Ɔkɔ̀hɔ̀n-wá-bɔ̀ kɔ̀hɔ̀n hán 8:1 - Ɛmɛẅi ankà ankrànkràn 2003

¹ Kɩ Sɔlɛ̀n cüɛn ɔmu le ye wri Etiɛnɛ̀n. Ɛnbì zri léyi Etiɛnɛ̀n nwù nɔn, ɛgbànkàn vri bukru tán Zherüzalɛmɛ̀n Wɔ fɛcüè-bɔ̀. Ankaẅì-bùtan-ẅɛn-bɔ̀ lɔ fɛn, bonyi y'edomɛ̀n Zhüde mán Samari kpɔsɔ wú, ɔkɔ̀hɔ̀n-wá-bɔ̀ lɔ kɩ badà yɔ ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:1 Iomraidhean Croise

Matie 22:6

anwrɔn ndɔ hɔ̀n ẅɛn ɛci-bɩtan-bɔ̀ léyi yɛ wá ɔkɔ̀hɔ̀n nɔn, wri yɔ eci edù, kɩ wri ndɔ hɔ̀n.

Matie 23:34

Hɩ le kruhú, nyɛ́n die nukùɛ: me le yüre nyɛ̀n Ɔwɔ-mùanwú-ankà-dɔ́-bɔ̀, ankà-nyri-bɔ̀ mán ɛnyànmàn-ankà-yé-bɔ̀ annànwɔrɛ. Nye le wri jan, nyɛ lɛ gɔ́n ndɔ hɔ̀n brɛ́ ɛgbàn-hán-tɛ̀ domɛ̀n, nye le gorɛ bobrebe ndɔ hɔ̀n ɛngbele mɛ̀n ny'Ɔwɔ-sɛ́n-wɔn lɔ mɛ̀n kɩ nyɛ lɛ kɛ́n ndɔ hɔ̀n ɛsɛ̀n anmàn anmàn nyɛ́n cì.

Matie 5:13

“Nyɛ́n de nyɛ́n dú ɛnhibù wú jüɛ̀. Tɛ́n ke dú kɛ ɛnjüɛ̀ zrɔ lɔ kɛ vácì hô, anhɔntan de ye le vru yɛ hán nɛ̀n, ô nɛ̀n zrɔ nɛ́n? Nɛ́n sɩ̀ vrù zrɔ̀ eci zriɛmɛ́n hán mɛ̀n; yɛ lɛ kɔ́n nɛ̀n cüe ɛntrɛa, kɩ anwrɔn kɛ lɛ nán nɛ̀n ɛwú.

Zhan 15:20

Ke bru nyɛ̀n, ankà léyi mɛ̀n dɔ́ nyɛ̀n nɔn: ‘Eci-bɩtan-wrɔn zriɛmɛ́n ke sɩ̀ sevri kɛ̀ vrán n'ankà-yé-wrɔn.’ Ke dú kɛ yɔ kɔ́n mɛ̀n anhà hô, nyɛ́n mán yɔ lɛ kɔ́n nyɛ̀n anhà; ke dú kɛ yɔ ẅɛn m'ankà-yé lɔ yɔ hɛ́n hô, yɔ lɛ ẅɛn nyɛ tɛn lɔ mán yɔ hɛ́n.

Zhan 16:2

Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:1

Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:36

Davidɛ̀n tɛn, nɛ́n vra lɔ mɛ̀n, hán eci léyi Ɔwɔ ke ji nɔn; zɛtɛn nɛ̀n wù, ye bɩ́ nɛ̀n nɛ́n nancüì hɔ̀n tɛ̀sɛ̀n, kɩ nɛ̀n srɔ ɛnhi-wɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:47

Yɔ mrɛ́n Ɔwɔ, kɩ anwrɔn lɔ fɛn ẅɛn y'ɛcüɛ̀n. Kɩ ɛnbì lɔ fɛn, Ɛẅɛnwrɔn kɛ tán yɔ fɛcüè lɔ, anwrɔn hɔ̀n léyi ne sɩ́ ɛnkru-kɔrɛ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:20

Kɩ ɛnvra léyi ye wri Etiɛnɛ̀n, vɛ́n dalɛfuɛ-di-wrɔn lɔ nɔn, mɛ̀n mán mɛ̀n dú nanvrɛn lɔ. Anwrɔn hɔ̀n léyi ke wri nɛ̀n nɔn, mɛ̀n dú y'ɛmɛẅi kɩ mɛ̀n bɩ́ y'ɛceci hɔ̀n lɔ mɛ̀n hɛ́n.’

