Ɔkɔ̀hɔ̀n-wá-bɔ̀ kɔ̀hɔ̀n hán 9:4 - Ɛmɛẅi ankà ankrànkràn 2003

⁴ Nɛ̀n bore ɛnhibɩ́ kɩ nɛ̀n yá esùva tɔ̀n kɛ dɔ́ nɛ̀n le: “Sɔlɛ̀n, Sɔlɛ̀n, cɛci kruhú kɛ̂ ɛ kɔ́n mɛ̀n anhàà?” (9:4)

Ɔkɔ̀hɔ̀n-wá-bɔ̀ kɔ̀hɔ̀n hán 9:4 Iomraidhean Croise

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Lükɛ̀n 10:41

Ɛẅɛnwrɔn kɛ dɔ́ nɛ̀n le: “Martɛ̀n, Martɛ̀n, e ku ɛnkrɛ̀ta kɩ ɛ kán ɛgbàn ɛci bobrebe krukú,

Zhan 18:6

Ɛnvra léyi Zhezü dɔ́ yɔ le: “Nyàn mɛ̀n”, yɔ nán esù ɛmɛẅi kɩ yɔ bore ɛnhibɩ́ɛ.

Zhan 20:16

Zhezü kɛ dɔ́ nɛ̀n le: “Mari!” Mari crɛ ezì kɛ́n nɛ̀n kɩ kɛ dɔ́ nɛ̀n ebre mɛ̀n le: “Rabuni!” (hɩ mɛ̀n kɛ dɔ̀ le “Ankà-yé-wrɔn”).

Zhan 21:15

Ɛnvra léyi yɔ zî ɛci trɔ nɔn, Zhezü ke yrɛ Simɔn Piɛrɛ̀n le: “Simɔn, Zhan ẅì, ɛ cüɛn mɛ̀n kɛ vrán ɛnyran hɔ̀n ndɔ lɔa?” Piɛrɛ̀n mrɛ́n nɛ̀n ɔmùan le: “Hɛ̀ɛ̀ Ɛẅɛnwrɔn, è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ̀ wá mɛ́n kɔ̀kɔ̀sɛ̀-ẅì hɔ̀n lɔ esùva.”

Ɔkɔ̀hɔ̀n-wá-bɔ̀ kɔ̀hɔ̀n hán 5:10

Ɛnvra zri lɔ ɛnnyɔnwrɔn lɔ bore Piɛrɛ̀n nan tɛsɛ̀n kɩ nwù. Sùgban-bɔ̀ lɔ bru ɛbemɛ̀n kɩ cɔ́ nɛ̀n, nɛ́n wù; yɔ bɩ́ nɛ̀n yɔ hɔ́n bɩ́ nɛ́n cüì tɛsɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:5

Sɔlɛ̀n ke yrɛ le: “Antɔnwrɔn dú mɛ́n Ɛẅɛnwrɔn?” Kɩ esùva lɔ mrɛ́n ɔmùan le: “Mɛ̀n dú Zhezü léyi ɛ kɔ́n anhà nɔn.

Rɔmɛ̀n-anmàn-bɔ̀ 11:22

Ɛ̀ nyan ɔmu le Ɔwɔ ke yé n'ɛnbɔrɛ wɔwɔ kɩ ne vru nɛ ẅɛn ɛmɛ̀nhyì shishi: ne bɩ́ ɛmɛ̀nhyì shishi ku anwrɔn hɔ̀n léyi bore nɔn ɛwú, kɩ ɛnbɔrɛ wɔ́ nɛ̀n v'ɛwú. Tɛ́n ke ji le ɛnvra lɔ fɛn, ɛ̀ ẅɛn esɛ́ n'ɛnbɔrɛ-wɔ̀ lɔ ɛwú, kè sɩ̀ dù ɔmu lɔ hô, vɛ́n mán yɛ lɛ vɔ́n mɛ́n kɛ lɛ hán ɛtɛ̀-dá hɔ́.

1 Korɛntɛ̀n anmàn-bɔ̀ 12:12

Annànwɔrɛ mɛ̀n lɔ, Krisì dú cá edùwrú tɔ̀n léyi ẅɛn ɛyri bobrebe nɔn. N'ɛyri bobrebe hɔ̀n lɔ, dú edùwrú zri kɩ.

1 Korɛntɛ̀n anmàn-bɔ̀ 4:7

Ɔmuhi, ecitan mɛ̀n de e tro le è sevri ɛ̀ vrán ɛnyran hɔ̀n nɛ́n? Eci lɔ fɛn léyi ɛ ẅɛ̀n nɔn, kè sɩ̀ dù Ɔwɔ yri kɛ̀ và? Ɔmuhi dú ɔmu lɔ nɔn, cɛci kruhú kɛ e gbú ɔmùan eci léyi ɛ cɔ̀ nɔn hɩ wú, hán le ye sɩ̀ tán mɛ́n eci lɔ nɛ́n?

Efɛzɛ̀n anmàn-bɔ̀ 5:30

n'edùwrú léyi bɔ́ lɛ fɛn bɔ́ dú nɛ̀n ɛmɛ̀n nɔn.