Kɔlɔsèn anmàn-bɔ̀ 4:5 - Ɛmɛẅi ankà ankrànkràn 2003

⁵ Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.

Kɔlɔsèn anmàn-bɔ̀ 4:5 Iomraidhean Croise

Matie 10:16

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Markɛ̀n 4:11

Zhezü kɛ dɔ́ yɔ le: “Nyɛ tɛ́n, nyɛ́n cɔ́ anhobɩ́ ankà-bán-ankà nyɛ́n nyrì; tɛ́n anwrɔn ndɔ hɔ̀n kɛ yá ankà lɔ fɛn nyandrɛn mɛ̀n,

Rɔmɛ̀n-anmàn-bɔ̀ 16:19

Anwrɔnẅì lɔ fɛn nyri ny'Ɛẅɛnwrɔn wá. Mɛ brá pɔpüɛ̀ ny'ɛwú, tɛ́n mɛ cüɛ̀n le, nyɛ́n dú ankà-nyri-bɔ̀, ô nyɛ́n hán anvrɛn nyɛ́n dú ɛfifi, ô nyɛ́n yrá ɛgbàn.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

1 Tesalonikɛ̀n anmàn-bɔ̀ 4:12

Ɔmu lɔ de ny'esùnàn kɛ lɛ wá tán ny'ɛwá, anwrɔn léyi kè sɩ̀ dù Krisì-sɛ̀nkɛn-bɔ̀ nɔn y'ɛtɛ̀sɛ̀n, kɩ nyɛ́n sɩ̀ srɔ ɔwrɔn zriɛmɛ́n lowru.

Kpàkpà timote 3:7

Ke vru ke ji le nɛ̀n ẅɛn ɛwá anwrɔn hɔ̀n léyi ke sɩ̀ dù Krisì-sɛnkɛn-bɔ̀ nɔn y'ɛtɛ̀sɛ̀n, ô yɔ bɩ́ ẅɛn n'egbrì, ô nɛ́n bɩ́ bru anwawrɔn tanwrɔn lɔ mɛ̀n.

Zhakɛ̀n 1:5

Tɛ́n ny'ɛmɛ̀n lɔ, ke dú kɛ ɔwrɔn tɔ̀n ke sɩ̀ ẅɛ̀n ankà-nyrì, ke ji le nɛ̀n sán Ɔwɔ kɩ kɛ lɛ tán nɛ̀n; ɔmuhi Ɔwɔ kɛ tán anwrɔn lɔ fɛn eci ankora ɛnbɔrɛ anvrɛnvrɛn mɛ̀n nɔn.

Zhakɛ̀n 3:13

Ny'ɛmɛ̀n lɔ ɔwrɔn tɔ̀n ke tro le nɛ̀n dú ankà-nyri-wrɔn hán? Nɛ̀n hán tán yɔ kán n'esù ankrankran nàn, n'eci-hán, n'edomɛ̀n ɛnhi-sɩ́ mán n'ankà-nyrì-ẅɛn mɛ̀n.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

1 Piɛrɛ̀n 3:1

Wúyɔ nyɛ́n mán ɔmu zri lɔ, nyɛ́n sɩ́ ny'edomɛ̀n ɛnhi nyɛ́n tán nyɛ́n cüi hɔ̀n, ô ke dú kɛ ɛnjanbɔ̀ y'ɛmɛ̀n lɔ, ke sɩ́ bú Ɔwɔ ankà kɛ tán ankàẅì hô, ny'esùnàn anvrɛnvrɛn kɛ̀ hán tán yɔ cɔ́ ankaẅìbùtan. Ankà-dɔ̀ mán, ke sɩ̀ dú eci zriɛmɛ́n y'ɛwú: