Efɛzɛ̀n anmàn-bɔ̀ 1:17 - Ɛmɛẅi ankà ankrànkràn 2003

¹⁷ kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Efɛzɛ̀n anmàn-bɔ̀ 1:17 Iomraidhean Croise

Matie 11:25

Hɩ vra lɔ, Zhezü kɛ dɔ̀ le: “Ô Dade, anhobɩ́ mán ɛnhibù Ẅɛnwrɔn, mɛ tán mɛ́n ɔkùɛn ɔmuhi eci léyi ɛ̀ bán ankà-nyri-bɔ̀ mán ɛnkruemɛ̀n-ẅɛn-bɔ̀ nɔn, e bɩ è yé ɛẅì hɔ̀n.

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 16:17

Zɛtɛn Zhezü kɛ dɔ́ nɛ̀n le: “È dú ɛnbɔrɛbruemɛ̀n, Simɔn, Zhan ẅì, ɔmuhi kè sɩ̀ dù ɔwrɔnẅì de kɛ̀ wà mɛ́n ankà annànwɔrɛ ndɔ lɔ anmùan mɛ̀n nɔn, tɛ́n Dade léyi dú ɛwú nɔn.

Matie 20:33

Yɔ mrɛ́n nɛ̀n ɔmùan le: “Ankà-yé-wrɔn, ɛ̀ hán anvɛ̀ kɛ̀ kán bɔ̀ ɛyri.”

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Lükɛ̀n 12:12

ɔmuhi Ɛnhɛ́n Prɔnprɔn ke le yé nyɛ̀n, ɛnvra zri lɔ, ankà léyi ke ji le nyɛ́n dɔ̀ nɔn.”

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Zhan 14:17

Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 6:10

Tɛ́n yɔ sɩ́ kɛ́n nɛ̀n ezì rɔa, ɔmuhi nɛ dɔ́ ankà ankà-nyriemɛ̀n Ɛnhɛ́n Prɔnprɔn cüiemɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:2

Etiɛnɛ̀n mrɛ́n ɔmùan le: “Dade hɔ̀n mán nmàn-ẅì hɔ̀n, nyɛ́n die mɛ̀n nukùɛ. Eci-zrɔ Wɔ bɩ́ n'edomɛ̀n yé bɔ́ nancüì Abrahamɛ̀n, ɛnvra léyi nɛ̀n dú Mezopotami ɛnhi wú, hɩ nɛ vá hɔ̀n nɛ̀n yɛ́ Haran hi-wú nɔn,

Rɔmɛ̀n-anmàn-bɔ̀ 1:28

Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

Rɔmɛ̀n-anmàn-bɔ̀ 15:6

Zɛtɛn, nyɛ lɛ fɛn lɔ, esùva zriemɛ̀n, nyɛ lɛ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ̀n Zi.

1 Korɛntɛ̀n anmàn-bɔ̀ 12:8

Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.

1 Korɛntɛ̀n anmàn-bɔ̀ 14:6

Ɔmu lɔ, anwrɔn-nɛ́n-muan-ẅì hɔ̀n, me yrɛ nyɛ̀n le: ɛnvra léyi mɛ lɛ vá nyɛ̀n ɛmɛ̀n nɔn, ke dú kɛ mɛ dɔ́ nyɛ̀n ankà ɛnbrɛ̀ nyàntɛn hɔ̀n mɛ̀n, ecitan mɛ̀n de mɛ lɛ ẅɛn vɔ̀nshɛ́ nye yri nɛ́n? Eci zriɛmɛ́n mán mɛ̀n, tɛ́n ke dú kɛ mɛ dɔ́ nyɛ̀n ankà-bán-ankà tɔ̀n, me yé nyɛ̀n eci-nyrì tɔ̀n, mɛ dɔ́ nyɛ̀n Ɔwɔ mɛẅi ankà tɔ̀n, kɩ me vru me yé ankà tɔ̀n.

1 Korɛntɛ̀n anmàn-bɔ̀ 2:10

Tɛ́n, bɔ́ de Ɔwɔ yé bɔ̀ ankà-bán-ankà ndɔ lɔ Ɛnhɛ́n Prɔnprɔn cüìemɛ̀n nɔn. Annanwɔrɛ mɛ̀n lɔ, Ɛnhɛ́n Prɔnprɔn ẅɛn ɛkɔrɛ̀-levri kɛ lɛ crɛ́n Ɔwɔ mùan-wá-ci hɔ̀n lɔ mɛ̀n, annannan le yɔ hɔ̀n léyi zeze dú ɛbán vriemɛ̀n nɔn.

1 Korɛntɛ̀n anmàn-bɔ̀ 2:8

Ɛnhibù ndɔ lɔ n'ɛkɔrɛ̀-srɔn hɔ̀n lɔ nzriɛmɛ́n kɛ vá nyri ankà-nyrì ndɔ lɔ. Kè dú kɛ́ yɔ nyri nɛ̀n hô, yɔ sɩ̀ gɔ́n eci-zrɔ nɛ́n zi léyi dú Ɛẅɛnwrɔn nɔn yɛ brɛ́ ɛgbàn-hán-tɛ̀ domɛ̀n.

2 Korɛntɛ̀n anmàn-bɔ̀ 12:1

Ke ji le mɛ̀n gbú ɔmùan, kɩ mɛ̀n nyri ɔmu le ndɔ lɔ kè sɩ̀ zrɔ̀a. Tɛ́n mɛ lɛ dɔ́ zɛtɛ̀ lɔ Ɔwɔ-mɛ̀n-yri-kàn mán ankà-bán-ankà-yé léyi mɛ̀n cɔ́ Ɔwɔ yri nɔn, n'ankà.

Efɛzɛ̀n anmàn-bɔ̀ 1:3

Bɔ̀ mrɛ́n Ɔwɔ léyi dú bɔ́ Ɛẅɛnwrɔn Zhezü Krisì nɛ́n Zi nɔn! Nɛ̀n fú bɔ̀ ɛnshi bɔ́ mán Krisì mɛhi b'ɔbɔ̀sɔ̀ lɔ mɛ̀n, ɛnvra léyi nɛ̀n tán bɔ̀ ɛnhɛ́n mɛ̀n shifù lɔ fɛn léyi dú anhobɩ́ nɔn.

Efɛzɛ̀n anmàn-bɔ̀ 3:5

Ɛnbiɛhɛ́n vra lɔ, ankà-bán-ankà ndɔ lɔ kè sɩ̀ hàn tán anwrɔnẅì kè nyriɛn, tɛ́n zɛtɛ̀ lɔ, Ɔwɔ hán tán n'ɔkɔ̀hɔ̀n-wá-bɔ̀ prɔnprɔn hɔ̀n mán n'ɔmùanwú-ankà-dɔ́-bɔ̀ ncɔ́ nyri n'Ɛnhɛ́n cüìemɛ̀n.

Efɛzɛ̀n anmàn-bɔ̀ 4:13

Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Filipɛ̀n anmàn-bɔ̀ 3:15

Bɔ́ lɛ fɛn lɔ bɔ̀ srɔ ɛcüìcüì Ɛnhɛ́n mɛ̀n, ke ji le ankà-tro ndɔ lɔ kè dú bɔ́ tɛn. Tɛ́n, ke dú kɛ nyɛ́n ẅɛn ankà-tro nyàntɛn, Ɔwɔ kɛ lɛ tán nyɛ̀n ɛyri-kàn hɩ wú.

Anhyrɛmɛ̀n timote 2:25

ke ji le nɛ̀n yé n'ezì-kɛ́n-bɔ̀ ankà anwɔwɔ mɛ̀n: me bú tán le, Ɔwɔ kɛ lɛ tán yɔ ɛnkru-sàn-crɔn, ô yɔ nyri ankà annanwɔrɛ.

Titɛ̀n 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn. Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú,

Zhakɛ̀n 2:1

Anwrɔn-nɛ́n-muan-ẅì hɔ̀n, nyɛ́n léyi ny'ɛwúvà dú ankaẅì-bùtan mɛ̀n, Ɛẅɛnwrɔn Zhezü Krisì ci-zrɔ mɛ̀n nɔn, ke sɩ́ ji le ɛnvra zri lɔ mɛ̀n ny'eci-hán-ci kɛ̀ vɛ́n anwrɔnwrɔn tɛ̀sɛ̀n.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 7:12

kɩ yɔ dɔ̀ le: “Kè dú ɔmu lɔ! Hɛ̀ɛ̀, ɛmrɛ́n, ecizrɔ, ankà-nyrì, ɛnyri-kùɛn-tán, evrisì, ɛkɔrɛ̀srɔn mán ecüì dú b'Ɔwɔ tɛn ɛnvra lɔ fɛn! Kè dú ɔmu lɔ.”