Kɔlɔsèn anmàn-bɔ̀ 2:3 - Ɛmɛẅi ankà ankrànkràn 2003

³ n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

Kɔlɔsèn anmàn-bɔ̀ 2:3 Iomraidhean Croise

Matie 10:26

“Nyɛ́n bɩ́ sú anwrɔnẅì. Eci lɔ fɛn léyi dú ɛbán mɛ̀n nɔn, kɛ lɛ srɔ ɛwú, kɩ ye le nyri ɛci hɔ̀n lɔ fɛn léyi dú ɛshre mɛ̀n nɔn.

Lükɛ̀n 11:49

Hɩ le kruhú de Ɔwɔ, n'ankà-nyrì lɔ mɛ̀n, ndɔ̀ le: ‘Mɛ lɛ yüre yɔ Ɔwɔ-mùanwú-ankà-dɔ́-bɔ̀ mán ɔkɔhɔ̀n-wá-bɔ̀; yɔ le wri ndɔ hɔ̀n kɩ yɔ lɛ hán ɛnjanbɔ̀ ɛgbàn.’

Rɔmɛ̀n-anmàn-bɔ̀ 11:33

Nyàn ɔmuhi Ɔwɔ nɛ̀ncüì-dì lɔ sevri nɔn! Nyàn ɔmuhi n'ankà-nyrì mán n'eci-nyrì vrɛn nɔn! Antɔnwrɔn de kɛ lɛ dɔ́ n'eci-hán ankà nɛ́n? Antɔnwrɔn de ke le nyri n'ankɔnda-ci-hán ankà nɛ́n?

1 Korɛntɛ̀n anmàn-bɔ̀ 1:24

tɛ́n anwrɔn hɔ̀n léyi Ɔwɔ bi nɔn, Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ nɔn, Krisì dú Ɔwɔ kɔrɛ̀-srɔn mán n'ankà-nyrì.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

Efɛzɛ̀n anmàn-bɔ̀ 1:8

ɛnshifù léyi nɛ̀n tán bɔ̀ bobrebe ɛnvra léyi nɛ̀n tán bɔ̀ ankà-nyrì mán ɛnkruemɛ̀n-ẅɛ̀n léyi sɛ́n nmù nɔn:

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

Kɔlɔsèn anmàn-bɔ̀ 3:3

Ɔmuhi nyɛ́n wù kɩ ny'ɛwúvà lɔ mán Krisì mɛhi bán dú Ɔwɔ mɛ̀n.

2 Piɛrɛ̀n 1:5

Ankà zrɔ dùku ndɔ lɔ kruhú, nyɛ́n hán kèkrèmɛ̀n nyɛ́n tán ny'ankàẅìbùtan lɔ esùnan ankrankran, ô esùnan ankrankran lɔ, nyɛ́n tán nɛ̀n eci-nyrì annanwɔrɛ;

Ɔwɔ-mɛ̀n-yrikàn 2:17

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”