Ɔkɔ̀hɔ̀n-wá-bɔ̀ kɔ̀hɔ̀n hán 9:2 - Ɛmɛẅi ankà ankrànkràn 2003

² kɩ nɛ dɔ́ yi kɛ̀ tán nɛ̀n ɛkɔrɛ̀-levri wrú, ô nɛ̀n bru Damasɛ̀n anmàn Wɔ-sɛ́n-wɔn hɔ̀n lɔ mɛ̀n, ô ke dú kɛ anwrɔn dú nanvrɛn, dú wúcɔ̀ mán wúyɔ̀, ke bɩ́ Ɛẅɛnwrɔn levri hô, nɛ̀n ẅɛn yɔ nɛ̀n vá Zherüzalɛmɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 9:2 Iomraidhean Croise

Matie 10:17

Nyɛ́n wá esùva, ɔmuhi anwrɔn kɛ lɛ sɩ́ nyɛ̀n ɛmrɛ̀nci-bɔ̀ zìwú kɩ yɛ lɛ cüran nyɛ̀n ɛngbele y'Ɔwɔ-ankà-yé-wɔn lɔ mɛ̀n.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Ɔkɔ̀hɔ̀n-wá-bɔ̀ kɔ̀hɔ̀n hán 18:25

Ɛẅɛnwrɔn levri-sù-nan wú de nɛ̀n cɔ́ ankà-nyri kɩ edùyiemɛ̀n nɛ dɔ̀ kɩ ne yé ankà Zhezü wú, annanwɔrɛ mɛ̀n. Tɛ́n Zhan ɛnshikru-wá lɔ kɩ nɛ́n nyrì.

Ɔkɔ̀hɔ̀n-wá-bɔ̀ kɔ̀hɔ̀n hán 19:23

Ɛnvra ndɔ lɔ mɛ̀n Efɛzɛ̀n anmàn dú ɛdrɛ̀ vriemɛ̀n, Ɛẅɛnwrɔn levri ankà kruhú.

Ɔkɔ̀hɔ̀n-wá-bɔ̀ kɔ̀hɔ̀n hán 19:9

Tɛ́n anwrɔn bobrebe kɛ hán ɛnkru shishi ci, kɛ krɔ, ke sɩ́ ji kè bù tán ankaẅì kɩ yɔ hán Ɛẅɛnwrɔn levri bɩ lɔ ɛnhyürɛ̀ fɛcüè zìwú. Zɛtɛn Pɔlɛ̀n teze yɔ, nɛ́n bɩ́ Krisi-sɛ̀nkɛn-bɔ̀ mɛhi yɔ hɔ̀n kɩ ɛnbì lɔ fɛn nɛ dɔ́ yɔ Ɔwɔ ankà Tirannüsɛ̀n wrú-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:14

Tɛ́n, v'ezìwú lɔ, me nyrì le: mɛ̀n wá ɔmùan, esùnàn ɛnlevri wrù nyantɛn wú léyi yɔ tro le dú ɛzɛ́n levri nɔn. Tɛ́n mɛ̀n dú bɔ́ nancüì hɔ̀n Wɔ-ci-bɩtan-wrɔn kɩ me bú ankà hɔ̀n lɔ fɛn léyi ye merɛ́n ɛnyànmàn wrú hɔ̀n lɔ mɛ̀n mán Ɔwɔ-mùanwú-ankà-dɔ́-bɔ̀ tɛn lɔ mɛ̀n, tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 24:22

Govràn Feliksɛ̀n léyi nyri Krisì-Wɔ lɔ n'ankà lɔ fɛn nɔn, wá ɛmrɛ̀ncì lɔ ɛnvra nyantɛn kɩ kɛ dɔ́ anẅiɛ̀-vra-bɔ̀ lɔ le: “Ɛnvra léyi gɔliɛ-bɔ̀ wrɔn cüìcüì Liziasɛ̀n kɛ lɛ và nɔn, me le ci ny'ankà lɔ ɛmrɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 26:10

