Efɛzɛ̀n anmàn-bɔ̀ 1:13 - Ɛmɛẅi ankà ankrànkràn 2003

¹³ Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 1:13 Iomraidhean Croise

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Lükɛ̀n 24:49

Kɩ mɛ́n dùku me le yüre nyɛ̀n eci léyi Dade wá ɔmùan nɔn. Tɛ́n ke ji le nyɛ́n yɛ́ anmàn, hàn kɩ kɛ cɔ́ ɛnvra léyi anhobɩ́ kɔrɛ̀srɔn lɔ kɛ lɛ kàkɛ nyɛ̀n ɛwú nɔn.”

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 15:26

“Ɔwrɔn léyi kɛ lɛ wá nyɛ̀n ɛkɔrɛ̀ nɔn kɛ lɛ và: nɛ́n de nɛ̀n dú annanwɔrɛ Hɛ́n léyi dú Dade yri kɛ và nɔn. Me le yüre nyɛ̀n nɛ́n, Dade bɩmɛ̀n, kɩ ne le di mɛ̀n dalɛfuɛ.

Zhan 3:33

Ɔwrɔn léyi ke shri nɛ́n dalɛfuɛ-dì lɔ nɔn, ke yé tán le Ɔwɔ kɛ dɔ́ ankà annanwɔrɛ.

Zhan 6:27

Nyɛ́n bɩ́ hán ɛci-zî léyi kɛ jrɛ́ nɔn, n'ɔkɔhɔ̀n, tɛ́n nyɛ́n ji ɛci-zî léyi dú ɛnvra lɔ fɛn, hɩ kɛ tán ɛwúvà léyi ke sɩ́ trɔa nɔn. Ɛci-zî ndɔ lɔ, ɔwrɔnẅì Ẅì kɛ lɛ tán nyɛ̀n nɛ́n, ɔmuhi Ɔwɔ Zi di nɛ̀n n'ɛkorɛ̀srɔn nrɛ̀n edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:4

Ɛnbì tɔ̀n léyi nɛ́n mán yɔ mɛhi yɔ zî ɛci nɔn, nɛ̀n wá tán yɔ le: “Nyɛ́n bɩ́ cɔhɔ́ Zherüzalɛmɛ̀n anmàn, tɛ́n nyɛ́n vrá eci léyi Dade wá ɔmùan nɔn, ecice-ci léyi mɛ̀n dɔ́ nyɛ̀n yi ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:33

Ye sɩ́ nɛ̀n ɛwú, nɛ̀n yɛ́ Ɔwɔ zì-kɔrɛ̀ kɔrɛ̀a, kɩ nɛ̀n cɔ́ Ɔwɔ tamɛ̀n Ɛnhɛ́n Prɔnprɔn léyi yɛ wá ɔmùan nɔn; nɛ́n bonyi Ɛnhɛ́n Prɔnprɔn ndɔ lɔ bɔ́ ɛwú, kɩ hɩ de dú eci léyi nyɛ kàn kɩ nyɛ yá zɛtɛ̀ lɔ nɔn.

Rɔmɛ̀n-anmàn-bɔ̀ 1:16

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 4:11

Ɛnvra sheshe vacì yakɛ ye wí Abrahamɛ̀n wúcɔ̀-domɛ̀n dú eci-woroan-ci tɔ̀n: ndɔ lɔ dú eci-woroan-ci léyi ke yé le Ɔwɔ srɔ Abrahamɛ̀n ɛnyrɔnnan-wrɔn ankaẅì-bùtan léyi nɛ̀n ẅɛ̀n nɔn kruhú, tɛ́n hɩ vra lɔ mɛ̀n, yɛ vá wí nɛ̀n wúcɔ̀-domɛ̀n. Ɔmu lɔ de Abrahamɛ̀n srɔ anwrɔnẅì lɔ fɛn léyi ke bú Ɔwɔ ankà kɛ tán ankaẅì, hɩ yɛ vá wí wúcɔ̀-domɛ̀n nɔn, yɔ zi, kɩ Ɔwɔ ke bɩ́ yɔ mán kɛ hán ɛnyrɔnnan-bɔ̀.

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

2 Korɛntɛ̀n anmàn-bɔ̀ 1:22

nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

Galasi anmàn-bɔ̀ 3:14

Ɔmu lɔ de ɛnshi-fù léyi yɛ wá Abrahamɛ̀n ɔmùan nɔn, yɛ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán, Zhezü Krisì kɔrɛ̀-levri mɛ̀n, ɛnshi-fù ndɔ lɔ de bɔ́ lɔ fɛn bɔ́ cɔ́ ankaẅì-bùtan mɛ̀n, Ɛnhɛ́n léyi Ɔwɔ wá ɔmùan nɔn n'ɛmɛ̀n.

