Kɔlɔsèn anmàn-bɔ̀ 1:4 - Ɛmɛẅi ankà ankrànkràn 2003

⁴ Annanwɔrɛ mɛ̀n lɔ, bɔ̀ yá ny'ankaẅì-bùtan-ẅɛn ankà Zhezü Krisì mɛ̀n mán ɛcüɛ̀n léyi nye yé ankaẅì-bùtan-ẅɛn-bɔ̀ lɔ fɛn nɔn.

Kɔlɔsèn anmàn-bɔ̀ 1:4 Iomraidhean Croise

2 Korɛntɛ̀n anmàn-bɔ̀ 7:7

Kɩ kè sɩ̀ dù n'ɛvà lɔ tɛ̀kɩ de kɛ̀ tán bɔ̀ ecüì ndɔ lɔ nɔn, tɛ́n vru dú ɔmu le nyɛ́n hán nyɛ́n tán nɛ́n dùku ɛnbɔrɛ-bi-wá nɔn. Nɛ́n dɔ́ bɔ̀ ɛkàn léyi nyɛ́n vru nye ji nyɛ́n kán mɛ̀n, ny'obòto ankà, ny'edùyì léyi nyɛ́n ẅɛn m'ankà-dɔ̀ tán ci-hán mɛ̀n nɔn yi ankà. Kɩ nyàn eci le kruhú léyi mɛ́n pɔpüɛ̀-brà vru dú evrisiemɛ̀n nɔn.

Galasi anmàn-bɔ̀ 3:26

Ɔmuhi nyɛ lɛ fɛn nyɛ́n dú Ɔwɔ ẅì hɔ̀n ankaẅì-bùtan léyi bɔsɔ́ nyɛ́n mán Zhezü Krisì mɛhi nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

Filemɔn 1:5

ɔmuhi mɛ yá yɛ dɔ́ ɛcüɛ̀n léyi ɛ̀ ẅɛn ankaẅìbùtan bɔ̀ wú, mán ankaẅìbùtan léyi dú mɛ́n Ɛẅɛnwrɔn Zhezü mɛ̀n nɔn.

Ebre-bɔ̀ 6:10

Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva.

1 Zhan 3:14

Bɔ́ nyri ɔmu le bɔ̀ cɔhɔ́ owù tɛsɛ̀n, ô bɔ̀ bru ɛwúvà mɛ̀n; bɔ̀ nyri ndɔ lɔ ɔmuhi bɔ́ cüɛn bɔ́ muan-ẅì hɔ̀n nɔn. Ɔwrɔn léyi kè sɩ̀ ẅɛ̀n ɛcüɛ̀n nɔn, nɛ̀n vru nɛ̀n dú owúemɛ̀n.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.

1 Zhan 4:16

Kɩ bɔ́, bò nyri ɛcüɛ̀n léyi Ɔwɔ ẅɛn bɔ́ ɛwú, kɩ bɔ́ bú tán ankaẅì. Ɔwɔ dú ɛcüɛ̀n: ɔwrɔn léyi ke dú ɛcüɛ̀n mɛ̀n nɔn, nɛ̀n dú Ɔwɔ mɛ̀n kɩ Ɔwɔ dú nɛ̀n ɛmɛ̀n.