Ɔkɔ̀hɔ̀n-wá-bɔ̀ kɔ̀hɔ̀n hán 8:9 - Ɛmɛẅi ankà ankrànkràn 2003

⁹ Ɔwrɔn tɔ̀n léyi ye bi Simɔn nɔn gɔ́ dú anmàn ndɔ lɔ mɛ̀n. Nɛ hán seke kɔ̀hɔ̀n kɩ nɛ hán anvɛmɛ̀n-frɛ́n-ci ne yé Samari kpɔsɔ wú anmàn-bɔ̀. Ne bú n'edomɛ̀n nɛ hán ɔwrɔn anvrɛnvrɛn,

Ɔkɔ̀hɔ̀n-wá-bɔ̀ kɔ̀hɔ̀n hán 8:9 Iomraidhean Croise

Zhan 7:18

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:6

Yɔ ci Shiprɛ̀n vúta mùmù lɔ fɛn wú, hàn mán yɔ cɔ́ Pafɔsɛ̀n anmàn. Nanvrɛn lɔ, yɔ cɔ́ seke-wrɔn tɔ̀n ye bi Bar-Zhezü, Zhüifɛ̀n-wrɔn tɔ̀n léyi ke bɩ́ n'edomɛ̀n kɛ hán Ɔwɔ-mùanwú-ankà-dɔ́-wrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:8

Tɛ́n seke-wrɔn Elimasɛ̀n (ɔmu lɔ de ye bi nɛ̀n grɛkɛ̀n mɛ̀n nɔn) kɛ kɛ́n yɔ ezì, kɩ ke ji kɛ zrɛ́n govran-wrɔn ankaẅì-bùtan lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 5:36

Kɛ vá moɛ̀n, Tedasɛ̀n nvà, nɛ́n léyi nɛ krɛ́ n'edomɛ̀n ɔwrɔn ankrankran; ɔwrɔn ɛkoẅì-ɛẅia kɛ́n nɛ̀n ɛsɛ̀n. Tɛ́n ye wri nɛ̀n, anwrɔn hɔ̀n léyi dú nɛ̀n ɛmɛẅi nɔn bonyì kɩ nɛ́n fɛcüè lɔ zrɛ́n mrìmrì.

Ɔkɔ̀hɔ̀n-wá-bɔ̀ kɔ̀hɔ̀n hán 8:11

Yɔ ẅɛn n'ɔbɔ̀sɔ̀ bobrebe, ɔmuhi ɛnvra sheshemɛ̀n de nɛ hán anvɛmɛ̀n-frɛ́n-ci seke mɛ̀n ne yé yɔ nɔn.

2 Tesalonikɛ̀n anmàn-bɔ̀ 2:4

Anbɔrɛ-wrɔn ndɔ lɔ kɛ lɛ kɛ́n eci lɔ fɛn léyi anwrɔn kɛ̀ sɛ̀n hɩ ke bɩ̀ kɛ hán Ɔwɔ nɔn ezì. Ne le tɔhú nɛ̀n kɛ́n eci ndɔ lɔ fɛn ezì, kɩ nɛ lɛ hɔ́n Ɔwɔ-cice-wɔn mɛ̀n nɛ̀n yɛ́, ô nɛ̀n bɩ́ n'edomɛ̀n nɛ̀n srɔ Ɔwɔ.

Anhyrɛmɛ̀n timote 3:2

Annànwɔrɛ mɛ̀n lɔ, anwrɔnẅì kɛ lɛ ẅɛn kɔ̀tɛ́, yɔ lɛ srɔ ɔkùa nɛ́n nyran anvrɛn hɔ̀n, yɔ lɛ dú ɔmùan-gbú-bɔ̀ mán tùtre-bɔ̀; yɔ lɛ wɔra Ɔwɔ kɩ yɔ lɛ kɛ́n yɔ zi mán yɔ muan hɔ̀n ezì, yɔ sɩ̀ nyri anvrɛn, kɩ yɔ sɩ̀ ẅɛn eci prɔnprɔn wá;

Anhyrɛmɛ̀n timote 3:5

yɔ lɛ di ankaẅìbùtan-ẅɛn-bɔ̀, tɛ́n yɔ lɛ kɔ́n n'ɛkɔrɛ̀srɔn lɔ yɔ ze. Ɛ̀ crɛ ejüi ɛ̀ sɔ́n anwrɔn ɔmu hɔ̀n lɔ!

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!