Ɔkɔ̀hɔ̀n-wá-bɔ̀ kɔ̀hɔ̀n hán 26:10

Eci ndɔ lɔ de mɛ̀n hán Zherüzalɛmɛ̀n anmàn nɔn. Ɔwɔ-cice-bɔ̀ cüìcüì hɔ̀n tán mɛ̀n ɛkɔrɛ̀-levri vɛ́n tɔ̀n, kɩ mɛ̀n ẅɛn ankaẅì-bùtan-ẅɛn-bɔ̀ bobrebe mɛ̀n ku anwɔn-mɛ̀n; kɩ ɛnvra léyi yɛ hán yɔ ɛgbàn nɔn, mɛ cüɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:18

Yɔ hán yɔ ẅɛn yɔ ye ku anmàn wɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:20

“Nyɛ́n hɔ́n Ɔwɔ-cice-wɔn lɔ mɛ̀n, ô nyɛ́n dɔ́ fɛcüè ankà lɔ fɛn léyi dú ɛwúvà wrú lɔ mɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 5:33

Ankà-dɔ̀-trɔ-bɔ̀ lɔ bɩ́ ɛmɛ̀nhyì ɛnvra léyi yɔ yá ankà ndɔ lɔ nɔn, kɩ yɔ ji yɔ di ɔkɔ̀hɔ̀n-wá-bɔ̀ lɔ owúemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:40

Ye vru ye bi ɔkɔ̀hɔ̀n-wá-bɔ̀ lɔ, yɔ hán ye gorɛ yɔ kɩ yɔ wá tán yɔ le, yɔ bɩ́ vru dɔ́ ankà Zhezü bɩmɛ̀n, zɛtɛn yɔ tecüe yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 7:38

Zɛtɛn, hɩ vra léyi Izraɛlɛ̀n fɛcüè lɔ borɛkru ɛnnùwì nɔn, nɛ́n de nɛ̀n nyɔn bɔ́ nancüì hɔ̀n mán Ɔwɔ-kùyüre-wrɔn léyi dú Sinahi kpò wú kɛ dɔ́ n'ankà nɔn, angranmɛ̀n; nɛ̀n cɔ́ Ɔwɔ-mùan-kà-dɔ̀ kɔrɛkɔrɛ léyi ne bɩ nɛ̀n và sɩ́ bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:54

Ankà-dɔ̀-trɔ mrɛ̀nci-bɔ̀ lɔ bɩ́ ɛmɛ̀nhyì ɛnvra léyi yɔ yá ankà ndɔ hɔ̀n lɔ kɩ yɔ rá ɛmɛ̀nhyì nyî ku Etiɛnɛ̀n ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 7:58

yɔ wán nɛ̀n sɩ́ anmàn-kru kɩ yɔ bukru yɔ soran nɛ̀n ɛbù, ô yɔ wri nɛ̀n. Dalɛfùɛ-di-bɔ̀ bɩ́ y'ɛceci hɔ̀n lɔ wá sùgban ẅì tɔ̀n léyi ye bi Sɔlɛ̀n nɔn antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:14

Ɔkɔ̀hɔ̀n-wá-bɔ̀ léyi dú Zherüzalɛmɛ̀n anmàn nɔn, ncɔ́ nyrì le Samari kpɔsɔ wú anmàn-bɔ̀ cɔ́ Ɔwɔ mùan-ankà yá; zɛtɛn yɔ hán Piɛrɛ̀n mán Zhan hɔ́n cɔ́ yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 8:2

Ɔwɔ-kɔ̀hɔ̀n-hán-bɔ̀ anvrɛnvrɛn bɩ́ Etiɛnɛ̀n dùwru lɔ wá ɛnhibɩ́ kɩ wú eyú ku Etiɛnɛ̀n wú.

Ɔkɔ̀hɔ̀n-wá-bɔ̀ kɔ̀hɔ̀n hán 8:4

Anwrɔn hɔ̀n léyi yɔ bonyì nɔn, ke ci Samari kpɔsɔ wú kɛ dɔ́ Ɛmɛẅi ankà Ankrànkràn lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 8:5

Filipɛ̀n hɔ́n Samari anmàn cüìcüì lɔ kɩ bukru kɛ dɔ́ nanvrɛn anmàn-bɔ̀ lɔ, Ebɩ̀die-wrɔn lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

Rɔmɛ̀n-anmàn-bɔ̀ 1:32

Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Ebre-bɔ̀ 11:27

Ankaẅìbùtan mɛ̀n de, Mohizì cɔhɔ́ Ezhiptɛ̀n hiwú, ɛnjansù kè sɩ̀ ẅɛn nɛ̀n ɛnnɛ̀ncüì mɛ̀nhyì-bɩ lɔ wú; nɛ̀n nyɔ́n ɛshishiemɛ̀n, hán le, nɛ kán Ɔwɔ léyi ye sɩ́ kán nɔn.