Kɔlɔsèn anmàn-bɔ̀ 3:1 - Ɛmɛẅi ankà ankrànkràn 2003

¹ Nyɛ́n mán Krisì mɛhi nyɛ́n dú owú-bɔ̀ mɛ̀n nyɛ́n vá ɔkɔrɛ-bɔ̀ mɛ̀n. Zɛtɛn, nyɛ́n ji ɛci hɔ̀n léyi dú anhobɩ́ ci, ɛyri léyi Krisì yɛ́ Ɔwɔ ezì-kɔrɛ̀a nɔn.

Kɔlɔsèn anmàn-bɔ̀ 3:1 Iomraidhean Croise

Matie 22:44

‘Ɛẅɛnwrɔn Ɔwɔ dɔ́ m'Ɛẅɛnwrɔn le: và yɛ́ mɛ̀n ezì-kɔrɛ̀ kɔrɛ̀a, hàn mán kɛ̀ krɔn ɛnvra léyi mɛ lɛ hán v'egbri-bɔ̀ kè cüe mɛ́n annantrɛ̀ mɛ̀n hán.’

Matie 26:64

Zhezü mrɛ́n nɛ̀n ɔmùan le: “Vɛ́n de ɛ dɔ̀ nɔn. Tɛ́n mɛ dɔ́ nyɛ̀n le: bukru zɛtɛ̀ lɔ nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ zì-kɔrɛ̀ kɔrɛ̀a; nye le vru nyɛ́n kán nɛ̀n ne le dú anhobɩ́ nwì-gbúemɛ̀n nɛ lɛ và.”

Matie 6:20

Nyɛ́n ji anhobɩ́ nɛ̀ncüì-di-ci, ɛyri léyi anẅɛn mán andàgra ke sɩ̀ jrɛ́ ɛci, ɛyri léyi ɛci-yerɛ-bɔ̀ ke sɩ̀ jrɛ́ esù kè bɩ́ ɛci nɔn.

Matie 6:33

Anhobɩ́ nɛ̀ncüì-dúyri mán ɛnyrɔnnan ankà kè dú ny'ankà shishi, kɩ Ɔwɔ kɛ lɛ tán nyɛ̀n hɩ léyi wɔrɔ nɔn.

Markɛ̀n 12:36

Ɔmuhi Davidɛ̀n, Ɛnhɛ́n Prɔnprɔn nyrɔn kɩ nɛ́n mumù nɛ́n dɔ̀ le: ‘Ɛẅɛnwrɔn Ɔwɔ dɔ́ m'Ɛẅɛnwrɔn le: Và yɛ́ mɛ̀n ezì-kɔrɛ̀a, hàn mán kɛ̀ krɔn ɛnvra léyi mɛ lɛ kɔ́n v'egbri-bɔ̀ cüe mɛ́n annantrɛmɛ̀n hán nɔn.’

Markɛ̀n 14:62

Zhezü mrɛ́n ɔmùan le: “Hɛ̀ɛ̀, mɛ̀n dú Ɔwɔ ẅì, kɩ nyɛ́n lɔ fɛn nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ̀a; nyɛ́n le vru nyɛ́n kán nɛ̀n anhobɩ́ wì-gbuemɛ̀n nɛ̀n và.”

Markɛ̀n 16:19

Ɛnvra léyi nɛ̀n dɔ́ n'ɛsɛ̀nkɛn-bɔ̀ ankà trɔ nɔn, Ɛẅɛnwrɔn Ɔwɔ hán Zhezü tú hɔ́n anhobɩ́, kɩ Zhezü yɛ́ nɛ̀n ezì-kɔrɛ̀a.

Lükɛ̀n 12:33

Nyɛ́n hɛ́ ny'ɛci hɔ̀n lɔ, ô nyɛ́n bɩ́ ɔkùa lɔ nyɛ́n ce ɛmian-bɔ̀. Nyɛ́n ji angbɛ́n léyi ke sɩ́ kua nɔn, ô nyɛ́n ji anhobɩ́ nɛ̀ncüì-dì léyi ke sɩ́ zrɛ́n mrìmrì: hɩ ɛci yerɛ-bɔ̀, mán anbɔ̀bɔ mɛhi, ke sɩ̀ cɔ́ y'ɛjrɛ́-yri nɔn.

Lükɛ̀n 20:42

Ɔmuhi Davidɛ̀n mumù kɛ dɔ́ Ɔwɔ-mrɛ́n wrú lɔ mɛ̀n le: ‘Ɛẅɛmwrɔn Ɔwɔ dɔ́ m'Ɛẅɛnwrɔn le: Ɛ̀ và yɛ́ mɛ̀n ezì-kɔrɛ̀a hàn mán kɛ̀ cɔ́ ɛnvra léyi,

Lükɛ̀n 22:69

Tɛ́n Bukru zɛtɛ̀ lɔ ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ ezì-kɔrɛ kɔrɛ̀a.”

