Ɔkɔ̀hɔ̀n-wá-bɔ̀ kɔ̀hɔ̀n hán 8:7 - Ɛmɛẅi ankà ankrànkràn 2003

⁷ Annanwɔrɛ mɛ̀n lɔ, anhɛ́n gbangbàn ke dú ɛnlɔẅiɛ-bɔ̀ bobrebe edomɛ̀n kɛ srɔ ɛntrɛ, kɛ sɔ́n nkù vri tɔ̀n kɩ ɔkpɔ̀cɔ-bɔ̀ mán ɛsɔ̀ze-bɔ̀ bobrebe kɛ cɔ́ ɔkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 8:7 Iomraidhean Croise

Matie 10:1

Zhezü bi n'ɛsɛ̀nkɛn-bɔ̀ ɛvà-anhyrɛ̀ lɔ kɩ nɛ̀n tán yɔ ɛkɔrɛ̀srɔn ô yɔ kɛ́n anhɛ́n gbàngbàn hɔ̀n ɛsɛ̀n, yɔ kɔrɛ ɛnlɔẅiɛ hɔ̀n lɔ fɛn mán ɔkpɔ̀cɔ lɔẅiɛ lɔ fɛn.

Matie 11:5

Anvɛ̀-boyɛ-bɔ̀ kɛ kán ɛyri, ɛsɔ̀nze-bɔ̀ kɛ nán esù, kokove-bɔ̀ kɛ cɔ́ ɔkɔrɛ̀, nukù-sî-bɔ̀ kɛ yá ankà, owú-bɔ̀ kɛ wrɔ vá ɔkɔrɛ-bɔ̀ mɛ̀n, kɩ ɛmian-bɔ̀ kɛ cɔ́ ɛmɛẅi ankà ankrànkràn kɛ yá.

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Markɛ̀n 9:26

Ɛnhɛ́n lɔ di nkù, jɔ́kɔ́ ɛnẅì lɔ ecüìemɛ̀n, kɩ srɔ ɛntrɛ. Ɛncɔnwrɔn-ẅì lɔ dɛ́ cá owú-wrɔn hán tán kɩ anwrɔn hɔ̀n léyi nyɔn nɔn, bobrebe kɛ dɔ̀ le: “Nɛ́n wùɛ.”

Lükɛ̀n 10:17

Ɔkɔhɔ̀n-wá-bɔ̀ ɛkoẅi-anhɔ̀n mán ɛẅì ɛvà-anhyrɛ̀ lɔ vru ɛmɛẅí và pɔpüɛ̀ kɛ brà kɩ kɛ dɔ̀ le: “Ɛẅɛnwrɔn, anhɛ́n gbangbàn hɔ̀n mán ke die bɔ̀ nukù, ɛnvra léyi bɔ̀ wá ɛnyanmàn tán yɔ v'ebɩmɛ̀n nɔn!”

Zhan 14:12

Annanwɔrɛ mɛ̀n mɛ dɔ́ nyɛ̀n le: ɔwrɔn léyi ke bú m'ankà kɛ tán ankaẅì nɔn, nɛ lɛ hán nɛ́n mán, ɛci hɔ̀n léyi mɛ hán nɔn. Nɛ lɛ hán yɔ kɛ lɛ sàn sevri, ɔmuhi mɛ hɔ́n Dade tɛsɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:16

Anwrɔn fɛcüè mán ke dú anmàn hɔ̀n léyi dú Zherüzalɛmɛ̀n tɛsɛ̀n nɔn kɛ và; yɔ sɩ́ ɛnlɔẅiɛ-bɔ̀ mán anwrɔn hɔ̀n léyi anhɛ́n gbàngbàn ke di ejüe nɔn, kɩ yɔ lɛ fɛn lɔ yɔ kɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 8:6

Ɛnvra léyi yɔ yá Filipɛ̀n ankà-dɔ̀ lɔ, hɩ yɛ kán anvɛmɛ̀n-frɛ́n-ci léyi nɛ hán nɔn, anmàn fɛcüè lɔ fɛn dú nɛ̀n nukù die mɛ̀n anvrɛnvrɛn.

Ebre-bɔ̀ 2:4

Ɛnvra zri lɔ, Ɔwɔ tán yɔ dalɛfuɛ-dì lɔ ecüì, kɩ hán eci woroanci mán anvɛmɛ̀n-frɛ́nci mɛ̀ntɛ mɛ̀ntɛ, ɔmu zri lɔ nɛ̀n dɛ́ Ɛnhɛ́n Prɔnprɔn cice lɔ, hán ɔmu le nɛ́n cüɛ̀n nɔn hɔ́.