Kɔlɔsèn anmàn-bɔ̀ 2:1 - Ɛmɛẅi ankà ankrànkràn 2003

¹ Me ji mɛ̀n tán nyɛ̀n nyɛ́n nyri ɛgbànkàn shishi léyi mɛ kán ny'ɛwú, nyɛ́n mán Laodise anmàn-bɔ̀ mɛhi mán anwrɔn nyàntɛn hɔ̀n léyi kè sɩ̀ nyri mɛ̀n antà-dùwrú mɛ̀n nɔn.

Kɔlɔsèn anmàn-bɔ̀ 2:1 Iomraidhean Croise

Lükɛ̀n 22:44

Zhezü dú ejüeziemɛ̀n kɩ nɛ sán sɛ́n Ɔwɔ edùyiemɛ̀n. N'ɛnwrù lɔ srɔ ɛnkrɛ̀ kɛ srá cüe ɛnhibɩ́ɛ.]

Ɔkɔ̀hɔ̀n-wá-bɔ̀ kɔ̀hɔ̀n hán 20:25

Mɛ̀n ci ny'ɛmɛ̀n kɩ mɛ dɔ́ Anhobɩ́ Nɛ̀ncüì-dúyri ankà, tɛ́n zɛtɛ̀ lɔ, mɛ̀n nyri ɔmu le, ny'ɛmɛ̀n lɔ, ɔwrɔn zriɛmɛ́n ke sɩ̀ vru kán mɛ̀n hàn.

Ɔkɔ̀hɔ̀n-wá-bɔ̀ kɔ̀hɔ̀n hán 20:38

Yɔ zeze yɔ dú oboto mɛ̀n, ɔmuhi Pɔlɛ̀n dɔ́ yɔ le, yɔ sɩ̀ vru kán nɛ̀n hàn. Zɛtɛn, yɔ hɔ́n sɩ́ nɛ̀n ɛnhyàbri-hɛ̀ tɛ̀sɛ̀n.

Galasi anmàn-bɔ̀ 4:19

M'ɛẅì hɔ̀n, mɛ̀n vru me di ejüe ny'ɛkruhú hán ɛnnyɔnwrɔn tɔ̀n léyi ke bî ɛnẅì nɔn, hàn kɩ nyɛ́n nyri kpete mɛ̀n le Krisì dú nyɛ̀n ɛmɛ̀n.

Filipɛ̀n anmàn-bɔ̀ 1:30

Zɛtɛ̀ lɔ, nyɛ kɔ́n anhà zri léyi nyɛ́n kán mɛ̀n ɛnbìɛhɛ́n vra mɛ kɔ̀n, kɩ mɛ̀n vru mɛ kɔ̀n, hán ɔmu le nyɛ́n nyrì nɔn hɔ́.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

Kɔlɔsèn anmàn-bɔ̀ 2:5

Hɩ mán, ke dú kɛ, mɛ̀n sɩ̀ dú nyɛ̀n ɛmɛ̀n antà-dùwrúemɛ̀n hô, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n, kɩ mɛ̀n dú ɛnbɔrɛ-bruemɛ̀n, hɩ le mɛ kán nyɛ̀n nyɛ nyɔn ɛshishiemɛ̀n ny'ankaẅì-bùtan-ẅɛ̀n Krisì mɛ̀n nɔn.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

Ebre-bɔ̀ 5:7

N'ɛnhiwú wúvà lɔ mɛ̀n, Zhezü sɛ́n Ɔwɔ, kɩ wú ɛnhyɔ̀bɔ̀, bobo cüìcüì diemɛ̀n, gbɛ́ anvɛshi tán Ɔwɔ léyi ẅɛn ɛkɔrɛ̀srɔn kɛ lɛ ẅɛn nɛ̀n owúemɛ̀n kɛ̀ sɔhɔ́ tɛ̀ nɔn. Kɩ Ɔwɔ yá n'Ɔwɔ-sɛ̀n lɔ, n'edomɛ̀n ɛnhi-sɩ́ kruhú.

1 Piɛrɛ̀n 1:8

Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”