Kɔlɔsèn anmàn-bɔ̀ 2:2 - Ɛmɛẅi ankà ankrànkràn 2003

² Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kɔlɔsèn anmàn-bɔ̀ 2:2 Iomraidhean Croise

Matie 11:25

Hɩ vra lɔ, Zhezü kɛ dɔ̀ le: “Ô Dade, anhobɩ́ mán ɛnhibù Ẅɛnwrɔn, mɛ tán mɛ́n ɔkùɛn ɔmuhi eci léyi ɛ̀ bán ankà-nyri-bɔ̀ mán ɛnkruemɛ̀n-ẅɛn-bɔ̀ nɔn, e bɩ è yé ɛẅì hɔ̀n.

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Lükɛ̀n 1:1

Brɛ̀su Teofilɛ̀n, Anwrɔn bobrebe de ji ɛyri ô kè merɛ́n ɛci hɔ̀n léyi vá bɔ̀ ɛmɛ̀n nɔn y'owrú.

Zhan 10:30

Mɛ̀n mán Dade mɛhi bɔ́ dú eci zri.”

Zhan 10:38

Tɛ́n ke dú kɛ mɛ hán ɔkɔhɔ̀n lɔ, ɔmu tɛ̀kɩ nyɛ́n sɩ́ bú m'ankà nyɛ́n tán ankaẅì, hɩ mán hô, m'ɔkɔ̀hɔ̀n léyi mɛ̀n hán nɔn, nyɛ́n bùtan ankaẅì, ô nyɛ́n nyrí ɛnvra lɔ fɛn le, Dade dú mɛ̀n ɛmɛ̀n kɩ mɛ̀n mán mɛ̀n dú Dade ɛmɛ̀n.”

Zhan 16:15

Eci lɔ fɛn léyi Dade ẅɛ̀n nɔn, dú mɛ tɛn mán. Hɩ le kruhú de mɛ́n dɔ̀ le, Ɛnhɛ́n kɛ lɛ cɔ́ eci léyi dú mɛ tɛ́n nɔn kɩ nɛ lɛ dɔ́ nyɛ̀n yi ankà nɔn.”

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 5:17

Tɛ́n Zhezü mrɛ́n yɔ ɔmùan le: “Dade Ɔwɔ kɛ hán ɔkɔhɔ̀n ɛnvra lɔ fɛn kɩ mɛ̀n mán mɛ̀n dú ɔkɔhɔ̀n hán mɛ̀n.”

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Zhan 6:69

Zɛtɛ̀ lɔ, bɔ́ bútan ankaẅì kɩ bɔ̀ nyri ɔmu le è dú Prɔnprɔn-Wrɔn léyi dú Ɔwɔ yri và nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 4:32

Ankaẅì-bùtan-ẅɛn-bɔ̀ kpɔsɔ lɔ dú ɔbɔ̀sɔ mɛ̀n anvrɛnvrɛn, y'ɛnbɔrɛ mɛ̀n mán yɔ wàwúyɛ mɛ̀n. Ɔwrɔn zriɛmɛ́n ke sɩ́ dɔ́ le, n'ɛci hɔ̀n lɔ dú nɛ́n zri n'ɛci, tɛ́n, y'ɛmɛ̀n lɔ, ɛci hɔ̀n lɔ fɛn léyi yɔ ẅɛ̀n nɔn, dú fɛcüè ci.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

Rɔmɛ̀n-anmàn-bɔ̀ 2:4

Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n?

1 Korɛntɛ̀n anmàn-bɔ̀ 14:31

Nyɛ lɛ fɛn lɔ ɛkɔrɛ̀-levri dù nyɛ lɛ tán ɔwrɔn zrizri Ɔwɔ mɛẅi ankà-dɔ̀ lɔ, ô yɔ lɔ fɛn yɔ cɔ́ ankà-yé, edù ke yɩ́ yɔ.

