Biblia Todo Logo
Bìoball air-loidhne

- Sanasan -




Kɔlɔsèn anmàn-bɔ̀ 4:2 - Ɛmɛẅi ankà ankrànkràn 2003

2 Nyɛ́n sɛ́n Ɔwɔ ɔmùan-zri-diemɛ̀n, ny'ɔwɔ-sɛ́n mɛ̀n lɔ, nyɛ́n nyɔn ɛshishiemɛ̀n mán enyri-kùɛn-tán mɛ̀n.

Faic an caibideil Dèan lethbhreac




Kɔlɔsèn anmàn-bɔ̀ 4:2
21 Iomraidhean Croise  

Nyɛ́n kpri ɛvɛ̀, nyɛ́n sɛ̀n, ô nyɛ́n bɩ́ bru ɔwɔɛ̀nnyan mɛ̀n. Ɔwrɔnẅì hɛ́n ẅɛn edùyì, tɛ́n n'anẅia ẅɛn ɛjɛ̀.”


Nyɛ́n wá esùva ndà ke bɩ́ wri nyɛ̀n, ɔmuhi nyɛ́n sɩ̀ nyrì ɛnvra léyi ɛnbì lɔ kɛ lɛ cɔ̀ nɔn.


Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.


Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”


Yɔ lɔ fɛn yɔ borɛkru frɛfrɛ, yɔ sɛ́n Ɔwɔ, yɔ mán wúyɔ̀ hɔ̀n, mán Mari Zhezü nɛ́n muan mán Zhezü nɛ́n muan-ẅì hɔ̀n mɛhi.


Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.


Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;


Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.


Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.


Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.


Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.


Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.


Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.


Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.


Lean sinn:

Sanasan


Sanasan