Eci ndɔ lɔ de mɛ̀n hán Zherüzalɛmɛ̀n anmàn nɔn. Ɔwɔ-cice-bɔ̀ cüìcüì hɔ̀n tán mɛ̀n ɛkɔrɛ̀-levri vɛ́n tɔ̀n, kɩ mɛ̀n ẅɛn ankaẅì-bùtan-ẅɛn-bɔ̀ bobrebe mɛ̀n ku anwɔn-mɛ̀n; kɩ ɛnvra léyi yɛ hán yɔ ɛgbàn nɔn, mɛ cüɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 26:12

“Ɔmu lɔ de, ɛkɔrɛ̀-levri léyi mɛ̀n cɔ́ Ɔwɔ-cice-bɔ̀ tamɛ̀n nɔn, mɛ̀n hɔ́n Damasɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 6:9

Zɛtɛn anwrɔn janbɔ̀ kɛ kɛ́n nɛ̀n ezì: yɔ dú ɛnvrakpà, Ɔwɔ-sɛ́n-wɔn-mɛ̀n mɛ̀n-bɔ̀, léyi ye bi “anwɔ̀n-bɔ̀ léyi cɔ́ ɔwrɔncüe nɔn”, hɩ vru dú Sirɛnɛ̀n mán Alɛksandri anmàn Zhüifɛ̀n-bɔ̀; anhyrɛmɛ̀n, Zhüifɛ̀n-bɔ̀ léyi dú Silisi mán Azi kpɔsɔ-wú-bɔ̀ nɔn. Yɔ mán Etiɛnɛ̀n mɛhi yɔ bukru yɔ wrɔ́n-ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 7:19

Ɛnnɛ̀ncüì ndɔ lɔ frɛ́n bɔ́ fɛcüè lɔ, hán bɔ́ nancüì hɔ̀n lɔ kán ɛgbàn, kɩ wá tán yɔ, ô yɔ tecüe y'ɛẅì hɔ̀n kè wù.

Ɔkɔ̀hɔ̀n-wá-bɔ̀ kɔ̀hɔ̀n hán 9:14

Kɩ nɛ̀n vá ɛnu lɔ, Ɔwɔ-cice-bɔ̀ kɔrɛ̀-levriemɛ̀n, ô nɛ̀n ẅɛn anwrɔn léyi ke bɩ́ v'ebɩ́ lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:21

Anwrɔn hɔ̀n léyi kɛ yá n'ankà-dɔ̀ lɔ nɔn dú anvɛmɛ̀n-frɛ́n mɛ̀n kɩ ke yrɛ le: “Kɛ̂ kè sɩ̀ dù ɔwrɔn ndɔ lɔ de Zherüzalɛmɛ̀n anmàn lɔ kɛ hán anwrɔn hɔ̀n léyi ke bɩ́ Zhezü bɩ́, ɛgbàn shishi nɛ́n? Kɛ̂ nɛ̀n sɩ̀ kàn bìhì nɛ̀n và ɛnu lɔ, ô nɛ̀n ẅɛ̀n yɔ nɛ̀n hɔ̀n sɩ̀ Ɔwɔ-cice-bɔ̀ cüìcüì hɔ̀n lɔa?”

2 Korɛntɛ̀n anmàn-bɔ̀ 11:32

Ɛnvra léyi mɛ̀n dú Damasɛ̀n anmàn nɔn, govràn léyi dú ɛnnɛ̀ncüì Aretasɛ̀n zìwú wrɔn nɔn, hɛ́n gɔliɛ-bɔ̀ anmàn gbàtà-mùan ô kɛ̀ ẅɛn mɛ̀n.

Galasi anmàn-bɔ̀ 1:17

yakɛ mɛ̀n sɩ̀ hɔ̀n Zherüzalɛmɛ̀n anmàn anwrɔn hɔ̀n léyi gɔ́ dú ɔkɔ̀hɔ̀n-wá-bɔ̀ hɛ́ mɛ̀n ezì nɔn, y'ɛtɛ̀sɛ̀n; tɛ́n ɛnvra zri lɔ, mɛ̀n bɩ́ Arabɛ̀n-bɔ̀ anmàn levri, zɛtɛn mɛ̀n vru ɛmɛẅi mɛ̀n hɔ́n Damasɛ̀n anmàn.