1 Korɛntɛ̀n anmàn-bɔ̀ 2:12

Bɔ́ tɛn, bɔ̀ sɩ̀ cɔ̀ ɛnhibù ndɔ lɔ n'ɛnhɛ́n; tɛ́n bɔ̀ cɔ́ ɛnhɛ́n léyi dú Ɔwɔ yri và nɔn, ô bɔ̀ nyri anvrɛn hɔ̀n léyi Ɔwɔ tán bɔ̀ nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:3

Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ

Efɛzɛ̀n anmàn-bɔ̀ 6:22

Me yüre nyɛ̀n nɛ́n, ô nɛ̀n dɔ́ nyɛ̀n ɔmu le bɔ̀ hán bɔ́ dù, ô nɛ̀n bi ɛnbɔrɛ nɛ̀n wá nyɛ̀n.

Filipɛ̀n anmàn-bɔ̀ 2:1

Ny'ɔbɔ̀sɔ̀ nyɛ́n mán Krisì mɛhi kɛ tán nyɛ̀n edùyì hɛ̀? N'ɛcüɛ̀n kɛ vá sɩ́ nyɛ̀n ɛnbɔrɛ-bi-wá? Nyɛ́n mán Ɛnhɛ́n Prɔnprɔn mɛhi nyɛ́n dú ɔbɔ̀sɔmɛ̀n hàn? Nyɛ́n ẅɛn ɛcüɛ̀n mán ɛnbɔrɛ-wɔwɔ nyɛ tán ny'edomɛ̀n hàn?

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Kɔlɔsèn anmàn-bɔ̀ 1:26

hɩ mɛ̀n kɛ dɔ̀ le, n'ɛnbɔrɛmɛ̀n ankɔ́nda-ci-hán ankà léyi dú ɛbán mɛ̀n ɛnvra lɔ fɛn tán anwrɔnẅì lɔ fɛn, tɛ́n zɛtɛ̀ lɔ, nɛ́n bɩ nɛ̀n yé ankaẅì-bùtan-ẅɛn-bɔ̀.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 2:19

yɔ sɩ́ cɔ́ Krisì mɛhi yɔ yɛ́a, nɛ́n léyi nɛ̀n dú ɛnkru nɔn. Kɩ ndɔ lɔ mán Krisì kɔrɛ̀levriemɛ̀n de antà-dùwrú mumù lɔ fɛn kɛ cɔ́ ɛci-zî, kɩ ke dú ɔbɔ̀sɔ mɛ̀n nɛ́n mán esruyri hɔ̀n léyi dú anẅia mɛ̀n nɔn, kɩ nɛ sɔ́ kɛ hán ɔmu le Ɔwɔ ke ji nɔn.

Kɔlɔsèn anmàn-bɔ̀ 3:14

Kɩ eci lɔ fɛn wú, nyɛ́n bɩ́ ɛcüɛ̀n nyɛ́n hɛ́n, ɛhɛ́ ndɔ léyi kɛ lɛ tán nyɛ̀n ɔbɔ̀sɔ kɔrɛ̀levri kokroho nɔn.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Kɔlɔsèn anmàn-bɔ̀ 4:8

Me yüre nyɛ̀n nɛ́n kɩ, ô nɛ̀n dɔ́ nyɛ̀n bɔ́ edúyri ankà ô, nɛ̀n bi ɛnbɔrɛ nɛ̀n wá nyɛ̀n.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

1 Tesalonikɛ̀n anmàn-bɔ̀ 5:14

Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 6:11

Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho.

2 Piɛrɛ̀n 1:10

Hɩ le kruhú de, anwrɔn-nɛ́n-muan-ẅì hɔ̀n, nyɛ́n vru nyɛ́n hán kèkrèmɛ̀n, ô Ɔwɔ bì léyi bi nyɛ̀n mán ɛmrɛ̀n léyi nɛ̀n mrɛ́n nyɛ̀n nɛ́n bɩ nɔn, ɔmuhi ke dú kɛ ny'ɛhán ɔmu lɔ hô, nyɛ́n sɩ̀ bru ɛgbàn mɛ̀n mrìmrì.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

1 Zhan 3:19

Nyàn ɔmu le bɔ́ le nyrì le bɔ́ dú annanwɔrɛ tɛn nɔn. Nyàn ɔmu le bɔ́ ɛnbɔrɛ lɔ ke le dú esɛ́ mɛ̀n Ɔwɔ zìwú nɔn.

1 Zhan 5:7

Dalɛfuɛ-di-bɔ̀ anhɔ̀n de dù nɔn: