩ́ trɔ nɛ́n?”

Lükɛ̀n 24:45

Zɛtɛn nɛ̀n vuru yɔ ɛnkruemɛ̀n, ô yɔ yá Ɛwrú Prɔnprɔn mɛ̀n ankà,

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 11:29

Ɔmuhi Ɔwɔ ke sɩ́ vru bɩ́ eci léyi nɛ̀n tán, kɩ nɛ́n sɩ̀ crɔn n'ankà-tro anwrɔn hɔ̀n léyi nɛ́n bi nɔn y'ɛwú.

Rɔmɛ̀n-anmàn-bɔ̀ 2:4

Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n?

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Galasi anmàn-bɔ̀ 5:5

Bɔ tɛn tɛ́n, bɔ̀ ẅɛn esɛ́ Ɔwɔ mɛ̀n, nɛ́n léyi nɛ lɛ srɔ bɔ̀ ɛnyrɔnnan-bɔ̀ n'ezìwú nɔn; ndɔ lɔ de bɔ́ vrá Ɛnhɛ́n Prɔnprɔn kɔrɛ̀-srɔn mɛ̀n, nɛ́n léyi nɛ tán bɔ̀ ankaẅì-bùtan nɔn.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 2:12

Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 4:4

Edùwrú-ẅia zri mán Ɛnhɛ́n Prɔnprɔn zri kɩ ndù, ɔmu zri lɔ de esɛ́ léyi Ɔwɔ bi nyɛ̀n n'ɛmɛ̀n nɔn, nɛ́n zri kɩ nɛ́n dù.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Filipɛ̀n anmàn-bɔ̀ 3:14

Ɔmu lɔ de, mɛ srɛ́ hɔ́n ɛsànnyɔn-yri, ô mɛ̀n cɔ́ ɔwɔɛ̀n-dì léyi Zhezü Krisì bɩmɛ̀n, Ɔwɔ bi bɔ̀, bɔ̀ và cɔ́ anhobɩ́ nɔn.

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 1:5

Ɛnvra léyi annanwɔrɛ Mɛẅi ankà Ankrankran lɔ vá cɔ́ nyɛ̀n kpàkpà bì lɔ nɔn, nyɛ́n cɔ̀ nyɛ́n nyri eci léyi Ɔwɔ wá hɛ́n nyɛ̀n anhobɩ́ nɔn: ny'ankaẅì-bùtan mán ny'ɛcüɛn-bɔrɛ dú esɛ́ ndɔ lɔ mɛ̀n srɔ.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kɔlɔsèn anmàn-bɔ̀ 3:15

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Tesalonikɛ̀n anmàn-bɔ̀ 5:8

Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro.

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Kpàkpà timote 6:12

Ɛ̀ kɔ́n ankaẅìbùtan ankrànkràn jì; è bɩ́ ɛwúvà léyi ke sɩ́ trɔa nɔn, ɔmuhi Ɔwɔ bi mɛ́n ô è nyri ɛwúvà ndɔ lɔ ɛnvra léyi ɛ̀ dɔ́ v'ankaẅìbùtan ẅɛn ankà dalɛfuɛ-di-bɔ̀ bobrebe zìwú nɔn.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Titɛ̀n 3:7

ɔmu lɔ de nɛ́n nboafɔ̀n kɛ srɔ bɔ̀ ɛnyrɔnnan-bɔ̀ n'ezìwú, ô kɛ̀ hán bɔ̀ bɔ́ cɔ́ ɛwúvà léyi ke sɩ́ trɔa hɩ bɔ̀ ẅɛn esɛ́ n'ɛwú nɔn.

Ebre-bɔ̀ 10:32

Kè bru nyɛ̀n ɛci hɔ̀n léyi nyɛ́n gɔ̀ kán ny'ɛwúvà lɔ mɛ̀n nɔn. Ɛnvra ndɔ hɔ̀n lɔ mɛ̀n, ɛnvra léyi nyɛ́n cɔ́ Ɔwɔ yrikàn nɔn, nyɛ́n kán ɛgbàn bobrebe, nyɛ́n kɔ́n anhà shishi.

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Piɛrɛ̀n 3:9

Nyɛ́n bɩ́ bɩ́ ɛgbàn nyɛ́n di ɛgbàn wɔ̀ɛn, kɩ ɔwora mán nyɛ́n bɩ́ bɩ́ nyɛ́n dí ɔwɔra wɔ̀ɛn. Tɛ́n nyɛ́n dɔ́ ɛnshifù ankà nyɛ́n tán, ɔmuhi ɛnshifù ankà tɔ̀n de Ɔwɔ wá ɔmùan kɛ̀ tán nyɛ̀n ɛnvra léyi nɛ̀n bi nyɛ̀n nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.