Kɔlɔsèn anmàn-bɔ̀ 1:3 - Ɛmɛẅi ankà ankrànkràn 2003

³ Bɔ́ tán Ɔwɔ ɔkùɛn ɛnvra lɔ fɛn léyi bɔ́ sɛ́n tán nyɛ̀n, nɛ́n léyi nɛ̀n dú bɔ́ Ɛẅɛnwrɔn Zhezü Krisì nɛ́n Zi nɔn.

Kɔlɔsèn anmàn-bɔ̀ 1:3 Iomraidhean Croise

Rɔmɛ̀n-anmàn-bɔ̀ 15:6

Zɛtɛn, nyɛ lɛ fɛn lɔ, esùva zriemɛ̀n, nyɛ lɛ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ̀n Zi.

1 Korɛntɛ̀n anmàn-bɔ̀ 1:4

Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn.

2 Korɛntɛ̀n anmàn-bɔ̀ 1:3

Bɔ̀ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ́n Zi, ɔwrɔn nɛ́n Zi léyi di ɛnnɛ̀ncüì ɛzrɔ mɛ̀n nɔn, Ɔwɔ léyi kɛ tán ɛnbɔrɛ-bi-wá eci lɔ fɛn mɛ̀n nɔn!

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

1 Tesalonikɛ̀n anmàn-bɔ̀ 1:2

Bɔ́ tán ɛnvra lɔ fɛn Ɔwɔ ɔkùɛn ny'ɛkruhú kɩ bɔ́ tro ny'ankà b'ɔwɔ-sɛ̀n hɔ̀n lɔ fɛn mɛ̀n.

Anhyrɛmɛ̀n timote 1:3

Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn.