Kɔlɔsèn anmàn-bɔ̀ 1:12 - Ɛmɛẅi ankà ankrànkràn 2003

¹² Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

Kɔlɔsèn anmàn-bɔ̀ 1:12 Iomraidhean Croise

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Zhan 4:23

Tɛ́n ɛnvra kɛ và, kɩ ɛnvra lɔ mán cɔ̀a, kɩ Ɔwɔ-sɛ́n-bɔ̀ annanwɔrɛ hɔ̀n lɔ, kɛ lɛ sɛ́n Ɔwɔ Zi ɛnhɛ́n mɛ̀n mán annanwɔrɛ mɛ̀n; ɔmuhi Ɔwɔ ke ji le Ɔwɔ-sɛ́n-bɔ̀ kè cüe nɛ̀n ankɔrɛ̀ ezìwú ɔmu lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:32

Kɩ zɛtɛ̀ lɔ, me bɩ́ nyɛ̀n mɛ wá Ɔwɔ mán nɛ́n boafɔn ankà-dɔ̀ tamɛ̀n. Nɛ̀n ẅɛn ɛkorɛ̀srɔn léyi kɛ lɛ hán ny'ankaẅì-bùtan lɔ kɛ̀ hɔ́n ezì kɩ nɛ lɛ tán nyɛ̀n ɛci hɔ̀n léyi nɛ̀n wá ɔmùan nɛ̀n hɛ́n anwrɔn hɔ̀n léyi dú nɛ tɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 15:27

Yɔ dùku yɔ wá ɔmùan, tɛ́n annanwɔrɛmɛ̀n lɔ yɔ ẅɛn yɔ ɔwɔ̀ɛn. Ɔmuhi Zhüifɛ̀n-bɔ̀ léyi dú Krisì-sɛ̀nkɛn-bɔ̀ nɔn, dɛ́ y'ɛnhɛ́n mɛ̀n ci-ẅɛ̀n ankrankran lɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn; kɩ yɔ léyi yɔ sɩ̀ dù Zhüifɛ̀n-bɔ̀ nɔn, yɔ mán ke ji le yɔ wá anwrɔn hɔ̀n léyi ẅɛn y'ankà-tro ankrankran nɔn ɛkɔrɛ̀.

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

Rɔmɛ̀n-anmàn-bɔ̀ 9:23

Tɛ́n ne ji nɛ̀n yé ɔmu lɔ le n'eci-zrɔ ẅɛn vɔ̀nshɛ́ anwrɔn nyantɛn hɔ̀n wú, anwrɔn hɔ̀n léyi nɛ̀n ẅɛn yɔ ɛnhyɔ̀bɔ̀-nyrì, anwrɔn hɔ̀n léyi nɛ́n gɔ̀ wá esùva nɛ̀n hɛ́n ô kè dú n'eci-zrɔ lɔ mɛ̀n nɔn.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

1 Korɛntɛ̀n anmàn-bɔ̀ 9:23

Mɛ hán ndɔ lɔ fɛn Ɛmɛẅi ankà Ankrankran lɔ kruhú, ô mɛ̀n cɔ́ anvrɛn-hán léyi dú nɛ̀n ɛwú nɔn.

2 Korɛntɛ̀n anmàn-bɔ̀ 11:14

Ɛnu lɔ anvɛmɛ̀n-frɛ́n-ci zriɛmɛ́n bàdà nɛ̀n ɛmɛ̀n, ɔmuhi Anwa-wrɔn dùku mán kɛ srɔ n'edòmɛ̀n ɛyri-kán Wɔ-kùyüre-wrɔn nɔn.

2 Korɛntɛ̀n anmàn-bɔ̀ 5:5

Ɔwɔ dùku de wá ndɔ lɔ tán bɔ̀ nɔn, kɩ nɛ̀n tán bɔ̀ n'Ɛnhɛ́n kè dú anhoba ci kɛ̀ vrá anvrɛn hɔ̀n léyi nɛ wá nɛ̀n hɛ́n bɔ̀a nɔn.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 2:18

Annanwɔrɛ mɛ̀n lɔ, Krisì mɛ̀n de bɔ lɛ fɛn, Zhüifɛ̀n-bɔ̀ mán yɔ hɔ̀n léyi kè sɩ̀ dù Zhüifɛ̀n-bɔ̀ nɔn, bɔ́ lɛ srɔ Ɔwɔ Zi ziwú tɛ̀, Ɛnhɛ́n Prɔnprɔn zri lɔ n'ecüìemɛ̀n.

