Efɛzɛ̀n anmàn-bɔ̀ 1:10 - Ɛmɛẅi ankà ankrànkràn 2003

¹⁰ Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Efɛzɛ̀n anmàn-bɔ̀ 1:10 Iomraidhean Croise

Matie 25:32

Ɛnhibù fɛcüè hɔ̀n lɔ fɛn kɛ lɛ borɛkru n'ezìwú kɩ nɛ lɛ kua anwrɔn, hán ɔmu le annɔ̀n-kua-bɔ̀ kɛ kua kɔ̀kɔ̀sɛ̀ mán ɛbùrì;

Markɛ̀n 1:15

Zhezü kɛ dɔ̀ le: “Ɛnvra léyi yɛ wá nɔn ncɔa, ɔmuhi Anhobɩ́-Nɛ̀ncüì-dúyri lɔ bá ɛtɛ̀sɛ̀n nɔn! Nyɛ́n crɔn ɛnkru ô nyɛ́n bú Ɔwɔ Mɛẅi ankà Ankrànkràn lɔ nyɛ́n tán ankàẅì!”

1 Korɛntɛ̀n anmàn-bɔ̀ 10:11

Muzhie ndɔ hɔ̀n lɔ cɔ́ yɔ, ô kɛ̀ tán anwrɔn ndɔ hɔ̀n sɛnpò; ye merɛ́n yɔ yɛ hɛ́n, ô kɛ̀ tán bɔ̀ ankà-bi-dɔ̀, ɔmuhi bɔ́ dú ɛnvra trɔ mùan mɛ̀n tɛ̀sɛ̀n nɔn.

1 Korɛntɛ̀n anmàn-bɔ̀ 11:3

Tɛ́n, me ji le nyɛ́n nyri ankà ndɔ lɔ: Krisì dú Ɔwrɔn totɔtɔ̀n lɔ fɛn n'ɛfra-wrɔn, ɛnnyɔnwrɔn-nɛ́n-cüì dú ɛnnyɔnwrɔn fra-wrɔn, kɩ Ɔwɔ dú Krisì fra-wrɔn.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Efɛzɛ̀n anmàn-bɔ̀ 1:22

Ɔwɔ hɛ́n eci lɔ fɛn Krisì nán krùgbɛ̀n kɩ bɩ́ nɛ̀n tán Ɔwɔ-fɛcüe-bɔ̀ ô nɛ̀n dú y'ɛfra-wrɔn cüìcüì.

Efɛzɛ̀n anmàn-bɔ̀ 2:15

Nɛ̀n jrɛ́ Zhüifɛ̀n-bɔ̀ nyànmàn mán yɔ eci-hán-ci hɔ̀n, ô nɛ̀n hán ɔwrɔnwrɔn mán yɔ nyran hɔ̀n kɛ̀ srɔ fɛcüè wrù zri, nɛ́n mán yɔ mɛhi y'ɔbɔ̀sɔ̀ lɔ mɛ̀n; ɔmu lɔ de nɛ̀n wá anwɔwɔ nɔn.

Efɛzɛ̀n anmàn-bɔ̀ 3:15

nɛ́n léyi ɛmɛ̀n lɔ fɛn, ɛwú mán ɛnhi dú nɛ̀n antamɛ̀n nɔn.

Efɛzɛ̀n anmàn-bɔ̀ 3:2

Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn.

Kɔlɔsèn anmàn-bɔ̀ 1:16

Ɔmuhi n'ɛmɛ̀n de Ɔwɔ hán eci lɔ fɛn léyi dú anhobɩ́ mán ɛnhi, eci léyi yɛ kàn mán eci léyi ye sɩ́ kán, ɛnhɛ́n kɔrɛ̀srɔn, ɛkɔrɛ̀-ɛwú-zì, ɛkɔrɛ̀levri mán ɛyri-ẅɛ̀n. Ɔwɔ hán eci lɔ fɛn n'ɛmɛ̀n kɩ dú nɛ tɛn.

Kɔlɔsèn anmàn-bɔ̀ 1:20

kɩ, n'Ɛnẅì mɛ̀n de ne ji nɛ̀n wɔ́ nɛ́n mán ɛnhibù mumù lɔ fɛn angranmɛ̀n nɔn. N'Ɛnẅì léyi wú ɛgbàn-hán-tɛ̀ domɛ̀n nɔn hɩ mɛ̀n de nɛ̀n wá anwɔwɔ nɛ̀n tán yɔ lɔ fɛn, ɛnhibù wú mán anhobɩ́.

Kɔlɔsèn anmàn-bɔ̀ 3:11

Ke sɩ̀ vrù dù vɔ̀nshɛ́ ci ke dú kɛ ye dú Zhüifɛ̀n-wrɔn, kɩ ye sɩ̀ dù Zhüifɛ̀n-wrɔn, kɩ ye wi mɛ́n wúcɔ̀-domɛ̀n, kɩ ye sɩ̀ wì mɛ́n wúcɔ̀-domɛ̀n, kɩ è dú owrú-kán-wrɔn, kɩ è sɩ̀ dù owrú-kán-wrɔn, kɩ è dú ɔwɔ̀n-wrɔn, kɩ è dú ɔwrɔn kora, tɛ́n ndɔ lɔ fɛn, hɩ le ẅɛn vɔ̀nshɛ́ nɔn, dú Krisì léyi dú bɔ̀ ɛmɛ̀n eci lɔ fɛn mɛ̀n nɔn.

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

Ebre-bɔ̀ 11:40

Annanwɔrɛ mɛ̀n lɔ, Ɔwɔ wá bɔ̀ ɔmùan vrán ndɔ lɔ, kɩ nɛ́n sɩ́ ji le, yɔ zri kɩ yɔ cɔ́ ɛzrɔ-krutrɔ ke dú kɛ bɔ̀ sɩ̀ dù yɔ ɛmɛ̀n.

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.

1 Piɛrɛ̀n 1:20

Ɔwɔ wá eci-hán ndɔ lɔ ɛnvra léyi ɛnhibù kɛ vá bukru, kɩ ɛnvra trɔ mùan mɛ̀n lɔ, nɛ̀n yé eci-hán ndɔ lɔ ny'anvrɛn kruhú.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.