Kɔlɔsèn anmàn-bɔ̀ 1:9 - Ɛmɛẅi ankà ankrànkràn 2003

⁹ Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 1:9 Iomraidhean Croise

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 12:5

Piɛrɛ̀n dú anwɔn-mɛ̀n-wá-wɔn mɛ̀n, tɛ́n Ɔwɔ-fɛcüè-bɔ̀ kɛ sɛ́n Ɔwɔ tán nɛ̀n edùyiemɛ̀n.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

1 Korɛntɛ̀n anmàn-bɔ̀ 1:5

Annanwɔrɛ mɛ̀n lɔ, nyɛ́n mán Krisì mɛhi ny'ɔbɔ̀sɔ̀ lɔ mɛ̀n nyɛ́n di ɛnnɛ̀ncüì, anvrɛn lɔ fɛn mɛ̀n, annànnàn le ankà-dɔ̀ mán eci-nyrì lɔ fɛn.

Efɛzɛ̀n anmàn-bɔ̀ 1:8

ɛnshifù léyi nɛ̀n tán bɔ̀ bobrebe ɛnvra léyi nɛ̀n tán bɔ̀ ankà-nyrì mán ɛnkruemɛ̀n-ẅɛ̀n léyi sɛ́n nmù nɔn:

Efɛzɛ̀n anmàn-bɔ̀ 5:10

Nyɛ́n hán kèkrèmɛ̀n nyɛ́n nyri eci léyi kɛ zrɔ Ɛẅɛnwrɔn nɔn.

Efɛzɛ̀n anmàn-bɔ̀ 5:17

Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Efɛzɛ̀n anmàn-bɔ̀ 6:6

Nyɛ́n bɩ́ hán nɛ̀n tɛ̀kɩ ɔmuhi yɔ nán nyɛ̀n, ô nyɛ́n cüɛn yɔ ɛvɛ̀ kɩ, tɛ́n nyɛ́n hán Ɔwɔ kɔrɛ̀-zì-ci ny'ɛnbɔrɛ lɔ fɛn mɛ̀n kɛ̀ hán Krisì ci-bɩtan-bɔ̀ hɔ́.

Filipɛ̀n anmàn-bɔ̀ 1:4

Ɛnvra hɔ̀n lɔ fɛn léyi mɛ sɛ́n tán nyɛ̀n nɔn, mɛ hán nɛ̀n pɔpüɛ̀ mɛ̀n,

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

1 Tesalonikɛ̀n anmàn-bɔ̀ 5:17

nyɛ́n sɛ́n ɛnvra lɔ fɛn,

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

Filemɔn 1:4

Ɛnvra hɔ̀n lɔ fɛn léyi mɛ sɛ́n Ɔwɔ nɔn, me tro v'ankà, Filemɔn, kɩ mɛ tán Ɔwɔ ɔkùɛn;

Filemɔn 1:6

Mɛ dɔ́ Ɔwɔ le ankaẅìbùtan léyi bɔ́ mán vɛ́n mɛhi bɔ́ ẅɛ̀n nɔn, kè dú eci ankrankran v'ɛmɛ̀n, ô kɛ̀ hán ye nyri anvrɛnvrɛn, ɛci ankrankran hɔ̀n léyi bɔ̀ ẅɛn bɔ́ ɛwúvà lɔ mɛ̀n bɔ́ mán Krisì mɛhi nɔn.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Zhakɛ̀n 1:5

Tɛ́n ny'ɛmɛ̀n lɔ, ke dú kɛ ɔwrɔn tɔ̀n ke sɩ̀ ẅɛ̀n ankà-nyrì, ke ji le nɛ̀n sán Ɔwɔ kɩ kɛ lɛ tán nɛ̀n; ɔmuhi Ɔwɔ kɛ tán anwrɔn lɔ fɛn eci ankora ɛnbɔrɛ anvrɛnvrɛn mɛ̀n nɔn.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.

1 Piɛrɛ̀n 2:15

Annanwɔrɛ mɛ̀n lɔ, eci léyi Ɔwɔ ke ji nɔn, dú hɩ le ke ji le bɔ̀ hán anvrɛn kɔ̀hɔ̀n, ô ɔbrɔ̀sà-bɔ̀ mán yɔ hɔ̀n léyi kè sɩ̀ ẅɛ̀n ɛnkruemɛ̀n nɔn, bɔ̀ kɛ́n yɔ ɔmùan bɔ̀ hɛ́n.

1 Piɛrɛ̀n 4:2

Bukru zɛtɛ̀ lɔ nɔn, ke ji le ny'ɛwúvà léyi wɔrɔ dú nyɛ̀n ɛnu hi nɔn, kè dú Ɔwɔ-ci-hán bɔ̀sɔ mɛ̀n, tɛ́n ke bɩ́ dú anwrɔnẅì ankàtro mɛ̀n.

1 Zhan 2:17

Ɛnhibù dú ɛvàciemɛ̀n, nɛ́n mán ɛci hɔ̀n lɔ fɛn léyi anwrɔnẅì kɛ cüɛ̀n nɔn; tɛ́n ɔwrɔn léyi kɛ hán Ɔwɔ kɔrɛ̀zì-ci nɔn, nɛ̀n dú ɛwúvà mɛ̀n ɛnvra lɔ fɛn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.