Kɔlɔsèn anmàn-bɔ̀ 1:6 - Ɛmɛẅi ankà ankrànkràn 2003

⁶ Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

Kɔlɔsèn anmàn-bɔ̀ 1:6 Iomraidhean Croise

Matie 24:14

Anhobɩ́ Nɛ̀ncüì-dúyri mɛẅi ankà ankrànkràn ndɔ lɔ ke le bonyí ɛnhibù mumù lɔ wú, ô fɛcüè lɔ fɛn kè di nɛ́n dalɛfuɛ. Kɩ zɛtɛn ɛnhibù trɔ vra kɛ lɛ cɔ̀.”

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Markɛ̀n 16:15

Zɛtɛn nɛ dɔ́ yɔ le: “Nyɛ́n hɔ́n ɛnhibù lɔ fɛn wú nyɛ́n dɔ́ anwrɔn Ɛmɛẅi ankà Ankrànkràn lɔ.

Markɛ̀n 4:8

Ɔtrɔmɛ̀n lɔ ɛci ndɔ hɔ̀n cüe ɛnhi ankrànkràn mɛ̀n; kɩ ɛci hɔ̀n lɔ dì, sɔ́, kɩ shi ɛẅì: ndɔ hɔ̀n ke shi ɛẅì ɛẅia-ɛvà, ɛnjanbɔ̀ ɛkoẅi-anhɔ̀n, kɩ ndɔ hɔ̀n ɛkoẅi-ɛnrì.”

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 17:19

Me bɩ́ m'edomɛ̀n mɛ tán mɛ́n kokrohô y'ɛkruhú, ô yɔ mán yɔ dú vɛ tɛn annànwɔrɛ mɛ̀n.”

Zhan 4:23

Tɛ́n ɛnvra kɛ và, kɩ ɛnvra lɔ mán cɔ̀a, kɩ Ɔwɔ-sɛ́n-bɔ̀ annanwɔrɛ hɔ̀n lɔ, kɛ lɛ sɛ́n Ɔwɔ Zi ɛnhɛ́n mɛ̀n mán annanwɔrɛ mɛ̀n; ɔmuhi Ɔwɔ ke ji le Ɔwɔ-sɛ́n-bɔ̀ kè cüe nɛ̀n ankɔrɛ̀ ezìwú ɔmu lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:18

Ɛnvra léyi yɔ yá ankà ndɔ hɔ̀n lɔ trɔ nɔn, yɔ sɩ́ y'edomɛ̀n ɛnhi kɩ yɔ mrɛ́n Ɔwɔ yɔ dɔ̀ le: “Dú annanwɔrɛ, Ɔwɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, mán ɛkɔrɛ̀levri kɛ̀ crɔn ɛnkru ô kɛ̀ cɔ́ ɛwúvà annanwɔrɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 12:24

Tɛ́n Ɔwɔ-mùan-ankà-dɔ̀ lɔ kɛ sán bonyì.

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 1:13

Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn.

Rɔmɛ̀n-anmàn-bɔ̀ 15:19

anvɛmɛ̀n-frɛ́n-ci mán eci-woroan-ci kɔrɛ̀-srɔn mɛ̀n, mán Ɔwɔ Hɛ́n kɔrɛ̀-srɔn mɛ̀n. Ɔmu lɔ de mɛ̀n dɔ́ anvrɛnvrɛn mɛ̀n Krisì mɛẅi ankà ankrànkràn lɔ, me ci ɛyri lɔ fɛn bukru Zherüzalɛmɛ̀n anmàn, hàn kɩ cɔ́ Iliri kpɔsɔ wú.

Rɔmɛ̀n-anmàn-bɔ̀ 15:28

Ɛnvra léyi mɛ lɛ trɔ ɔkɔ̀hɔ̀n ndɔ lɔ n'ɛhán, hɩ me le bɩ́ ɛkɔrɛ̀-wá ci lɔ mɛ̀n tán yɔ nɔn, me le bɩ́ Ɛspanyɛ̀n levri kɩ me le ci ny'anmàn.

Rɔmɛ̀n-anmàn-bɔ̀ 16:26

tɛ́n zɛtɛ̀ lɔ, ye sɩ́ nɛ̀n ɛyri-kán mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n; hán ɔmu le godogodo Wɔ wá tán nɔn, yɛ tán ɛnhi wú anmàn hɔ̀n lɔ fɛn nyrì, ô yɔ bú n'ankà yɔ tán ankaẅì, yɔ ẅɛn n'ɔwá.

2 Korɛntɛ̀n anmàn-bɔ̀ 10:14

Bɔ́ sɩ́ wi b'ɔvɔ̀n hɔ̀n lɔ, ke le dù kɛ̀ lɛ hán le, bɔ́ sɩ̀ và ny'edúyri; ɔmuhi bɔ́ dú ɛnvrakpà-bɔ̀ léyi vá cɔ́ nyɛ̀n anvrɛnvrɛn mɛ̀n kɩ vá sɩ́ nyɛ̀n Krisì Mɛẅi ankà Ankrankran lɔ nɔn.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

Efɛzɛ̀n anmàn-bɔ̀ 3:2

Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn.

Efɛzɛ̀n anmàn-bɔ̀ 4:21

Annanwɔrɛ mɛ̀n lɔ, nyɛ́n yá ankà lɔ fɛn léyi dú Krisì tɛn nɔn, kɩ ɔmuhi, nyɛ́n dú Krisì-sɛ̀nkɛn-bɔ̀ nɔn, ye yé nyɛ̀n annanwɔrɛ ankà léyi dú Zhezü mɛ̀n nɔn.

Efɛzɛ̀n anmàn-bɔ̀ 4:23

Ke ji le nyɛ́n teze ny'edomɛ̀n kokroho yɛ crɔn nyɛ̀n owrù, ɛnbɔrɛ mɛ̀n mán ɛnhɛ́n mɛ̀n.

Efɛzɛ̀n anmàn-bɔ̀ 5:9

ɔmuhi, ɛyri-kàn kɛ shi ɛzrɔ mɛ̀ntɛ mɛ̀ntɛ, esùnan anvrɛnvrɛn mán annanwɔrɛ nɔn.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 4:17

Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

1 Piɛrɛ̀n 5:12

Mɛ̀n merɛ́n nyɛ̀n owrú buri ndɔ lɔ, mɛ̀n mán Silasɛ̀n kɔrɛ̀-wá mɛ̀n, nɛ́n léyi me bɩ́ nɛ̀n mɛ hán ɔwrɔn-nɛ́n-muanẅì tɔ̀n léyi ke di ɔmùan zri nɔn. Mɛ̀n hán eci ndɔ lɔ, ô mɛ̀n yí nyɛ̀n edù, mɛ̀n hán tán nyɛ̀n nyɛ́n nyrì le, Ɔwɔ nboafɔ̀n annanwɔrɛ mɛ̀n de nyɛ́n dù nɔn.