Kɔlɔsèn anmàn-bɔ̀ 1:7 - Ɛmɛẅi ankà ankrànkràn 2003

⁷ Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.

Kɔlɔsèn anmàn-bɔ̀ 1:7 Iomraidhean Croise

Matie 18:29

Nɛ́n nyran lɔ shɛ́n nɛ̀n annankru ezìwúɛ, kɛ sɛ́n nɛ̀n kɛ dɔ̀ le: ‘Ɛ̀ tán mɛ̀n ɛnvra jan, kɩ me le di mɛ́n v'ɔwɔɛ̀n lɔ!’

Matie 24:45

“Antɔn de dú ɔmùan zri dì mán ɛnkruemɛ̀n ẅɛ̀n ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn wá antamɛ̀n, ɛci-bɩtan-bɔ̀ nyàntɛn, ô nɛ̀n wá yɔ esùva ɛci-zîemɛ̀n ɛnvra léyi nɛ̀n wá nɔn.

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

1 Korɛntɛ̀n anmàn-bɔ̀ 4:2

Eci lɔ fɛn léyi ye ji ɛci-nán-wrɔn tamɛ̀n nɔn, dú ɔmùan-zri-dì.

1 Korɛntɛ̀n anmàn-bɔ̀ 7:25

Hɩ le kɛ crɛ-nyan anwrɔn hɔ̀n léyi kè sɩ̀ wà eyiri-mùan nɔn, Ɛẅɛnwrɔn kè sɩ̀ tán mɛ̀n ɛnyànmàn; tɛ́n mɛ dɔ́ mɛ́n dùku m'ɛnkruemɛ̀n ankà, mɛ̀n léyi Ɛẅɛnwrɔn bɔrɛ wɔwɔ lɔ mɛ̀n, mɛ̀n ẅɛn n'esɛ̀ kɔrɛ̀levri nɔn.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

Efɛzɛ̀n anmàn-bɔ̀ 5:21

Nyɛ́n sɩ́ ny'edomɛ̀n ɛnhi nyɛ́n tán ny'edomɛ̀n, Krisì wá léyi nyɛ́n ẅɛ̀n nɔn hɩ kruhú.

Filipɛ̀n anmàn-bɔ̀ 2:25

Mɛ̀n tro le dú eci anvrɛnvrɛn ke dú kɛ me yüre nyɛ̀n bɔ́ muan-ẅì Epafroditɛ̀n m'ɔkɔhɔ̀n mán m'ɛgbànkàn kɔrɛ̀-wá-wrɔn, nɛ́n léyi nyɛ́n wá nɛ̀n ɔkɔ̀hɔ̀n nɛ̀n bɩ́ ny'ɛkɔrɛ̀-wá-ci lɔ nɛ̀n và sɩ́ mɛ̀n nɔn.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

Kɔlɔsèn anmàn-bɔ̀ 4:7

Tishikɛ̀n, bɔ́ nyran, ɔwrɔn-nɛ́n-muan-ẅì anvrɛnvrɛn ndɔ lɔ mán ɔmùan-zri-di-wrɔn kɔrɛ̀-wá-wrɔn léyi dú Ɛẅɛnwrɔn ci-bɩ̀tan-kɔ̀hɔ̀n lɔ mɛ̀n nɔn, kɛ lɛ dɔ́ nyɛ̀n m'ɛmɛẅi ankà hɔ̀n lɔ fɛn.

Kɔlɔsèn anmàn-bɔ̀ 4:9

Onezimɛ̀n dú n'ɛhɔ̀n-sɩ́-wrɔn, ɔwrɔn-nɛ́n-mùan-ẅì anvrɛnvrɛn léyi ke di ɔmùan-zri, hɩ dú ny'ɛmɛ̀n-wrɔn tɔ̀n nɔn. Yɔ lɛ dɔ́ nyɛ̀n eci lɔ fɛn léyi ke ci ɔnu lɔ nɔn yi ankà.

Kpàkpà timote 4:6

Ke dú kɛ e yé anwrɔn nɛ́n muan-ẅì hɔ̀n ankà ndɔ hɔ̀n lɔ hô, e le dú Zhezü Krisì ci-bɩ̀tan-wrɔn ankrankran tɔ̀n, e le yé tán le ankaẅìbùtan ankà-dɔ̀ mán ankà-yé annanwɔrɛ léyi ɛ kɛ́n ɛsɛ̀n nɔn, dú v'ɛcizî.

Anhyrɛmɛ̀n timote 2:2

Ankà léyi ɛ̀ yá mɛ̀n dɔ́ dalɛfuɛ-di-bɔ̀ bobrebe zìwú nɔn, è bɩ́ ankà lɔ ɛ̀ tán anwrɔn hɔ̀n léyi ɛ̀ ẅɛn esɛ́ y'ɛwú nɔn, kɩ yɔ mán yɔ lɛ ẅɛn ecüì yɛ lɛ dɔ̀ yé anwrɔn nyàntɛn.

Filemɔn 1:23

Epafrasɛ̀n léyi nɛ́n mɛhi bo dú anwɔn-mɛ̀n-wá-wɔn mɛ̀n Zhezü Krisì kruhú nɔn, ke bi nyɛ̀n nyan,

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 3:2

Annanwɔrɛ mɛ̀n lɔ, Ɔwɔ mrɛ́n nɛ̀n nbɩ́ ɔkɔ̀hɔ̀n ndɔ lɔ kruhú, kɩ nɛ̀n di ɔmùan zri Ɔwɔ tɛsɛ̀n hán Mohizì léyi ye merɛ́n n'ɛwú ankà yɛ dɔ̀ le: “Nɛ̀n di ɔmùan zri, Ɔwɔ bɩ́ mumù lɔ fɛn mɛ̀n.”