Kɔlɔsèn anmàn-bɔ̀ 1:2 - Ɛmɛẅi ankà ankrànkràn 2003

² Ebinyan zri lɔ dú Ɔwɔ-fɛcüè léyi dú Kɔlɔsɛ̀n anmàn, hɩ dú bɔ́ muan-ẅì hɔ̀n ɔmùan-zri-diemɛ̀n yɔ mán Krisì mɛhi y'ɔbɔ̀sɔ̀ lɔ mɛ̀n nɔn tɛn: Ɔwɔ léyi dú bó Zi nɔn, kɛ̀ tán nyɛ̀n nboafɔ̀n mán anwɔwɔ.

Kɔlɔsèn anmàn-bɔ̀ 1:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

Galasi anmàn-bɔ̀ 1:3

Ɔwɔ léyi dú bɔ́ Zi mán Ɛẅɛnwrɔn Zhezü Krisì nɔn kɛ̀ tán nyɛ̀n nboafɔ̀n mán anwɔwɔ.

Galasi anmàn-bɔ̀ 3:9

Abrahamɛ̀n bú tán ankaẅì kɩ ye fú nɛ̀n ɛnshi; ɔmu lɔ de, anwrɔn hɔ̀n lɔ fɛn léyi ke bú tán ankaẅì nɔn, cɔ́ ɛnshi-fù hán nɛ́n hɔ́.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Efɛzɛ̀n anmàn-bɔ̀ 6:21

Tishikɛ̀n léyi dú bɔ́ muan-ẅì ankrankran mán ɔmùan-zri-di-wrɔn kɔrɛ̀-wá-wrɔn, Ɛẅɛnwrɔn ci-bɩtan kɔ̀hɔ́n lɔ mɛ̀n nɔn, kɛ lɛ tán nyɛ̀n m'ɛmɛẅi ankà lɔ fɛn, ô nyɛ́n nyri eci léyi mɛ̀n srɔ nɔn.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

1 Piɛrɛ̀n 1:2

Ɔwɔ Zi mrɛ́n nyɛ̀n nbɩ hán ɔmu le nɛ́n gɔ̀ wá n'ankɔ́nda ci-hán mɛ̀n nɛ̀n hɛ́n; nɛ̀n mrɛ́n nyɛ̀n nɛ̀n hɛ́n ɔhɔ́nan, Ɛnhɛ́n Prɔnprɔn kɔrɛ̀levriemɛ̀n, ô nyɛ́n ẅɛn Zhezü Krisì wá, ô n'ɛnkrɛ̀ kè fi nyɛ̀n edomɛ̀n. Ɔwɔ kɛ̀ tán nyɛ̀n nboafɔ̀n mán anwɔwɔ bobrebe.

2 Piɛrɛ̀n 1:2

Nboafɔ̀n mán anwɔwɔ bobrebe kɛ và cɔ́ nyɛ̀n, Ɔwɔ mán bɔ́ Ɛẅɛnwrɔn Zhezü nyrì annanwɔrɛ mɛ̀n.

Zhüdɛ̀n 1:2

Ɛgbanbɩce, anwɔwɔ mán ɛcüɛ̀n bobrebe kɛ và dú nyɛ̀n ɛmɛ̀n.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,