Efɛzɛ̀n anmàn-bɔ̀ 3:6

Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.

Efɛzɛ̀n anmàn-bɔ̀ 4:6

Ɔwɔ zri kɩ ndù, anwrɔnẅì lɔ fɛn yɔ Zi, n'ɛyri-ẅɛ̀n dú eci lɔ fɛn wú, nɛ hán eci anwrɔn lɔ fɛn mɛ̀n kɩ nɛ̀n dú anwrɔn lɔ fɛn mɛ̀n.

Efɛzɛ̀n anmàn-bɔ̀ 5:11

Nyɛ́n bɩ́ ẅɛn eci zriɛmɛ́n ke dú eci-hán-ci woro hɔ̀n léyi yɛ hán ɛyri-yɔwɔ mɛ̀n nɔn; nyɛ́n sɩ́ yɔ ɛntrɛ kpràkprà.

Efɛzɛ̀n anmàn-bɔ̀ 5:20

Nyɛ́n tán Ɔwɔ Zi ɔkùɛn ɛnvra lɔ fɛn mán eci lɔ fɛn mɛ̀n, bɔ́ Ɛẅɛnwrɔn Zhezü Krisì bɩmɛ̀n.

Efɛzɛ̀n anmàn-bɔ̀ 5:4

Kè sɩ̀ zrɔ̀ tán le nyɛ́n vru nyɛ́n dɔ́ ankà hɔ̀n léyi dú ɛnbrámɛ̀n-ci-hán ankà hɩ ẅɛn nyrànnyràn nɔn. Zrɔ tán le nyɛ́n hán ɛnyri-kùɛn-tán Wɔ-sɛ̀n.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kɔlɔsèn anmàn-bɔ̀ 3:15

Krisì, n'anwɔwɔ lɔ kɛ̀ ẅɛn ɛyri ny'ɛnbɔrɛ hɔ̀n lɔ mɛ̀n; annanwɔrɛ mɛ̀n lɔ, anwɔwɔ ndɔ lɔ mɛ̀n de Ɔwɔ bi nyɛ̀n, nyɛ́n dú edùwrú zri mɛ̀n ci. Nyɛ́n hán enyrì-kùɛn-tán ci.

Kɔlɔsèn anmàn-bɔ̀ 3:17

Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Zhakɛ̀n 3:9

Bɔ́ bɩ́ nɛ̀n bɔ́ mrɛ́n Ɛẅɛnwrɔn bɔ́ Zi, tɛ́n bɔ́ vru bɔ́ bɩ́ nɛ̀n bɔ́ dá anwrɔnẅì léyi Ɔwɔ hán dú cá nɛ̀n nɔn, ɛẅiɛ̀.

1 Piɛrɛ̀n 5:1

Mɛ dɔ́ zɛtɛ̀ lɔ, anwrɔn hɔ̀n léyi ny'ɛmɛ̀n lɔ dú ɛcüìcüì-bɔ̀ Ɔwɔ fɛcüè mɛ̀n nɔn ankà. Mɛ̀n mán mɛ̀n dú ecüìcüì; mɛ̀n dú Krisì gbànkán hɔ̀n lɔ yɔ dalɛfuɛ-di-wrɔn kɩ mɛ lɛ cɔ́ n'eci-zrɔ léyi ye le yé nɔn. Nyàn eci léyi mɛ dɔ́ yɔ yɛ hán nɔn:

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

Ɔwɔ-mɛ̀n-yrikàn 21:23

Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.

Ɔwɔ-mɛ̀n-yrikàn 22:14

Ɛnbɔrɛbru dú anwrɔn hɔ̀n léyi ke jru y'ɛceci hɔ̀n lɔ, kɩ ẅɛn ɛkɔrɛ̀levri ke le zî ɔkɔrɛ-tɛ̀ tɛ̀-ẅì hɔ̀n lɔ, ô kè ci ɛsù-gbàtà hɔ̀n mɛ̀n ke bru anmàn.

Ɔwɔ-mɛ̀n-yrikàn 22:5

Ɛnnyran ke sɩ̀ vru dùɛ, kɩ ye sɩ̀ vru ji kɛ̀níɛn mán ɛnbrí yrikàn, ɔmuhi Ɛẅɛnwrɔn Ɔwɔ kɛ lɛ tán yɔ n'ɛyri-kàn, kɩ yɔ lɛ ẅɛn ɛyri ɛnvra lɔ fɛn nɔn.