Kɔlɔsèn anmàn-bɔ̀ 2:8 - Ɛmɛẅi ankà ankrànkràn 2003

⁸ Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.

Kɔlɔsèn anmàn-bɔ̀ 2:8 Iomraidhean Croise

Matie 10:17

Nyɛ́n wá esùva, ɔmuhi anwrɔn kɛ lɛ sɩ́ nyɛ̀n ɛmrɛ̀nci-bɔ̀ zìwú kɩ yɛ lɛ cüran nyɛ̀n ɛngbele y'Ɔwɔ-ankà-yé-wɔn lɔ mɛ̀n.

Matie 16:6

Zɛtɛn Zhezü kɛ dɔ́ yɔ le: “Nyɛ́n wá esùva, Ɔwɔ-nyànmàn-sùva-wá-bɔ̀ mán anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn, y'eci-fɔ́-ci tɛ̀sɛ̀n.”

Matie 7:15

“Nyɛ́n wá anhyɔ̀n Wɔ-mùanwú-ankà-dɔ́-bɔ̀ ankà esùva, tɛ́n y'ɛnbɔrɛ mɛ̀n, yɔ dù yɔ hán ovú lɛ̀tù hɔ̀n hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 17:18

Ankà-tro-bɔ̀ janbɔ̀ hɔ̀n léyi, ɔtɔ̀n ke yé le, ɔkoran ci-hán mán ɛnbɔrɛbru dú eci anvrɛnvrɛn, kɩ ɔtɔ̀n ke yé le, ɛnborɛbru mán ɛgbànkàn dú ɔwrɔnẅiemɛ̀n dùci, kɩ yɔ, anwrɔn d'anhyrɛ̀ lɔ, yɔ mán Pɔlɛ̀n mɛhi yɔ dɔ́ ankà. Anwrɔn janbɔ̀ ke yrɛ le: “Ankà tán de ɛdrɛ́-wrɔn ndɔ lɔ kɛ dɔ̀ nɛ́n?” Anwrɔn ndɔ hɔ̀n mrɛ́n ɔmùan le: “Bɔ tro le anwɔ wrù ankà de nɛ dɔ̀ nɔn”, ɔmuhi yɔ yá Pɔlɛ̀n kɛ dɔ́ Zhezü mán owúemɛ̀n-dù-frɔ́ ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:32

Ɛnvra léyi yɔ yá Pɔlɛ̀n kɛ dɔ́ owúemɛ̀n-dù-frɔ́ ankà nɔn, anwrɔn janbɔ̀ kɛ hán nɛ̀n ɛnhyürɛ̀ kɩ, ndɔ hɔ̀n kɛ dɔ̀ le: “Bɔ́ le die mɛ́n nukù ankà ndɔ lɔ wú ɛnbì nyantɛn.”

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

1 Korɛntɛ̀n anmàn-bɔ̀ 10:12

Kɩ, ke dú kɛ ɔwrɔn tɔ̀n ke tro le nɛ̀n nyɔn ɛwúɛ, nɛ̀n wá esùva, ô nɛ́n bɩ́ bore hɛ.

1 Korɛntɛ̀n anmàn-bɔ̀ 8:9

Tɛ́n, nyɛ́n wá esùva, ô ɛkɔrɛ̀-levri léyi nyɛ́n ẅɛ̀n nyɛ hán eci ɔmu lɔ nɔn, ke bɩ́ sɩ́ ɛzrɛ́n mɛ̀n, anwrɔn hɔ̀n léyi y'ankaẅì-bùtan ẅɛn ɛjɛ̀ nɔn.

2 Korɛntɛ̀n anmàn-bɔ̀ 10:5

ɛci hɔ̀n lɔ fɛn léyi tùtre mɛ̀n, kɛ kɛ́n Ɔwɔ nyrì-ankà ezì nɔn, bɔ́ crɛ yɔ cüe, bɔ́ srɔ anwɔn-mɛ̀n-wá-wrɔn, ankà-tro lɔ fɛn, ô bɔ̀ hán nɛ̀n nɛ̀n ẅɛn Krisì wá.

Galasi anmàn-bɔ̀ 1:14

Annyran hɔ̀n sùgbàn-bɔ̀ mɛ̀n, mɛ̀n wi yɔ ezì Zhüifɛ̀n-bɔ̀-Wɔ kɔ̀hɔ̀n-hán lɔ mɛ̀n; edù ke yɩ́ mɛ̀n kɛ vrán yɔ, bɔ́ nancüì hɔ̀n nyànmàn ci-hán mɛ̀n.

Galasi anmàn-bɔ̀ 4:3

Ɔmu zri lɔ, bɔ́ mán bɔ̀ dú kpàkpà mɛ̀n lɔ hán ɛẅì hɔ̀n hɔ́, bɔ́ dú ɛnhibù kɔrɛ̀-srɔn hɔ̀n hɛ́n wɔ̀n-bɔ̀.

Galasi anmàn-bɔ̀ 4:9

Tɛ́n zɛtɛ̀ léyi nyɛ́n nyri Ɔwɔ (kɩ Ɔwɔ mán nyri nyɛ̀n zɛtɛ̀ lɔ nɔn), anwɔntan kɛ hán ke cì kɛ̂ nye vru ɛmɛẅi nyɛ hɔ́n ɛjɛ̀ mán ɛmian hɛ́n cüì hɔ̀n yriɛ? Nye ji nyɛ́n vru nyɛ́n srɔ y'anwɔ̀n-bɔ̀a?

