Kɔlɔsèn anmàn-bɔ̀ 4:3 - Ɛmɛẅi ankà ankrànkràn 2003

³ Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Kɔlɔsèn anmàn-bɔ̀ 4:3 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

1 Korɛntɛ̀n anmàn-bɔ̀ 16:9

Ɔmuhi ɛnvra anvrɛnvrɛn tɔ̀n kɛ wá tán mɛ̀n vɔ̀nshɛ́ ci-hán tɔ̀n, kɩ mɛ̀n nyri ɔmu le ɛgbri-bɔ̀ cüɛn.

1 Korɛntɛ̀n anmàn-bɔ̀ 4:1

Ke ji le nyɛ́n bɩ́ bɔ̀ nyɛ́n hán Krisì ci-bɩ̀tan-bɔ̀ léyi yɛ wá Ɔwɔ ankà-bán-ankà annanwɔrɛ hɔ̀n lɔ antamɛ̀n kɛ̀ nán nɔn.

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 3:3

Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ

Efɛzɛ̀n anmàn-bɔ̀ 3:4

kɩ owrú krɛmɛ̀n lɔ, nye le nyri ɔmu le mɛ̀n hán mɛ̀n cɔ́ Krisì ankà-bán-ankà lɔ mɛ́n nyrì nɔn.

Efɛzɛ̀n anmàn-bɔ̀ 3:9

Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n,

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Filipɛ̀n anmàn-bɔ̀ 1:19

ɔmuhi mɛ̀n nyri ɔmu le ndɔ lɔ fɛn ke le dú m'ɛnkrukɔrɛ̀, ny'Ɔwɔ-sɛ̀n mán Zhezü Krisì Hɛ́n kɔrɛ̀-wá léyi kɛ vá sɩ́ mɛ̀n nɔn, n'ɛkɔrɛ̀levri mɛ̀n.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Kɔlɔsèn anmàn-bɔ̀ 1:26

hɩ mɛ̀n kɛ dɔ̀ le, n'ɛnbɔrɛmɛ̀n ankɔ́nda-ci-hán ankà léyi dú ɛbán mɛ̀n ɛnvra lɔ fɛn tán anwrɔnẅì lɔ fɛn, tɛ́n zɛtɛ̀ lɔ, nɛ́n bɩ nɛ̀n yé ankaẅì-bùtan-ẅɛn-bɔ̀.

Kɔlɔsèn anmàn-bɔ̀ 4:18

Mɛ́n dùku de mɛ̀n merɛ́n ankà ndɔ hɔ̀n lɔ nɔn: Pɔlɛ̀n binyan. (Kè bru nyɛ̀n le mɛ̀n dú anwɔn-mɛ̀n-wá-wɔn mɛ̀n.) Ɔwɔ shifù kè dú nyɛ̀n ɛmɛ̀n.

1 Tesalonikɛ̀n anmàn-bɔ̀ 5:25

Anwrɔn-nɛ́n-muan-ẅì hɔ̀n, bɔ́ mán nyɛ́n sɛ̀n nyɛ́n tán bɔ̀.

Anhyrɛmɛ̀n timote 1:16

Ɛẅɛnwrɔn yɔ̀bɔ̀-nyrì lɔ, kɛ̀ wá Onesifɔrɛ̀n mɛ̀n mɛ̀n-bɔ̀ ɛkɔrɛ̀, ɔmuhi ne bi ɛnbɔrɛ nɛ wá mɛ̀n frɛfrɛ nɔn. Anvɛvrà kè sɩ̀ ẅɛn nɛ̀n m'ɛkruhú, mɛ̀n léyi mɛ̀n dú anwɔn-mɛ̀n-wá-wɔn mɛ̀n nɔn;

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!

Anhyrɛmɛ̀n timote 4:2

ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn.

Filemɔn 1:22

Ɛnvra zri lɔ mɛ̀n, ɛ̀ wá m'ɛdɛ́yri tɔ̀n esùva, ɔmuhi, mɛ̀n ẅɛn esɛ́ le ny'ɔwɔ-sɛ̀n lɔ kɛ lɛ hán tán mɛ̀n và cɔ́ nyɛ̀n.