Efɛzɛ̀n anmàn-bɔ̀ 4:21

Annanwɔrɛ mɛ̀n lɔ, nyɛ́n yá ankà lɔ fɛn léyi dú Krisì tɛn nɔn, kɩ ɔmuhi, nyɛ́n dú Krisì-sɛ̀nkɛn-bɔ̀ nɔn, ye yé nyɛ̀n annanwɔrɛ ankà léyi dú Zhezü mɛ̀n nɔn.

Efɛzɛ̀n anmàn-bɔ̀ 4:30

Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

Anhyrɛmɛ̀n timote 2:15

Ɛ̀ hán kèkrèmɛ̀n Ɔwɔ zìwú lɔ, yɛ mrɛ́n mɛ́n kɛ̀ hán ɔkɔ̀hɔ̀n-hán-wrɔn tɔ̀n léyi n'ɔkɔ̀hɔ̀n-hán ke sɩ́ tán anvɛvrà kɩ kɛ dɔ́ annànwɔrɛ mɛẅi ankà lɔ anvrɛnvrɛn mɛ̀n.

Anhyrɛmɛ̀n timote 2:19

Ɔmu tɛ̀kɩ ɛbù-hi-nan hɔ̀n léyi Ɔwɔ wá ɛnhibɩ́ nɔn dú edùsɔ mɛ̀n. Nyàn ankà-dɔ̀ hɔ̀n léyi ye merɛ́n yɛ wá yɔ ɛwú nɔn: “Ɛẅɛnwrɔn nyri nɛ́n fɛcüè hɔ̀n”, kɩ: “Ɔwrɔn totɔtɔ̀n léyi kɛ dɔ̀ le nɛ́n dú Ɛẅɛnwrɔn tɛn nɔn, ke ji le nɛ̀n crɛ ejüi nɛ̀n sɔ́n ɛgbàn.”

Anhyrɛmɛ̀n timote 3:15

Annanwɔrɛ mɛ̀n lɔ, v'ɛcɛmɛ̀n hàn hɛ́n, è nyri Ɛwrú Prɔnprɔn hɔ̀n lɔ; Ɛwrú Prɔnprɔn hɔ̀n lɔ kɛ lɛ tán mɛ́n ankànyrì tɛ̀, ankànyrì léyi ke sɩ́ ɛnkrukɔrɛ̀ mɛ̀n, ankaẅìbùtan ẅɛn mɛ̀n, Zhezü Krisì bɩmɛ̀n mɛ̀n nɔn.

Titɛ̀n 2:11

Ɔmuhi Ɔwɔ yé nɛ́n nboafɔ̀n léyi dú ɛnkrukɔrɛ shi-bɛ́ tán anwrɔnẅì lɔ fɛn nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Zhakɛ̀n 1:18

N'ɛnbɔrɛ ankrankran mɛ̀n, nɛ̀n tán bɔ̀ ɛwúvà-kɔrɛ̀, nɛ́n annanwɔrɛ ankà-dɔ́ mɛ̀n, ô bɔ̀ dú ɛnvrakpà-bɔ̀ n'ɛci lɔ fɛn léyi nɛ̀n hán nɔn mɛ̀n.

Zhakɛ̀n 1:21

Hɩ le kruhú de ke ji le, nyɛ́n kɔ́n ɛci hɔ̀n lɔ fɛn léyi kɛ wá ɛnbrá edomɛ̀n, hɩ kɛ tán eci-gbàngbàn-hán nɔn, nyɛ́n cüe. Nyɛ́n shrì nyɛ́n sɩ́ ny'edomɛ̀n ɛnhi, ô nyɛ́n bɩ́ Ɔwɔ ankà léyi tɛ́ ny'ɛnbɔrɛ lɔ mɛ̀n nɔn, ɔmuhi ne le bɩ́ nyɛ̀n nɛ̀n die tɛ̀ nɔn.

1 Piɛrɛ̀n 2:10

Ɛnbiɛhɛ́n vra lɔ nyɛ́n sɩ̀ dù Ɔwɔ fɛcüè-bɔ̀ tɛ́n, tɛ́n zɛtɛ̀ lɔ nyɛ́n dú nɛ́n fɛcüè; ɛnbiɛhɛ́n vra lɔ nyɛ́n sɩ̀ cɔ̀ Ɔwɔ-yɔ̀bɔ̀-nyrì, tɛ́n zɛtɛ̀ lɔ nyɛ́n cɔ́ Ɔwɔ-yɔ̀bɔ̀-nyrì.

Ɔwɔ-mɛ̀n-yrikàn 7:2

Kɩ mɛ̀n kán Ɔwɔ-kùyüre-wrɔn nyantɛn tɔ̀n kɛ nán esù hɔ́n ɛmɛẅiemɛ̀n, kɩ Ɔwɔ kɔrɛkɔrɛ lɔ n'eci-tɔ́n-ci dú nɛ̀n antamɛ̀n. Ne di bobo ecüemɛ̀n tán Ɔwɔ-kùyüre-bɔ̀ anzɔ̀ léyi cɔ́ ɛkɔrɛ̀srɔn kɛ̀ jrɛ́ ɛnhi mán ecüe nɔn le: