Kɔlɔsèn anmàn-bɔ̀ 2:4 - Ɛmɛẅi ankà ankrànkràn 2003

⁴ Mɛ dɔ́ nyɛ̀n ankà ndɔ lɔ, ô Ɔwrɔn zriɛmɛ́n ke bɩ́ ci n'ɛfrɛ́n-ankà-dɔ̀ mrɛ́nmrɛ́n lɔ mɛ̀n kɛ hán nyɛ̀n nyɛ́n zɛ́n hán.

Kɔlɔsèn anmàn-bɔ̀ 2:4 Iomraidhean Croise

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 24:4

Zhezü mrɛ́n yɔ ɔmùan le: “Nyɛ́n wá esùva, ô ɔwrɔn zriɛmɛ́n ke bɩ́ frɛ́n nyɛ̀n.

Markɛ̀n 13:22

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:30

Kɩ nyɛ́n dùku ny'ɛmɛ̀n lɔ, anwrɔn ndɔ hɔ̀n ke le bukru kɛ dɔ́ ɛyɔ̀n ankà ô kɛ̀ hán ankaẅì-bùtan-ẅɛn-bɔ̀ kè dú yɔ ɛmɛẅi.

1 Korɛntɛ̀n anmàn-bɔ̀ 2:4

m'ankà-yé mán m'ankà-dɔ̀ ke sɩ́ cá anwrɔnẅiemɛ̀n ankà-nyrì ankà-dɔ̀, tɛ́n Ɔwɔ Hɛ́n Prɔnprɔn kɔrɛ̀-srɔn de kɛ tán ankà-yé ndɔ lɔ n'ankaẅì-bùtan nɔn.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

Galasi anmàn-bɔ̀ 2:4

anwrɔn-nɛ́n-muan-ẅì hɔ̀n, ɛyɔ̀n-bɔ̀ léyi dú bɔ̀ ɛmɛ̀n nɔn, ke ji kɛ̀ hán ye wi nɛ̀n wúcɔ̀-dòmɛ̀n, kɩ yɔ sɩ̀ cɔ̀ n'ɛhán yri rɔ̀a. Anwrɔn ndɔ hɔ̀n lɔ bru bɔ́ fɛcüè lɔ mɛ̀n, ô kɛ̀ kprá bɔ́ ɛkɔrɛ̀-levri léyi dú Zhezü Krisì yri và, ô kè vru kè sɩ́ bɔ̀ ɛnyànmàn wɔ̀nẅìemɛ̀n.

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 5:6

Ɔwrɔn zriɛmɛ́n, ke bɩ́ hán nyɛ̀n nyɛ́n bore ankà-dɔ́ mɛ̀n, ô kɛ hán nyɛ̀n nyɛ́n zɛ́n hán: ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:8

Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.

Anhyrɛmɛ̀n timote 2:16

È teze ɛdrɛ̀ woro hɔ̀n léyi kɛ kɛ́n ankaẅìbùtan ezì nɔn, ɔmuhi anwrɔn hɔ̀n léyi kɛ hán yi kɔ̀hɔ̀n lɔ nɔn, kɛ cɔhɔ́ Ɔwɔ tɛsɛ̀n esù she.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

1 Zhan 2:18

M'ɛẅì hɔ̀n, ɛnvra trɔ mùan bá ɛtɛsɛn! Nyɛ́n yá yɛ dɔ̀ le Krisì Gbri-wrɔn kɛ lɛ và; tɛ́n zɛtɛ̀ lɔ Krisì gbri-bɔ̀ bobrebe srɔ, kɩ ɔmu lɔ bó nyrì le, ɛnvra trɔ mùan bá ɛtɛsɛ̀n.

1 Zhan 2:26

Me merɛ́n nyɛ̀n owrú ndɔ lɔ kè dú anwrɔn hɔ̀n léyi ke ji ɛyri, ô kɛ̀ frɛ́n nyɛ̀n nɔn y'ɛwú ankà-dɔ̀.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

2 Zhan 1:7

Anhyɔ̀n-bɔ̀ bobrebe bonyi ɛnhibù wú; yɔ sɩ́ ji yɔ nyri ɔmu le Zhezü Krisì srɔ ɔwrɔnẅì annanwɔrɛ. Ndɔ lɔ mɛ̀n de ɛyɔ̀n-wrɔn lɔ ke yé n'edomɛ̀n, Krisì Gbri-wrɔn.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 20:3

Ɔwɔ-kùyüre-wrɔn lɔ kɔ́n nɛ̀n di owú-bɔ̀ dúyri, nɛ̀n sɛ́n esù safɛ̀ mɛ̀n kɩ nɛ̀n wá eci-tɔn-ci nɛ̀n brɛ́ angbàtà wú lɔ, ô anwàn lɛbrì lɔ ke bɩ́ vru zrɛ́n ɛnhi-wú-anmàn-bɔ̀ hàn kɩ annanwàn tɛ̀buri kɛ̀ vàcì. Ndɔ lɔ mɛẅi, ye le teze nɛ̀n ɛnvra buri.

Ɔwɔ-mɛ̀n-yrikàn 20:8

kɩ nɛ lɛ hɔ̀n nɛ̀n frɛ́n ɛnhi-wú-anmàn hɔ̀n léyi bonyi ɛnhibù mumù lɔ fɛn wú, hɩ mɛ̀n kɛ dɔ̀ le, ɛnhi-wú-anmàn hɔ̀n léyi ke gbri Ɔwɔ-fɛcüè-bɔ̀ nɔn. Nɛ lɛ borɛ yɔ ɛkru, ô yɛ kɔ́n anhà, kɩ yɔ lɛ cüɛn bobrebe kɛ lɛ hán ecüe gbàta-mùan hiẅia hɔ́.