Galasi anmàn-bɔ̀ 5:15

Tɛ́n ke dú kɛ nyɛ hán eci kɛ hán ovú nɔ̀n hɔ́ hô, nyɛ krá ny'edomɛ̀n ɛnyî, kɩ nye wri ny'edomɛ̀n, nyɛ rá ny'edomɛ̀n, zɛtɛn nyɛ́n wá esùva: nyɛ lɛ trɔ ny'edomɛ̀n jrɛ́.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 4:20

Kè sɩ̀ dù ndɔ lɔ de, kè dù ankà-yé léyi nyɛ́n cɔ́ Krisì wú nɔn!

Efɛzɛ̀n anmàn-bɔ̀ 5:6

Ɔwrɔn zriɛmɛ́n, ke bɩ́ hán nyɛ̀n nyɛ́n bore ankà-dɔ́ mɛ̀n, ô kɛ hán nyɛ̀n nyɛ́n zɛ́n hán: ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

Filipɛ̀n anmàn-bɔ̀ 3:2

Nyɛ́n wá ny'edomɛ̀n esùva anwrɔn hɔ̀n léyi kɛ hán eci gbàngbàn nɔn y'ɛtɛ̀sɛ̀n; ɛnlɛtù ndɔ hɔ̀n lɔ, yɔ hɔ̀n léyi yɔ dú ɛyɔ̀n-bɔ̀ wúcɔ̀-dòmɛ̀n-wì ankà wú!

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:20

Nyɛ́n mán Krisì mɛhi nyɛ́n wù, kɩ yɛ mrɛ́n nyɛ̀n ɛnhibù wú anhɛ́n hɔ̀n cüì tamɛ̀n yɛ sɔhɔ́. Zɛtɛn, cɛci kruhú kɛ ny'ɛwúvà ke dù kɛ hán le nyɛ́n dú ɛnhibù ndɔ lɔ n'ɛkɔrɛ̀levri wú, kɩ nye shrì yɛ wá ɛnyànmàn ɔmu lɔ yɛ tán nyɛ̀n:

Kɔlɔsèn anmàn-bɔ̀ 2:22

Yɔ dú ɛci hɔ̀n léyi ke ji le yɛ kɔ́n yɔ ye cüe ɛnvra léyi yɛ hán y'eci kɛ trɔ nɔn. Ndɔ lɔ dú anwrɔnẅì nyànmàn ci-hán mán n'ankà-yé.

Kɔlɔsèn anmàn-bɔ̀ 2:23

Annanwɔrɛ mɛ̀n lɔ, ɛnyànmàn ndɔ hɔ̀n lɔ kɛ cá ankà-nyrì ci-hán, ɔmuhi yɛ dɔ́ ɔwrɔnẅì domɛ̀n sùva-wá, n'edomɛ̀n ɛnhi-sɩ́ mán n'antà-dùwrú ɛshishiemɛ̀n ẅɛ̀n ankà; tɛ́n yɔ sɩ̀ ẅɛ̀n vɔ̀nshɛ́ zriɛmɛ́n hɩ ká ẅɛn bɔ́ eci-gbangbàn hɔ̀n ankà-tro lɔ kɛ̀ sɔhɔ́ nɔn.

Kpàkpà timote 6:20

Annyran anvrɛn Timote, ɛ̀ hɛ́n esùva-wá mɛ̀n, eci léyi yɛ wá mɛ́n antamɛ̀n nɔn. È teze ɛdrɛ̀ woro hɔ̀n léyi kɛ kɛ́n ankaẅìbùtan ankà ezì nɔn, e bɩ́ mrɛ́n ɔmùan ankà lɔ fɛn mɛ̀n, ɛ dɔ́ le, ɛ̀ ẅɛn ɛnkruemɛ̀n.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.

Ebre-bɔ̀ 3:12

Nmàn-ẅì hɔ̀n, nyɛ́n wá esùva, ɔwrɔn zriɛmɛ́n ny'ɛmɛ̀n lɔ, ke bɩ́ ẅɛn ɛnbɔrɛ gbàngbàn léyi ankaẅìbùtan bàdà ɛmɛ̀n, kɩ kɛ wá tán nɛ̀n, nɛ̀n kɛ́n Ɔwɔ kɔrɛkɔrɛ lɔ ezì.

1 Piɛrɛ̀n 1:18

Annanwɔrɛ mɛ̀n lɔ, nyɛ́n nyri ɔwɔ̀ɛn-dì léyi srú nyɛ̀n ɛgbàn mɛ̀n sɔhɔ́, ny'ɔbrɔ̀sà wúvà léyi nyɛ́n nancüì hɔ̀n tán nyɛ̀n nɔn mɛ̀n. Ke sɩ̀ dù eci-jrɛ́ ci hɔ̀n léyi ndù hán ɔkùa mán ansíkɛ hɔ́,

2 Piɛrɛ̀n 3:17

Nyɛ tɛn, m'annyran anvrɛn hɔ̀n, ye bi dɔ́ nyɛ̀n zɛtɛ̀ lɔ. Zɛtɛn nyɛ́n wá esùva, nyɛ́n bɩ́ teze ny'edomɛ̀n nyɛ́n zrɛ́n hán, ɛzɛ̀n ci-hán mɛ̀n, nyɛ́n mán ɛnkru-fe-bɔ̀ mɛhi, kɩ nyɛ́n bɩ́ teze ny'esùnàn ankànkràn léyi nyɛ́n ẅɛ̀n nɔn.

2 Zhan 1:8

Nyɛ́n wá nyɛ́n mumù ny'edomɛ̀n esùva, ô nyɛ́n bɩ́ zrɛ́n b'ɔkɔ̀hɔ̀n vɔ̀nshɛ́ lɔ, tɛ́n nyɛ́n cɔ́ ny'anjakpà lɔ kɛ sɛ́n nmù.