Ɔkɔ̀hɔ̀n-wá-bɔ̀ kɔ̀hɔ̀n hán 8:12 - Ɛmɛẅi ankà ankrànkràn 2003

¹² Tɛ́n ɛnvra léyi yɔ bú Filipɛ̀n mɛẅi ankà ankrankran léyi kɛ dɔ́ anhobɩ́ nɛ̀ncüì-dúyri mán Zhézü Krisì domɛ̀n ankà tán ankaẅì nɔn, yɔ hán yɛ wá yɔ ɛnshi ɛnkru, wúcɔ̀ mán wúyɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 8:12 Iomraidhean Croise

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Lükɛ̀n 9:2

Zɛtɛn, nɛ̀n wá yɔ ɔkɔhɔ̀n yɔ hɔ̀n yɔ dɔ́ Ɔwɔ ankà ô yɔ kɔrɛ ɛnlɔẅiɛ-bɔ̀.

Lükɛ̀n 9:60

Zhezü mrɛ́n nɛ̀n ɔmùan le: “Teze owú-bɔ̀ kè bɩ́ y'ɔwú-bɔ̀, vɛ tɛn ɛ̀ hɔ̀n ɛ̀ dɔ́ anwrɔn Anhobɩ́ Nɛ̀ncüì-dúyri ankà.”

Ɔkɔ̀hɔ̀n-wá-bɔ̀ kɔ̀hɔ̀n hán 1:3

Annanwɔrɛ mɛ̀n lɔ, n'owù mɛẅi lɔ, nɛ̀n bɩ́ n'edomɛ̀n nɛ̀n yé eci-woroan-ci mɛ̀ntɛ mɛ̀ntɛ mɛ̀n, ô yɔ nyri ɔmu le nɛ̀n dú ɔkɔrɛ-bɔ̀ mɛ̀n: ɛbi ɛkoẅi-anhyrɛ̀ nɛ̀n bɩ́ n'edomɛ̀n nɛ̀n yé yɔ kɩ nɛ̀n dɔ́ yɔ Anhobɩ́ Nɛ̀ncüì-dúyri ankà.

Ɔkɔ̀hɔ̀n-wá-bɔ̀ kɔ̀hɔ̀n hán 11:20

Ɔmu tɛ̀kɩ, ankaẅì-bùtan-ẅɛn-bɔ̀ jan léyi dú Shiprɛ̀n mán Sirɛnɛ̀n anmàn nɔn, hɔ́n Antiɔshɛ̀n anmàn kɩ kɛ dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Zhezü mɛẅi Ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 18:8

Kripüsɛ̀n léyi dú Ɔwɔ-sɛ́n-wɔn lɔ n'ɔwrɔn cüìcüì nɔn mán n'ɛmɛ̀n-bɔ̀ lɔ fɛn ẅɛn ankaẅì-bùtan Ɛẅɛnwrɔn wú. Korɛntɛ̀n anmàn-bɔ̀ bobrebe léyi ke die Pɔlɛ̀n nukùɛ nɔn mán ẅɛn ankaẅì-bùtan kɩ yɛ wá yɔ ɛnshi ɛnkru.

Ɔkɔ̀hɔ̀n-wá-bɔ̀ kɔ̀hɔ̀n hán 19:5

Ɛnvra léyi yɔ yá ankà ndɔ hɔ̀n lɔ trɔ nɔn, yɔ hán yɛ wá yɔ ɛnshi-ɛnkru Ɛẅɛnwrɔn Zhezü bɩmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:38

Piɛrɛ̀n mrɛ́n yɔ ɔmùan le: “Nyɛ́n crɔn ny'eci-hán-ci, ô ɔwrɔnwrɔn kɛ̀ hán yɛ wá nɛ̀n ɛnshi ɛnkru Zhezü Krisì bɩmɛ̀n, ô ny'ɛgbàn hɔ̀n lɔ kè bɩ ce nyɛ̀n. Zɛtɛn nyɛ lɛ cɔ́ Ɔwɔ cice-ci lɔ, Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:41

Bobrebe y'ɛmɛ̀n lɔ shri Piɛrɛ̀n ankà-dɔ̀ lɔ bɩ kɩ yɛ wá yɔ ɛnshi ɛnkru. Ɛnbì ndɔ lɔ, anwrɔn tɛ̀bru kru anhɔ̀n de ku ankaẅì-bùtan-ẅɛn-bɔ̀ fɛcüè lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:21

Mɛ̀n bi Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀ nɔn, yɔ crɔn ɛnkru, ô yɔ bú Ɛẅɛnwrɔn Zhezü ankà yɔ tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 20:25

Mɛ̀n ci ny'ɛmɛ̀n kɩ mɛ dɔ́ Anhobɩ́ Nɛ̀ncüì-dúyri ankà, tɛ́n zɛtɛ̀ lɔ, mɛ̀n nyri ɔmu le, ny'ɛmɛ̀n lɔ, ɔwrɔn zriɛmɛ́n ke sɩ̀ vru kán mɛ̀n hàn.

Ɔkɔ̀hɔ̀n-wá-bɔ̀ kɔ̀hɔ̀n hán 28:31

Nɛ dɔ́ Anhobɩ́ Nɛ̀ncüì-dúyri ankà kɩ ne yé yɔ Ɛẅɛnwrɔn Zhezü Krisi domɛ̀n ankà, esɛ́ mɛ̀n kɩ ye sɩ́ wá nɛ̀n ejüe.

Ɔkɔ̀hɔ̀n-wá-bɔ̀ kɔ̀hɔ̀n hán 5:14

Anwrɔn fɛcüè brobebe, wúcɔ̀ mán wúyɔ̀ ẅɛn ankaẅì-bùtan Ɛẅɛnwrɔn mɛ̀n, kɩ kɛ vá cɔ́ y'ɔkpɔsɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 8:4

Anwrɔn hɔ̀n léyi yɔ bonyì nɔn, ke ci Samari kpɔsɔ wú kɛ dɔ́ Ɛmɛẅi ankà Ankrànkràn lɔ.

Rɔmɛ̀n-anmàn-bɔ̀ 10:10

Annanwɔrɛ mɛ̀n lɔ, ɛnbɔrɛ mɛ̀n de ankaẅì-bùtan ke dù kɛ srɔ, kɩ ɔwrɔn léyi kɛ ẅɛn ankaẅì-bùtan nɔn, Ɔwɔ kɛ srɔ nɛ̀n ɛnyrɔnnan-wrɔn; anmùan mɛ̀n de yɛ dɔ́ ankaẅì-bùtan ankà nɔn, kɩ Ɔwɔ kɛ tán ɔwrɔn léyi kɛ dɔ́ ankaẅì-bùtan ankà nɔn, ebɩ̀die.

1 Korɛntɛ̀n anmàn-bɔ̀ 11:11

Tɛ́n, bɔ́ mán Ɛẅɛnwrɔn mɛhi bɔ́ ɛwúvà lɔ mɛ̀n, ɛnnyɔnwrɔn kè sɩ̀ dù ɔhɔnán kɩ ɛncɔnwrɔn mán kè sɩ̀ dù ɔhɔnán kɛ̀ tán y'edomɛ̀n.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,