Ɔkɔ̀hɔ̀n-wá-bɔ̀ kɔ̀hɔ̀n hán 8:3 - Ɛmɛẅi ankà ankrànkràn 2003

³ Sɔlɛ̀n tɛn, kɛ hán kekremɛ̀n, ô kɛ̀ jrɛ́ Ɔwɔ fɛcüè-bɔ̀ lɔ; ne ci ebɩ́bɩ́, nɛ ẅɛn ankaẅì-bùtan-ẅɛn-bɔ̀ lɔ, wúcɔ̀ mán wúyɔ̀ kɩ ne ku yɔ anwɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:3 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 16:19

Ɛnvra léyi eci-bɩ̀tan-hi lɔ, n'ankà-yé-bɔ̀ kán ɔmu le yɔ sɩ̀ vru cɔ́ ɔkùa eci léyi ɛnnyɔwrɔn lɔ kɛ hán nɔn mɛ̀n nɔn, yɔ ẅɛn Pɔlɛ̀n mán Silasɛ̀n, kɩ yɔ sɩ́ yɔ anmàn drɛ́nmɔɛ́n mɛ̀n ɛcüìcüì-bɔ̀ zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 22:19

Mɛ̀n mrɛ́n ɔmùan le: ‘Ɛẅɛnwrɔn, yɔ nyri ɔmu le mɛ hɔ́n Ɔwɔ-sɛ́n-wɔn hɔ̀n lɔ mɛ̀n, me ku anwrɔn anwɔn-mɛ̀n-wá-wɔn mɛ̀n, kɩ mɛ hán ye gorɛ yɔ hɔ̀n léyi ke bú v'ankà kɛ tán ankaẅì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:58

yɔ wán nɛ̀n sɩ́ anmàn-kru kɩ yɔ bukru yɔ soran nɛ̀n ɛbù, ô yɔ wri nɛ̀n. Dalɛfùɛ-di-bɔ̀ bɩ́ y'ɛceci hɔ̀n lɔ wá sùgban ẅì tɔ̀n léyi ye bi Sɔlɛ̀n nɔn antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:2

Ɔwɔ-kɔ̀hɔ̀n-hán-bɔ̀ anvrɛnvrɛn bɩ́ Etiɛnɛ̀n dùwru lɔ wá ɛnhibɩ́ kɩ wú eyú ku Etiɛnɛ̀n wú.

Ɔkɔ̀hɔ̀n-wá-bɔ̀ kɔ̀hɔ̀n hán 9:21

Anwrɔn hɔ̀n léyi kɛ yá n'ankà-dɔ̀ lɔ nɔn dú anvɛmɛ̀n-frɛ́n mɛ̀n kɩ ke yrɛ le: “Kɛ̂ kè sɩ̀ dù ɔwrɔn ndɔ lɔ de Zherüzalɛmɛ̀n anmàn lɔ kɛ hán anwrɔn hɔ̀n léyi ke bɩ́ Zhezü bɩ́, ɛgbàn shishi nɛ́n? Kɛ̂ nɛ̀n sɩ̀ kàn bìhì nɛ̀n và ɛnu lɔ, ô nɛ̀n ẅɛ̀n yɔ nɛ̀n hɔ̀n sɩ̀ Ɔwɔ-cice-bɔ̀ cüìcüì hɔ̀n lɔa?”

1 Korɛntɛ̀n anmàn-bɔ̀ 15:9

Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn.

Galasi anmàn-bɔ̀ 1:13

Nyɛ́n yá yɛ dɔ́ eci léyi mɛ hán ɛnvra léyi mɛ̀n vru mɛ̀n dú Zhüifɛ̀n-bɔ̀ wɔ-sɛ̀n lɔ mɛ̀n nɔn. Nyɛ́n nyri ɔmu le mɛ kɔ́n Ɔwɔ-fɛcüè-bɔ̀ anhà ɛshishiemɛ̀n kɩ mɛ hán kèkrèmɛ̀n, ô mɛ̀n jrɛ́ yɔ.

Filipɛ̀n anmàn-bɔ̀ 3:6

kɩ mɛ̀n dú ankà-tro-zri-wrɔn ɛnyànmàn ci-hán mɛ̀n, kɩ mɛ hán Ɔwɔ-fɛcüè-bɔ̀ ɛgbàn. Eci léyi dú ɛwúvà nyrɔnnan-ci, hɩ ɛnyànmàn wá nɔn, mɛ̀n dú n'ɛẅɛnmɛ̀n ɛshishiemɛ̀n.

Kpàkpà timote 1:13

kɩ nɛ̀n sɩ̀ crɛ̀ nyan ɛnbìɛhɛ́n ci gbàngbàn léyi mɛ̀n hán nɛ̀n, mán ɔwra léyi mɛ̀n ku nɛ̀n ɛwú nɔn. Tɛ́n Ɔwɔ nyri mɛ̀n ɛnhyɔ̀bɔ̀, ɔmuhi mɛ̀n sɩ̀ ẅɛ̀n ankaẅìbùtan, kɩ mɛ́n sɩ́ nyri eci léyi mɛ hán nɔn.

Zhakɛ̀n 2:6

Kɩ, nyɛ tɛn nye gbri ɛmian-wrɔn! Anwrɔn hɔ̀n léyi ke di nyɛ̀n ejüe, hɩ ke sɩ́ nyɛ̀n ɛmrɛ̀nci-bɔ̀ zìwú nɔn, kɛ̂, kè sɩ̀ dù yɔ de yɔ dù ɛnnɛ̀ncüì hɔ̀n lɔ nɛ́n?