Efɛzɛ̀n anmàn-bɔ̀ 1:1 - Ɛmɛẅi ankà ankrànkràn 2003

¹ Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Efɛzɛ̀n anmàn-bɔ̀ 1:1 Iomraidhean Croise

Lükɛ̀n 16:10

Ɔwrɔn léyi ke di ɔmùan-zri eci cɛ hán mɛ̀n nɔn, eci cüìcüìemɛ̀n mán nɛ di ɔmùan-zri; ɔwrɔn léyi ke sɩ́ di ɔmùan-zri eci cɛ hán mɛ̀n nɔn, eci cüìcüìemɛ̀n mán, nɛ́n sɩ̀ di ɔmuan-zri.

Ɔkɔ̀hɔ̀n-wá-bɔ̀ kɔ̀hɔ̀n hán 16:15

Yɛ wá Lidi mán n'ɛmɛ̀n-bɔ̀ ɛnshi ɛnkru. Zɛtɛn nɛ̀n bi bɔ̀ kɩ nɛ dɔ̀ le: “Ke dú kɛ nye tro le mɛ̀n ẅɛn Ɛẅɛnwrɔn ankaẅì-bùtan hô, nyɛ́n và nyɛ́n dú m'ebɩ́ lɔ mɛ̀n.” Kɩ nɛ̀n ẅɛn bɔ̀ krekremɛ̀n bɔ̀ shrì bɔ̀ bru n'ebɩ́ lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 18:19

Yɔ cɔ́ Efɛzɛ̀n anmàn, nanvrɛn lɔ, nɛ́n teze Prisilɛ̀n mán Akilasɛ̀n. Nɛ̀n hɔ́n Ɔwɔ-sɛ́n-wɔn lɔ mɛ̀n kɩ nanvrɛn lɔ, nɛ́n mán Zhüifɛ̀n-bɔ̀ mɛhi yɔ wrɔ́n-ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 18:21

Nɛ́n teze yɔ kɩ nɛ́n dɔ̀ le: “Ke dú kɛ Ɔwɔ ke ji hô, me le vru mɛ̀n vá ny'anmàn.” Kɩ nɛ̀n bɩ́ ɛnhyàbri-hɛ̀ Efɛzɛ̀n anmàn nɛ́n hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Rɔmɛ̀n-anmàn-bɔ̀ 8:1

Zɛtɛn zɛtɛ̀ lɔ, nwùbɔ̀ ke sɩ̀ vru dù kɛ̀ tán anwrɔn hɔ̀n léyi dú Zhezü Krisì bɔ̀sɔ̀ lɔ mɛ̀n nɔn.

1 Korɛntɛ̀n anmàn-bɔ̀ 4:12

bɔ́ hán ɔkɔ̀hɔ̀n ɛshishiemɛ̀n, ô bɔ̀ cɔ́ ɛci-zî. Ɛnvra léyi yɛ wora bɔ̀ nɔn, bɔ́ sɛ́n tán yɔ; ɛnvra léyi yɛ hán bɔ̀ ɛgbàn nɔn, bɔ́ shrì bɔ́ bɩ;

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

Galasi anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi yɛ wá nɛ̀n ɔkɔhɔ̀n-wá-wrɔn, kè sɩ̀ dù anwrɔnẅì mán ɔwrɔn nyantɛn tɔ̀n kɔrè-levriemɛ̀n, tɛ́n Zhezü Krisì mán Ɔwɔ Zi léyi hán nɛ̀n nɛ̀n vá ɔkɔrɛ-bɔ̀ mɛ̀n nɔn.

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Galasi anmàn-bɔ̀ 3:9

Abrahamɛ̀n bú tán ankaẅì kɩ ye fú nɛ̀n ɛnshi; ɔmu lɔ de, anwrɔn hɔ̀n lɔ fɛn léyi ke bú tán ankaẅì nɔn, cɔ́ ɛnshi-fù hán nɛ́n hɔ́.

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 2:13

Tɛ́n zɛtɛ̀ lɔ, nyɛ́n mán Zhezü Krisì mɛhi ny'ɔbɔ̀sɔ̀ lɔ mɛ̀n, nyɛ́n léyi zɛtɛn nyɛ́n dú esù she nɔn, nyɛ́n bá nɛ̀n ɛtɛ̀sɛ̀n n'ecice-ci lɔ mɛ̀n.

Efɛzɛ̀n anmàn-bɔ̀ 2:6

Bɔ́ mán Krisì mɛhi b'ɔbɔ̀sɔ̀ lɔ mɛ̀n, Ɔwɔ hán nɛ́n mán bɔ́ mɛhi bɔ̀ vá ɔkɔrɛ-bɔ̀ mɛ̀n, ô nɛ́n mán bɔ́ mɛhi bɔ̀ ẅɛn ɛyri anhobɩ́ anmàn.

Efɛzɛ̀n anmàn-bɔ̀ 6:21

Tishikɛ̀n léyi dú bɔ́ muan-ẅì ankrankran mán ɔmùan-zri-di-wrɔn kɔrɛ̀-wá-wrɔn, Ɛẅɛnwrɔn ci-bɩtan kɔ̀hɔ́n lɔ mɛ̀n nɔn, kɛ lɛ tán nyɛ̀n m'ɛmɛẅi ankà lɔ fɛn, ô nyɛ́n nyri eci léyi mɛ̀n srɔ nɔn.

Kɔlɔsèn anmàn-bɔ̀ 1:2

Ebinyan zri lɔ dú Ɔwɔ-fɛcüè léyi dú Kɔlɔsɛ̀n anmàn, hɩ dú bɔ́ muan-ẅì hɔ̀n ɔmùan-zri-diemɛ̀n yɔ mán Krisì mɛhi y'ɔbɔ̀sɔ̀ lɔ mɛ̀n nɔn tɛn: Ɔwɔ léyi dú bó Zi nɔn, kɛ̀ tán nyɛ̀n nboafɔ̀n mán anwɔwɔ.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.