Kɔlɔsèn anmàn-bɔ̀ 4:8 - Ɛmɛẅi ankà ankrànkràn 2003

⁸ Me yüre nyɛ̀n nɛ́n kɩ, ô nɛ̀n dɔ́ nyɛ̀n bɔ́ edúyri ankà ô, nɛ̀n bi ɛnbɔrɛ nɛ̀n wá nyɛ̀n.

Kɔlɔsèn anmàn-bɔ̀ 4:8 Iomraidhean Croise

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

2 Korɛntɛ̀n anmàn-bɔ̀ 1:4

Ne bi ɛnbɔrɛ wá bɔ̀, bɔ́ ɛgbànkàn hɔ̀n lɔ mɛ̀n, ô bɔ́ mán bɔ̀ bi ɛnbɔrɛ bɔ̀ wá anwrɔn léyi ke ci ɛgbànkàn bobrebe zìwú, ô bɔ̀ hɔ̀n sɩ́ yɔ ɛnbɔrɛ-bi-wá léyi bɔ̀ cɔ́ n'eyri nɔn.

2 Korɛntɛ̀n anmàn-bɔ̀ 12:18

Mɛ̀n sɛ́n Titɛ̀n kɛ̀ vá ny'edúyri kɩ mɛ̀n wá nɛ́n mán ɔwrɔn-nɛ́n-muan-ẅì léyi nyɛ́n nyrì nɔn ɔkɔ̀hɔ̀n. Titɛ̀n frɛ́n nyɛ̀n hàn? Mɛ̀n mán nɛ́n mɛhi bɔ̀ sɩ̀ ẅɛ̀n ankà-tro zri hɔ̀n lɔ, ɛnlevri zri wú sùnan mɛ̀n hàn?

2 Korɛntɛ̀n anmàn-bɔ̀ 2:7

hɩ le kruhú de ke ji le zɛtɛ̀ lɔ, nyɛ́n bɩ́ ɛgbàn nyɛ́n ce nɛ̀n, nyɛ́n yɩ́ nɛ̀n edù, ô nɛ́n bɩ́ dú obòtò vriemɛ̀n, kɛ hán tán n'esɛ́ lɔ fɛn kɛ hɔ́n ɛzrɛ́n mɛ̀n.

Efɛzɛ̀n anmàn-bɔ̀ 6:22

Me yüre nyɛ̀n nɛ́n, ô nɛ̀n dɔ́ nyɛ̀n ɔmu le bɔ̀ hán bɔ́ dù, ô nɛ̀n bi ɛnbɔrɛ nɛ̀n wá nyɛ̀n.

Filipɛ̀n anmàn-bɔ̀ 2:28

Mɛ̀n dú edù cüìcüìemɛ̀n, ô mɛ̀n yüre nyɛ̀n nɛ́n, nyɛ́n brá pɔpüɛ̀ n'ɛkán mɛ̀n, ô m'obòtò lɔ kɛ̀ zrɛ́n.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

1 Tesalonikɛ̀n anmàn-bɔ̀ 2:11

Nyɛ́n nyri ɔmu le bɔ́ mán nyɛ́n mɛhi bɔ́ eci-hán ndù hán ɛnẅì-nɛ́n-zi mán n'ɛẅì hɔ̀n mɛhi hɔ́.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

1 Tesalonikɛ̀n anmàn-bɔ̀ 4:18

Zɛtɛn nyɛ́n bi ɛnborɛ nyɛ́n wá ny'edòmɛ̀n ankàdɔ̀ ndɔ hɔ̀n lɔ wú.

1 Tesalonikɛ̀n anmàn-bɔ̀ 5:11

Ɔmu lɔ, nyɛ́n yɩ́ ny'edomɛ̀n edù, ô nyɛ́n tán ny'edomɛ̀n ecüì ankaẅì-bùtan mɛ̀n, hán ɔmu le nyɛ́n gɔ̀ hán nɔn.

1 Tesalonikɛ̀n anmàn-bɔ̀ 5:14

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

2 Tesalonikɛ̀n anmàn-bɔ̀ 2:17

kɛ̀ hán edùyì kè yɩ́ ny'ɛnbɔrɛ hɔ̀n lɔ, ô kɛ̀ tán nyɛ̀n ecüì nyɛ́n hán anvrɛn ɛnvra lɔ fɛn, eci-hán mɛ̀n mán ankà-dɔ́ mɛ̀n.