Ɔkɔ̀hɔ̀n-wá-bɔ̀ kɔ̀hɔ̀n hán 7:8 - Ɛmɛẅi ankà ankrànkràn 2003

⁸ Zɛtɛn Ɔwɔ wá mìrɛ̀n tɔ̀n nɛ́n mán Abrahamɛ̀n mɛhi y'angranmɛ̀n, mìrɛ̀n léyi n'eci-woroan-ci dú wúcɔ̀ domɛ̀n-wì nɔn. Ɔmu lɔ de Abrahamɛ̀n wí n'ɛnẅì Izaakɛ̀n wúcɔ̀ domɛ̀n, n'ɛbi ɛẅiriemɛ̀n ɛnvra léyi ye bî nɛ̀n nɔn; ɔmu zri lɔ Izaakɛ̀n wí Zhakɔbɛ̀n wúcɔ̀ domɛ̀n, kɩ Zhakɔbɛ̀n wí n'ɛmɛẅi-bɔ léyi ke le dú Izraɛlɛ̀n mɛ̀n kru ɛvá-anhyrɛ̀ lɔ mɛ̀n nɔn, wúcɔ̀ domɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 7:8 Iomraidhean Croise

Matie 1:2

Abrahamɛ̀n dú Izaakɛ̀n nɛ́n zi; Izaakɛ̀n dú Zhakɔbɛ̀n nɛ́n zi; Zhakɔbɛ̀n dú Zhüda mán nɛ́n muan-ẅì hɔ̀n yɔ zi;

Zhan 7:22

Ɔmuhi Mohizì tán nyɛ̀n ɛnyànmàn ô nyɛ́n wi wucɔ̀ edomɛ̀n nɔn, (kɩ kè sɩ̀ dù Mohizì de kè bùkru kɛ̀ hàn hɩ ci lɔ, tɛ́n nyɛ́n nancüi hɔ̀n) kɩ nye shrì kɩ nyɛ hán hɩ kɔhɔ̀n lɔ ɛnyanmán-bì vra lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 2:29

Anwrɔn-nɛ́n-muan-ẅì hɔ̀n, kɛ wá tán mɛ̀n le, mɛ̀n dɔ́ nyɛ̀n kpete mɛ̀n, bɔ́ nancüì Davidɛ̀n ankà: nɛ̀n wù, ye bɩ́ nɛ̀n kɩ n'ezhe-nànmàn lɔ vru dú bɔ́ yri ɛnyɔncì lɔ.

Rɔmɛ̀n-anmàn-bɔ̀ 4:10

Ɛnvra tán de eci lɔ wɔ̀ɛn nɛ́n? Ɛnvra léyi ye wí Abrahamɛ̀n wúcɔ̀-domɛ̀n, kale ɛnvra léyi yɛ vá wí nɛ̀n wùcɔ̀-domɛ̀n nɛ́n? Hɔ̂, kè sɩ̀ dù ɛnvra léyi ye wí nɛ̀n wúcɔ̀-domɛ̀n nɔn, tɛ́n n'ɛmɛẅi lɔ.

Galasi anmàn-bɔ̀ 3:15

Anwrɔn-nɛ̀n-muan-ẅì hɔ̀n, me le bɩ́ sɛnpò tɔ̀n bɔ́ ɛwúvà lɔ mɛ̀n: ɛnvra léyi ɔwrɔn tɔ̀n kɛ hán n'ànja-di-wrú annanwɔrɛ mɛ̀n, ɔwrɔn zriɛmɛ́n ke sɩ̀ bɩ́ ànja-di-wrú ndɔ lɔ kɛ̀ crɔn rɔ́, kɩ nɛ́n sɩ̀ bɩ́ ankà-dɔ̀ nyantɛn nɛ̀n wá owrú lɔ mɛ̀n.

Galasi anmàn-bɔ̀ 3:17

Nyàn ankà léyi me ji mɛ̀n dɔ̀ nɔn: Ɔwɔ hán n'ɔmùan-wá-wrú kɩ wá le nɛ lɛ ẅɛn yi nɛ̀n hɛ́n. Ɛnyànmàn léyi trɔ ɛmɛẅi vá ɛnnànwàn kru ɛkoẅi-ɛnrì d'anzɔ̀ mán ɛẅì ɛẅia-ɛvà granmɛ̀n nɔn, ke sɩ̀ ẅɛn Ɔwɔ mùan-wá-wrú ndɔ lɔ kɛ̀ sɔhɔ́ rɔ́, kɩ ɔmùan léyi Ɔwɔ wá nɔn ke sɩ̀ gbù sɔhɔ́ rɔ́.

Ebre-bɔ̀ 7:4

Nyɛ́n nyan ɔmu le nɛ̀n sevri nɔn! Abrahamɛ̀n bɔ́ nancüì tán nɛ̀n n'anhà-kɔ̀nká-ci lɔ, n'ɛvámɛ̀n tɛn.