Ɔkɔ̀hɔ̀n-wá-bɔ̀ kɔ̀hɔ̀n hán 2:34

Ɔmuhi Davidɛ̀n dùku mán ke sɩ̀ tɔhú kɛ hɔ́n anhobɩ́, tɛ́n nɛ́n dɔ̀ le: ‘Ɛẅɛnwrɔn Ɔwɔ dɔ́ m'Ɛẅɛnwrɔn le: và yɛ́ mɛ̀n ezì-kɔrɛ̀ kɔrɛ̀a,

Ɔkɔ̀hɔ̀n-wá-bɔ̀ kɔ̀hɔ̀n hán 7:55

Tɛ́n nɛ́n, Ɛnhɛ́n Prɔnprɔn yɩ́ nɛ̀n ɛmɛ̀n kɩ nɛ nyan anhobɩ́; nɛ̀n kán Ɔwɔ ci-zrɔ mán Zhezü léyi nyɔn Ɔwɔ zì-kɔrɛ̀a nɔn.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

Rɔmɛ̀n-anmàn-bɔ̀ 8:6

Ke dú kɛ bɔ́ hán bɔ́ ɛnbɔrɛmɛ̀n ci hɔ̀n léyi bɔ́ ji nɔn hô, bɔ́ hɔ́n owúemɛ̀n; tɛ́n ke dú kɛ bɔ́ hán Ɛnhɛ́n Prɔnprɔn ci hɔ̀n léyi ke ji nɔn hô, bɔ́ hɔ́n ɛwúvà-kɔrɛ̀ mɛ̀n mán anwɔwɔ mɛ̀n.

2 Korɛntɛ̀n anmàn-bɔ̀ 4:18

Ɔmuhi bɔ́ sɩ́ hɛ́n bɔ́ esùvá-wá eci léyi bɔ́ kàn nɔn wú, tɛ́n esùvá-wá ke dú bɔ̀ eci léyi bɔ́ sɩ́ kán nɔn wú. Eci léyi yɛ kàn nɔn, ke sɩ́ mɔɛnhán, tɛ́n, hɩ léyi ye sɩ́ kán nɔn, dú ɛnvra lɔ fɛn.

Efɛzɛ̀n anmàn-bɔ̀ 4:10

Ɔwrɔn léyi kakɛ nɔn, nɛ̀n dú ɔwrɔn zri léyi nkà hɔ́n anhobɩ́ ɛwúɛ hɛ́n, ô nɛ̀n yɩ́ ɛnhibù mumù lɔ fɛn.

Efɛzɛ̀n anmàn-bɔ̀ 5:22

Wúyɔ̀, nyɛ́n sɩ́ ny'edomɛ̀n ɛnhi nyɛ́n tán nyɛ́n cüì hɔ̀n, hán ɔmu le nyɛ hán Ɛẅɛnwrɔn tɛ̀sɛ̀n nɔn.

Kɔlɔsèn anmàn-bɔ̀ 2:20

Nyɛ́n mán Krisì mɛhi nyɛ́n wù, kɩ yɛ mrɛ́n nyɛ̀n ɛnhibù wú anhɛ́n hɔ̀n cüì tamɛ̀n yɛ sɔhɔ́. Zɛtɛn, cɛci kruhú kɛ ny'ɛwúvà ke dù kɛ hán le nyɛ́n dú ɛnhibù ndɔ lɔ n'ɛkɔrɛ̀levri wú, kɩ nye shrì yɛ wá ɛnyànmàn ɔmu lɔ yɛ tán nyɛ̀n:

Kɔlɔsèn anmàn-bɔ̀ 3:2

Ɛci hɔ̀n léyi dú ɛwú nɔn, y'ankà kè dú ny'ankà shishi, tɛ́n ke bɩ́ dú yɔ hɔ̀n léyi dú ɛnu ɛnhi nɔn.

Ebre-bɔ̀ 1:13

Ɔwɔ kɛ vá dɔ́ n'ɛkùyüre-wrɔn tɔ̀n mrìmrì le: “Và yɛ́ mɛ̀n ezi-kɔrɛ̀-korɛa, me ji mɛ̀n hán v'ɛgbri-bɔ̀ kɛ̀ srɔ v'annantrɛ̀-wú-hɛ́n ci.”

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 10:12

Krisì tɛn, ce eci ɛdɛ̀n zri ɛgbàn kruhú, kɩ ndɔ lɔ dú ɛnvra lɔ fɛn, zɛtɛn nɛ̀n yɛ́ Ɔwɔ ezì-kɔrɛ̀a.

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 8:1

Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.